Sam 3
3
Lisingising Ti Loklok Tooro Maxantamak Suubu
1Leeme Silok, limixin solo di munepen minia. La buaang bok limixin di vas taba arulu xepe nga ia, dira munepen minia. 2La di paase mumu ia la dik lok keretna, “Moroa noxo lok tooro i.”
3Ketla nenu, Leeme Silok, amisik nenu lavatban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes. 4A sing lolos Leeme Silok mo ik lok tovana at lakaana kaala ren Saion la ing tonga ka lanteng tarak kusu ri loklok tooro.
5A subu midi xopok la a unga, la a nemen avukat at laxanimin axap atla Leeme Silok i kok avukat ia. 6Nia axo marat at legesa sangaun larabin sangaun kobot limixin munepen minia di tu xangkan ia at levengkot axap.
7Ude u, Leeme Silok! Lox aroo ia, Moroa rak! Unaba lox i atla uk lox asongot limixin munepen minia, la uk lok kepe lolos basinge di kusu di noxo lox asongor ia. 8Leeme Silok ik lok tooro limixin teren la di sak tup mi limixin munepen midi. La a sing i xusu neni naba lox anarong limixin teren.
Sélection en cours:
Sam 3: mmx
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2011, Wycliffe Bible Translators, Inc. All rights reserved.