Utandiko 10
10
Amu mupanda wa ana yakwe Nowa
(1Mil 1:5-23)
1Yaa ali amu mupanda wa ana yakwe Nowa, yano Syemu, Hamu na Yafeti yavile mu aci yao pacisila cakwe mulamba.
2Ana yakwe Yafeti aonsi a Gomeli, Magogi, Madai, Yavani, Tubali, Mesyeki na Tilasi. 3Ana yakwe Gomeli aonsi a Asyikenazi, Lifati na Togalima. 4Ana yakwe Yavani aonsi a Elisyaa, Tasyisyi, aina Kitimu na aina Dodanimu, 5yali vili vikolwe vyakwe yano akaikala mu nkumba yakwe yemba nu mu vilila. Yaa, ali ana yakwe Yafeti mu mitundu ipusane ni mpanga zipusane, cila mutundu ula ukuvwanga ululimi lwauko.
6Ana yakwe Hamu aonsi a Kusyi, Eguputo, Puti na Kenani. 7Ana yakwe Kusyi aonsi a Seba, Havila, Sabita, Laama na Sabiteka. Ana yakwe Laama aonsi a Syeba na Dedani. 8Kusyi wali isi wakwe Nimulodi. Nimulodi wizile aya impola ya monsi ino insi itatazile ilole ku vita. 9Yawe amulenga ukuya mulunzi wa maka cuze mu nsi yonsi, apafuma nu muvwango wakuti, “Yawe akulenge uye umulunzi wa maka wakwe Nimulodi!” 10Pa kutandika kwa wene wakwe Nimulodi wateesile imisumba ya Babeli, Eleki, na Akadi, na yonsi itatu yali mu mpanga yaku Syinala.#10:10 SYINALA: Mu Ciyebulai kuli kuti impanga yonsi ya Babiloni. 11Afuma ku mpanga ilya aya aikala ku Asilya, aya akuula imisumba ya Ninive, Leoboti Ili, Kala 12na Leseni, uwaya pakasi ka musumba wa Ninive nu musumba ukulu wa Kala.
13Eguputo cili cikolwe ca ina Ludi, Anamu, Leaabu, Nafutu, 14Patulusi, Kasilu, na Kulete (uwali cikolwe ca ina Filisti) na ina Kafitoli.
15Kenani wali a isi wakwe Sidoni iyeli lyakwe, nga na Hiti, 16nga na ina Yebusi, Amoli, Giligasi, 17Hivi, Aliki, Sini, 18Alivadi, Zemali, nga na ina Hamati. Pacisila uluko lwakwe Kenani lusalangana konsi, 19cakuti umupaka wa ina Kenani wafisile ukufuma ku Sidoni ukuya ku Gelali nu ku Gaza kufika ku ufumondaka, ulunga na Sodoma na Gomola, Adima nu ku Zeboimu mpaka kufika na Lasya. 20Yaa ali amu mupanda wakwe Hamu, atenzi mu mpanga zipusane nu mu mitundu ipusane, na cila mutundu ula ukuvwanga ululimi lwauko,
21Syemu wali a silenzi wakwe Yafeti, wali cikolwe ca ana yakwe Ebeli (kwafuma Ayebulai). Syemu nawe kwene waviile ana aonsi. 22Ana yakwe Syemu aonsi a Elamu, Asyuli, Alipakisadi, Ludi nga na Alamu. 23Ana yakwe Alamu aonsi a Uzi, Hulu, Getele, nga na Mesyeki. 24Ana ya mwana wakwe Alipakisadi aonsi a Syela, na Syela wali a isi wakwe Ebeli. 25Ebeli wali a isi wa ana aonsi yaili. Wenga izina lyakwe a Pelegi, pano mu manda ya umi wakwe antu mu nsi yapalukine. Izina lya mwana wakwe muze a Yokotani. 26Yokotani wali a isi wakwe Alimodadi, Syelefu, Hazalamaveti, Yela, 27Hadolamu, Uzali, Dikila, 28Obali, Abimaele, Syeba, 29Ofili, Havila, na Yobabu. Yaa yonsi amu mupanda wakwe Yokotani. 30Mpanga muno yatenzi ukufuma ku Mesya ukuya ku Sefali mu ncende ya myamba yaku ufumondaka. 31Yaa ali ana yakwe Syemu aonsi aikalanga mu mpanga zipusane, nu mu mitundu ipusane, na cila mutundu ula ukuvwanga ululimi lwauko.
32Antu yaa yonsi amu mupanda wakwe Nowa kulingana cila mutundu wao, luko nu luko. Acino pacisila cakwe mulamba antu amu nko zyonsi zyamu nsi yafumile mu ana yakwe Nowa.
Sélection en cours:
Utandiko 10: MamL13
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Mambwe-Lungu Bible © The Bible Society of Zambia, 2013