Versets bibliques populaires de KU̧U̧NAŊMƆ 1

Partager

Sɔ̧ tɔ̧a̧: «Ɛ̀ɛ̀ dé bíí hee ɛ́ɛ́ ga, nɛ hɔɔ ŋmaa in yɛɛ ɓɛɛ a̧ tɛ́ kpa ŋgai zu o zoro ɗɔɔ gba-tɔp, o nɔ̧́í̧, o gasa mɔ-dai, o saɗi-zaŋbɛɛ, in o be saɗi-gbur-zaŋ nɛ nù!» Sɔ̧ dee bíí hɔ ŋmaa in a̧ sɛn tɛ gi̧ɔ̧-tɛ-a; a̧ dee bíí, a̧ dee wiwii in okoo.

Sɔ̧ toka de yoŋgo zu wa; a̧ tɔ̧ɔ̧ ha̧ wa: «Ɛ̀nɛ̀ kó, ɛ̀nɛ̀ dɔ́k siti, ɛ̀nɛ̀ dún nu, ɓɛɛ ɛ̀nɛ̀ ɔ́ wan zu a̧; ɛ̀nɛ̀ ɔ́ wan zu o zoro ɗɔɔ gba-tɔp, o nɔ̧́í̧ in o saɗi zu nù lɛŋ.»

Ŋgimbi nɛ̀ Sɔ̧ ku̧u̧ nɛ̀ naŋ dee yiwese in nù

nù duka so gee, mɔ bo sɛnɛ na, tum kpee so zu ɗuka-fara. Ɔmi ko Sɔ̧ bui̧a so nɛ zu yì nɛnɛ.

Sɔ̧ tɔ̧a̧: «Sa̧a̧mɔ a̧ de!» Ɓɛɛ sa̧a̧mɔ de.

Sɔ̧ zɔka mɔ lɛŋ n'aa dea, mɔ lɛŋ duka nɛ de-a nyɛmna. Zɛ dea ɓɛɛ mɔ sa̧; duka nɛ́ mɔɔrɔ-ɗoŋ-kpɔk ɔɔ-zɛ.

Sɔ̧ zɔka sa̧a̧mɔ duk nɛ de-a, ɓɛɛ Sɔ̧ kɛ̧ mgbara sa̧a̧mɔ in tum.

Sɔ̧ tɔ̧a̧: «Mi ha̧a̧ nyɔnɔ nɛ̀ kpar-a a̧a̧ sɛnɛ sɛn zu nù lɛŋ in o te nɛ a̧a̧ nɛ waya-a nɛ̀ dɛm dɛm h’ɛ́nɛ́; wa lɛŋ tɛ ya nɛ́ mɔɔ-nyɔŋ k’ɛ́nɛ́.

Sɔ̧ saa sa̧a̧mɔ «wese», ɓɛɛ a̧ sa nin tum'e «zɛ». Hegɔ zɛ dea ɓɛɛ mɔ sa̧; duka nɛ́ kuti ɔɔ-zɛ.

Sɔ̧ tɔ̧a̧: «Gba̧a̧-yí-zan a̧ duk mgbara o yì mɛ kɛ̧ mgbara wa!» Ɓɛɛ mɔ de hegɔ.

O saɗi in o nɔ̧́í̧ yiwese lɛŋ in o mɔ nɛ gbur zaŋ gbur nɛ nù, mɔ lɛŋ nɛ a̧a̧ nɛ ɔmi tɛ, mi ha̧a̧ o te in o zɔ̧ ha̧ wa nɛ nyɔŋmɔ.» Ɓɛɛ mɔ de hegɔ.

Sɔ̧ tɔ̧a̧: «O sa̧a̧mɔ a̧ de sɛn yiwese wen kɛ̧ɛ̧ mgbara wese in zɛ, wa tɛ ya nɛ́ mɔɔ-usi-mɔ mgbara o gbaŋa, mgbara o wese in zɛ tɔra pɛ

Sɔ̧ tɔ̧a̧: «Nu a̧ dɛm o bɔr-mɔ, o nyɔnɔ nɛ a̧a̧ nɛ kpar-a in o te nɛ wai wai nyɛm nɛ ɗoŋ kpar-wa nɛ tɛ dɛm siti!» Ɓɛɛ mɔ de hegɔ.

Sɔ̧ dee gba̧a̧-yí-zan, ɓɛɛ kɛ̧ mgbara yì mɛ ŋgɔn in yì mɛ ɗɔɔ.

Ɓɛɛ nù de ha̧ o bɔr-mɔ mɛ dɛm in o nyɔnɔ nɛ a̧a̧ nɛ kpar-a, in o te nɛ wai wai nyɛm nɛ ɗoŋ kpar-wa. Ɓɛɛ Sɔ̧ zɔka duka nɛ de-a.

Ɓɛɛ Sɔ̧ de gasa sa̧a̧mɔ yiitoo: gasa sa̧a̧mɔ wen nyɛka-a nɛ̀ wese, geɗek sa̧a̧mɔ wen nyɛka-a nɛ̀ zɛ.

Sɔ̧ tɔ̧a̧: «O yì mɛ́ ɗɔɔ yiwese a̧ mɔi̧ ŋmaa duk kpɔk fara ha̧ kora fara mɛ gbo!» Ɓɛɛ mɔ de hegɔ. Sɔ̧ saa nin kora fara «nu», ɓɛɛ a̧ sa nin yì nɛ mɔi̧a ŋmaa'e «gba-tɔp». Sɔ̧ zɔka'e mɔ‘i ɔ dee.

Sɔ̧ toka de yoŋgo zu wa, a̧ tɔ̧a̧: «Ɛ̀nɛ̀ dɛ́m, ɛ̀nɛ̀ nyɛ́ɓí, ɛ̀nɛ̀ dún ɗɔɔ gba-tɔp in o nɔ̧́í̧ a̧ dɔ́k sɛn zu nù mbɛt!»

Sɔ̧ tɔ̧a̧: «Nù a̧ dɛm o mɔ nɛ ɔm ɔm nyɛm nɛ ɗoŋ duk-wa; o gasa saɗi in o be saɗi, o saɗi-zaŋbɛɛ nyɛm nɛ ɗoŋ duk-wa!» Ɓɛɛ mɔ de hegɔ.

Sɔ̧ tɔ̧a̧: «Yì a̧ dun nɛ o be mɔ lɛŋ nɛ ɔm ɔm, ɓɛɛ o nɔ̧́í̧ a̧ bu̧i nɛ yiwese see zu nù.»

Sɔ̧ dee o saɗi-zaŋbɛɛ nyɛm nɛ ɗoŋ duk-wa, o mɔ-dai nyɛm nɛ ɗoŋ duk-wa, in o be saɗi zu nù lɛŋ nyɛm nɛ ɗoŋ duk-wa; ɓɛɛ Sɔ̧ zɔka o mɔɔ nɔ‘i ɔ dee.