ଜନ ମନଙ୍ବରନ୍ ଆ ସନେକୁଲନ୍
ମନଙ୍ବରନ୍ ଆ ସନେକୁଲନ୍
ରଙ୍ ଅନଗଡ୍ଲୋଙନ୍ ଜିସୁ କ୍ରିସ୍ଟନ୍ ଆ ବର୍ନେ ଆଇଡିଡନ୍ ଉଞ୍ଜି ମନଙ୍ବରଞ୍ଜି ଆମଙ୍ଲୋଙ୍ ସିଲଡ୍ ଜନନ୍ ଆରିଡେନ୍ ଆ ମନଙ୍ବର୍ ଅବୟ୍ । ତି ଅଡ଼୍କୋନ୍ ମନଙ୍ବର୍ ଗାମ୍ତବୋ । ତିଆତେଜି ଜିସୁନ୍ ଆର୍ରବୁଏନ୍ ସିଲଡ୍ଲ୍ଲନ୍ ମାତିଉନ୍, ମାର୍କନ୍, ଲୁକନ୍ ଡ ଜନନ୍ ଇଡେଞ୍ଜି । ଜିସୁ କ୍ରିସ୍ଟନ୍ କରୋକ୍କୋଡନ୍ ଆଡ୍ରେଏନ୍ ସିଲଡ୍ଲ୍ଲନ୍ ୯୦ ବର୍ସେଙ୍ ଆ ତିକ୍କି ଅନାପ୍ପାୟ୍ ଞଙ୍ନେମର୍ ଜନନ୍ କେନ୍ ଆ ମନଙ୍ବର୍ ଇଡେନ୍ । କେନ୍ ଆ ମନଙ୍ବର୍ ଜନନ୍ ଇଡେନ୍ ଗାମ୍ଲେ କେନ୍ତେନ୍ନେ ରେୟ୍ଲଙ୍ ଆଇଡିଡ୍ ତଡ୍ ଜନଙ୍ଡେନ୍, ୧ ଜନ, ୨ ଜନନ୍ ଡ ୩ ଜନନ୍ କେନ୍ ଆ ମନଙ୍ବର୍ ବୟନ୍ ମାୟ୍ତନେ । ଜନନ୍ ଏପିସିଲୋଙନ୍ ଆଡ୍ରକୋଲନ୍ ଆଡିଡ୍ କେନ୍ ଆ ମନଙ୍ବର୍ ଇଡେନ୍ ଗାମ୍ଲେ ଲାଙ୍ଲେଡ୍ ପାପୁର୍ ଅନିଡଲ୍ମରଞ୍ଜି ବର୍ତଞ୍ଜି ।
ଜନନ୍ ରେୟ୍ଲଙ୍ ବର୍ତନେ, “ଜିସୁନ୍ ମା କ୍ରିସ୍ଟନ୍, ମନଙ୍ ତୁର୍ମେଡ୍ମର୍, ଆମେଙ୍ ଇସ୍ୱରନ୍ ଆ ଡାଙ୍ଗଡ଼ାଅନ୍ ।” ଜନନ୍ ୨୦:୩୧ କେନ୍ଆତେ ଡର୍ରନ୍ ଏଙ୍ଗାଲ୍ଡେନ୍ ଇନ୍ଲେଞ୍ଜି ଅନମେଙନ୍ ଞାଙ୍ଲେ ରପ୍ତିବୋ, ତିଆସନ୍ କେନ୍ ଆ ମନଙ୍ବର୍ ଜନନ୍ ଇଡେନ୍ । କେନ୍ ଆ ମନଙ୍ବର୍ ଜିଉଦିମରଞ୍ଜି ଡ ଏର୍ଡର୍ନେମରଞ୍ଜି ଆସନ୍ ଅନିଡନ୍ ଡେଏନ୍ । ଜିସୁନ୍ ଆବର୍ରନେନ୍ ଆନବ୍ଜଙ୍ବର୍ଜି ଅମ୍ରେଙ୍ଡାଲେ ଜିସୁନ୍ ଆର୍ଲୁମେନ୍ ଆ ସାନ୍ନି କାବ୍ବାଡ଼ାଜି ତୁମ୍ କେନ୍ ଆ ମନଙ୍ବର୍ଲୋଙ୍ ଆଇଡିଡ୍ । ଜିସୁନ୍ ଆ ତବ୍ବୁବ୍ଡା, ଆରିଙ୍ରିଙ୍ଲୋଙନ୍ ତନୋର୍ତୋରନ୍ କେନ୍ ଆ ବର୍ନେଜି ଜନନ୍ ଅଃନ୍ନିଡ୍ଲୋ । କେନ୍ ଆ ମନଙ୍ବର୍ ୟାଗି ମନଙ୍ବରଞ୍ଜି ସିଲଡ୍ ଆନ୍ନାତନ୍ ।
ମନଙ୍ବରନ୍ ଆ ପନାଲ୍ଲାଙ୍
୧. ଉନେବରନ୍ । ୧:୧-୧୮
୨. ଜିସୁନ୍ ଆର୍ଲୁମେନ୍ ଆ ସାନ୍ନି କାବ୍ବାଡ଼ାଜି । ୧:୧୯–୧୨:୫୦
୩. ଜିସୁନ୍ ଆନମେଙ୍, ରନବୁ, ୟନର୍ମେଙ୍ । ୧୩:୧–୨୦:୩୧
୪. ଜିସୁନ୍ ୟର୍ମେଙ୍ଲେ ଆଡ୍ରୋଲନେନ୍ ସିଲଡ୍ଲ୍ଲନ୍ ଞଙ୍ନେମରଞ୍ଜି ଆମଙ୍ ଅବ୍ତୁୟ୍ଲନେ । ୨୧:୧-୨୫
Sélection en cours:
ଜନ ମନଙ୍ବରନ୍ ଆ ସନେକୁଲନ୍: NTJaa20
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The New Testament in Juray Soura Language © The Word for the World International and Juray SouraTranslation Samithi, Gajapati, Odisha. 2020