Versets bibliques populaires de Valumi 5

Partager

Lechelelo Mulungu atulaje kuta angutugana, luvala lula ho twavaga tung'acha tuvanya ndongwa ntsibi, Chilisito akafwaje kwasawuli ya hetwe.

Lihuvilo ilyo silifuluche litudite tugotsole! Kwakuva Mulungu mwanga avisile wugano wake mu numbula tsetu kukolela kwa Muhe vake yo atupelye.

Si ihyo hela, kaha tun'sangalala na mu ng'odeko kwasawuli tuntsela kuta ng'odeko tsiletaga wukangatso, nawo wukangatso wutuditaga tuleche kuva na muloto na uko kuleka kuva na muloto kutuditaga tuve na lihuvilo.

Kwakuva mwanga tudisilwe vawuya kwa kumutumbila Mulungu, ihyo tunawo wusichimafu na Mulungu kukolela kwa Mutwa vetu Yesu Chilisito. Kwa kumutumbila Yesu, Mulungu atupelye wuwuya wake, nambe sambi tungikala mu wuwuya uwo, tunsangalala hilo kwasawuli tuna lihuvilo. Ihyo duve tuna luhuvi lwa kihantsa na Mulungu mu wumelemo wake.

Hotwavaga tung'acha tunlemwa kikulusa tuvene, hala luvala holwavaga kukwila Chilisito akafyaje kwasawuli ya hetwe wo tu vanya ndongwa ntsibi.

Duve, sambi tudisilwe kuva vawuya halutalo ha Mulungu kwa danda ya Chilisito, ihyo kukolela kwa mwene Chilisito akutukulusa na mbipo ya Mulungu.

Kaha kota hila kwa munu yumwe fyo alemile kuhulikitsa, vanu wolofu vakaditwaje vanya ndongwa ntsibi. Hohihyo kwa kuhulikitsa kwa munu yumwe, vanu wolofu vakuditwa vave vawuya halutalo ha Mulungu.

Lechelelo kulutila ifyo fyeka, tuna wusangalo kukolela kwa Mutwa vetu Yesu Chilisito yo atudisile tupatane na Mulungu.