Versets bibliques populaires de Oyohana 15

Partager

<<Ami wefu ki inebi, ala wa ayabo. Owoni ala bipu hin kweyi ami yipu kala, ala ba gwa nwashika, owami lalo, ala ba gege ko yojije lo.

Ala bipu hin, ami ya yipu kala mamani. Ayabo ke efu oyoye ya gege ya gwa fufunu lo, owotiri shini ona yipu ke efu ki inebi. Ala ba gege ba gwa lo owoni ala bipu hin lo.

Owoni ala bipu hin kweyi ela hin yipu kala, ala ba doka kojoji nala ba yimu, kweyi aba ya dala.

Ala pi shun lalo, ami pi shala la kweyi ndala oko ko ya, ala ga gwa nwashika bye efu, ogwogwa ni ya rese ni. Owoni ala ya mani, Ada ya daloza kpiri ni ala doka ipu kiye hin.

Imu yoya oyoye shomani kelo, ni ase zo olayi nu ikweyi kawoya nu.

Ayabo wonyonya ni yikpiye hin kweyi ya gwa lo oya yi go tonu, kweyi ayabo ni ya gwa, oya kyanutu shini ona gwa she mani.

Ono hin yoma: Ala yimu kiyikala byoni nyyimu kala ni.

Omani ya wigyashi ka Ada hin, owoni ala gwa nwashika, oni ya shiyase mala wa awogbosun.

<<Ami we efu ki inebi ko kwokwoshi, Ada hin pi wino kyanutu la.

Owoni ala bipu hin lo, ala lema bya ayabo ni ayi go tonu kweyi efu ongmongmo, edo kayabo kefu oni aba yi kpo tukpa kweyi yola kwo.

Nkoza mani dala shini otushosha hin na yipu kala kweyi otushosha kala na gya.

Owoni ala geyagye do ono hin, ala ba bagye ipu ki imu hin, byoni ami geyagye do ono ka Ada hin ni kweyi nyyagye ipu kimu nu.

Ono hin yoma: ala yimu kiyi kala.

Ala bi wa kese, obi ya yimu kala koni ala wakaka nu ni. Byoni owe ni, ala wa kese lalo, npa shala bwipu kese. Oza ni yese ya tela kala ni oma.