Versets bibliques populaires de Kyenesis 1

Partager

Ninfɛ di Yaa labuɛ alɛ, <<Bita bubla otii di letembi loo kanya, aadie wo, aale sɛsaate di lekpo kamɛ kɔkpaku suoto ku bakansiɛ ba ninflɛlɛtɛ ni ku babɔkɛɛ sele di kasɔ kamuu suoto ku babɔkɛɛ ba ninkpe ni abe suoto ku babɔkɛɛ ba bamuu ninkpɔkɔ ni kaasɔ suoto.>> Nioso Yaa labla osuɔtɔ di nnwɔɔ omu nɔɔ letembi kanya; di Yaa letembi kanya aabla nwɔ; osuɔtɔ ku ɔsanko aabla ma.

Yaa lawii ma lɛyɔɔ ni aatɔkɔ ma alɛ, <<Bilofo biɛkpɛ biyii kayi biele ka sɛsaate. Biele sɛsaate di lekpo kamɛ kɔkpaku ku kɔfɛɛfɔ kamɛ bakansiɛ ku asaa ya ninkpe ni nkpa ankpɔkɔ ni kaasɔ suoto.

Di kasɔ kakyekɔ Yaa labla osi ku kasɔ.

Di obe nwu kamɛ, kasɔ ditawɛ letembi kuniwii, kaate kafukuti, ditunu latĩi ntu be niate ni kaasɔ nwu anu, ni di Yaa Ninwuna latookyi di ntu nwu anu nɛ.

Ni di Yaa labuɛ alɛ <<Ta dikpa>> ni diakpa nɛ.

Ni di Yaa lanya asaa ya amuu aabla nii alɛ ɛɛtɛ alɛ. Ninfɛ kaale laloo, ni kaasɛ, dii kuɔnle nɛ.

Ni di Yaa lanya lɛkpa nwu alɛ dilɛ, ni aasɛ lɛkpa nwu ku ditunu ntɛɛ nɛ.

Ninfɛ di Yaa labuɛ alɛ, <<Lɛyɔ ɔfa biala nintika ni abi kaasɔ kamuu suoto ku kowoso biala ninkpe ni abi kaamɛ lɛta ye; alɛ aale ye alesaa.

Ni di Yaa lalɛɛ lɛkpa nwu alɛ <<Dii,>> ni aalɛɛ ditunu nwu kafɔɔ alɛ <<Kakyɛ>> nɛ. Ninfɛ kaale laloo, ni kaasɛ, dii kasale nɛ.

Ni di Yaa labuɛ alɛ, <<Obo kute di ntu ntɛɛ, kuɛsɛ ntu be ninkpe ni di osi ku kasɔ ntɛɛ.>>

Kafɔɔ babɔkɛɛ ba ninkpe ni abe bamuu ku bakansiɛ bamuu kɔɔfɛɛfɔ kamɛ ku babɔkɛɛ ba bamuu ninkpɔkɔ ni kaasɔ suoto ku asaa amuu ya ninkpe ni nkpa, lɛyɔ sɛfa kɔnle lɛta ma fɛ alesaa.>> Ni diawa kaanya nɛ.

Ninfɛ di Yaa labuɛ alɛ, <<Ta sɛtɔ sidie di kolo suoto, siɛsɛ dii ku kakyɛ ntɛɛ, alɛ aale atuosaa ya nimate antootuo ni obe, ayi ku alɛɛ

Ninfɛ di Yaa labuɛ alɛ, <<Ta kasɔ kakɔntɔ sɛfa bokoboko, sɛfa se nintika ni abi ku awoso ya nintika ni abi ku abi ninya ate ate kaasɔ.>> Ninfɛ diawa kaanya nɛ.

Nkpo oso Yaa labla obo kuasɛ ntu be ninkpe ni di obo nwu kalɔ ku mbe ninkpe ni di osi ntɛɛ. Ni diawa kaanya nɛ.

Ni di kasɔ lakɔntɔ sɛfa bokoboko, sɛfa se nintika ni abi ku awoso ya nintika ni awosobi ku abi ninya ate ate nɛ. Ni di Yaa lanya alɛ dilɛ nɛ.

Nioso Yaa labla ɛtɔ kplɛ ɛnyɔ, nnwɔ niemuɔ kulenke ni alɛ kuabla ɔkpɛ di dii kamɛ, nnwɔ niebiibii ni kafɔɔ alɛ kuabla ɔkpɛ di kakyɛ. Aabla kafɔɔ awɛntrɛbi.

Ninfɛ di Yaa labuɛ alɛ, <<Ntu be ninkpe ni koolo kalɔ disi di lɛba ninwiii, di kasɔ kosole kadie.>> Ni diawa kaanya nɛ. Ni di Yaa lalɛɛ kakosolekɔ nwu alɛ, <<Kasɔ>>, ni aalɛɛ ntu be niasi ni lɛɛba ninwii alɛ, <<Lekpo>> nɛ. Ni di Yaa lanya alɛ dilɛ nɛ.

Ninfɛ di Yaa lawii ma lɛyɔɔ aabuɛ alɛ, <<Bilofo, biɛkpɛ biyii lekpo ntu kamɛ, bakansiɛ kafɔɔ bakpɛ bayii kayi.>>

Ninfɛ di Yaa labuɛ alɛ, <<Ta asaa ya ninkpe ni nkpa ate ate adie akye kasɔ kamɛ, babɔkɛɛ sele ku asaa ya ninkpɔkɔ ni kaasɔ suoto ku babɔkɛɛ ba ninkpe ni abe biala ku atembi lɛma.>> Ni diawa kaanya nɛ.

Ninfɛ di Yaa labuɛ alɛ, <<Ta asaa ya ninkpe ni nkpa ateate ayii ntu nwu kamɛ, di bakansiɛ baflɛlɛtɛ bafe di kasɔ osi di kolo anu.>>

Yaa labla babɔkɛɛ ba ninkpe ni abe ku atembi lɛma, babɔkɛɛ sele ku atembi lɛma, ku babɔkɛɛ ba bamuu ninkpɔkɔ ni kaasɔ ku atembi lɛma. Ni di Yaa lanya alɛ dilɛ nɛ.