KEJADIAN 4
4
Nai Kain ma Nai Habel
1Namuni onane te Nai Adam nabua nok bi Hawa, in fenai, ma bife nane in naapu. In nahonis li'anmone mese ma in namolok nak, “Nok Uisneno In matakun au upeni li'anmone mese.” Es nane te in nakanab li'ana nane Nai Kain. 2Oke te bi Hawa nahonis anteni li'anmone mese, in kanan Nai Habel. Nai Habel nane anfani atukus bibi kase, mes Nai Kain anfani amepu lene. 3Anbi neno fauk namuni te Nai Kain naiti kle'o na'ko in lene in afan ma natulu nani neu Uisneno. 4Ma Nai Habel naiti bibi kase mese in ana' le nahonis nahunun, in anlolo in, ma in natulu pa' alekot abainesit neu Uisneno. Uisneno anmalin neu Nai Habel ma in fua tulu, 5mes In antite Nai Kain nok in fua tulu. Nai Kain in nato' nae le'uf, ma in human anputu. 6Es nane te Uisneno namolok neu Nai Kain nak, “Nansa' ho muto'? Nansa' ho humam anputu? 7Kalu ho mo'e alekot, namneo of hom huma mo'e; mes kalu ho mo'e amle'ut, es nane te sanat anpao ko hen tam neu ho nekam nanan. Sanat hen kuas ho aom, mes of ho hem be'u mani.”
8Oke te Nai Kain nak neu Habel, in olif nak, “Aum het nao teu lene.” Leka sin antia bale nane, Nai Kain antepo ma namate in olif Nai Habel.
9 Uisneno natan Nai Kain nak, “Ho olif, Nai Habel, esme ka?”
Nai Kain natae nak, “Au ka uhin fa. Ai au he fani apaot neu au olif?”
10Oke te Uisneno namolok nak, “Nansa' es ho mo'e lasi le neki amtaus nane? Ho olif in na' ansanane neu Kau na'ko afu in nanan, onle hanaf le ansakoi ma antoti seunbanin. 11Sukat neu ko, talantia of ho kam painote amteni afu. Afu le anmusi ho olif in na', in onle anfai in fefan hen simo ho olif in na' anbi tabu le ho mumate in. 12Leka hom sen ma amlua, afu of ka napoitan fa sa'-sa'; ma of hom fani atoni anaot le kan mu'i fa bale maika anbi pah pinan.”
13Es nane te Nai Kain namolok neu Uisneno nak, “Kasat nane ma'fen le'uf kun, ma au ka sutai ube'i fa. 14Ho mupoitan kau na'ko afu le i, ma u'lo u'ko Ho humam Ho matam. Of au fani anaot le kan mu'i fa bale maika anbi pah pinan, ma sekau am sekau le au u'eku okan of namate kau.”
15Mes Uisneno namolok nak, “Kahaf. Kalu sekau namate ko, anfani on in seunbanin, atoni sin ta'uf hitu nok atoni le namate ko nane, of mamate amsa.” Nalali te Uisneno antao nani takaf neu Nai Kain he nati' sekau am sekau le naeku nokan kaisa namate in. 16Oke te Nai Kain in nao na'ko Uisneno In human In matan ma namaika anbi pah mese le antek nak, “Anaot” anbi Eden in aon neno saen.
Nai Kain in sufan
17Nai Kain nok in fenai sin nahoni li'anmone mese, ma sin nakanab Nai Henokh. Namuni onane te Nai Kain nahakeb kot mese ma nakanab kot le nane natuin in anah kanan. 18Nai Henokh anfani amaf neu Nai Irad. Nai Irad anfani amaf neu Nai Mehuyael. Nai Mehuyael anfani amaf neu Nai Matusael, ma Nai Metusael anfani amaf neu Nai Lamekh. 19Nai Lamekh in fenainu sin nua esle' bi Ada ma bi Zila. 20Bi Ada nahonis Nai Yabal, ma Nai Yabal in sufan le nane anfani uf le anpanat ma natuku mu'it ma namaika anbi um-ume in nanan. 21In olif kanan Nai Yubal, na'ko Nai Yubal in sufan es na'bae heo ma feku. 22Bi Zila nahonis Nai Tubal-Kain, ma in sufan nane es anmo'e ale blua, na'ko niti molo ma besi. Nai Tubal-Kain in olif feto kanan bi Naama.
23Nai Lamekh namolok neu in fenai sin nua sin nak,
“Ada ma Zila, amnen ma mitnin nai! Au umate atoni munif mese natuin in anmaban nok kau.
24Kalu namate atoni hitu anfani seunbanin neu namate Nai Kain,
es nane te of namate atoni bo'hitu ma hitu leka' kalu namate kau.”
Nai Set ma Nai Enos
25Nai Adam nok in fenai sin napeni anteni li'anmone mese. Bi Hawa namolok nak, “Uisneno anfe neu kau li'anmone mese anfani aseka neu Nai Habel, le Nai Kain namate nalali in.” Es nane te bi Hawa nakanab li'ana nane Nai Set. 26Nai Set napeni li'anmone mese ma nakanab in Nai Enos. Anbi eti ma tabu nane atoni anfatan luli-besa ma antek Uisneno In kanan.
Sélection en cours:
KEJADIAN 4: AOZ
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
KEJADIAN 4
4
Nai Kain ma Nai Habel
1Namuni onane te Nai Adam nabua nok bi Hawa, in fenai, ma bife nane in naapu. In nahonis li'anmone mese ma in namolok nak, “Nok Uisneno In matakun au upeni li'anmone mese.” Es nane te in nakanab li'ana nane Nai Kain. 2Oke te bi Hawa nahonis anteni li'anmone mese, in kanan Nai Habel. Nai Habel nane anfani atukus bibi kase, mes Nai Kain anfani amepu lene. 3Anbi neno fauk namuni te Nai Kain naiti kle'o na'ko in lene in afan ma natulu nani neu Uisneno. 4Ma Nai Habel naiti bibi kase mese in ana' le nahonis nahunun, in anlolo in, ma in natulu pa' alekot abainesit neu Uisneno. Uisneno anmalin neu Nai Habel ma in fua tulu, 5mes In antite Nai Kain nok in fua tulu. Nai Kain in nato' nae le'uf, ma in human anputu. 6Es nane te Uisneno namolok neu Nai Kain nak, “Nansa' ho muto'? Nansa' ho humam anputu? 7Kalu ho mo'e alekot, namneo of hom huma mo'e; mes kalu ho mo'e amle'ut, es nane te sanat anpao ko hen tam neu ho nekam nanan. Sanat hen kuas ho aom, mes of ho hem be'u mani.”
8Oke te Nai Kain nak neu Habel, in olif nak, “Aum het nao teu lene.” Leka sin antia bale nane, Nai Kain antepo ma namate in olif Nai Habel.
9 Uisneno natan Nai Kain nak, “Ho olif, Nai Habel, esme ka?”
Nai Kain natae nak, “Au ka uhin fa. Ai au he fani apaot neu au olif?”
10Oke te Uisneno namolok nak, “Nansa' es ho mo'e lasi le neki amtaus nane? Ho olif in na' ansanane neu Kau na'ko afu in nanan, onle hanaf le ansakoi ma antoti seunbanin. 11Sukat neu ko, talantia of ho kam painote amteni afu. Afu le anmusi ho olif in na', in onle anfai in fefan hen simo ho olif in na' anbi tabu le ho mumate in. 12Leka hom sen ma amlua, afu of ka napoitan fa sa'-sa'; ma of hom fani atoni anaot le kan mu'i fa bale maika anbi pah pinan.”
13Es nane te Nai Kain namolok neu Uisneno nak, “Kasat nane ma'fen le'uf kun, ma au ka sutai ube'i fa. 14Ho mupoitan kau na'ko afu le i, ma u'lo u'ko Ho humam Ho matam. Of au fani anaot le kan mu'i fa bale maika anbi pah pinan, ma sekau am sekau le au u'eku okan of namate kau.”
15Mes Uisneno namolok nak, “Kahaf. Kalu sekau namate ko, anfani on in seunbanin, atoni sin ta'uf hitu nok atoni le namate ko nane, of mamate amsa.” Nalali te Uisneno antao nani takaf neu Nai Kain he nati' sekau am sekau le naeku nokan kaisa namate in. 16Oke te Nai Kain in nao na'ko Uisneno In human In matan ma namaika anbi pah mese le antek nak, “Anaot” anbi Eden in aon neno saen.
Nai Kain in sufan
17Nai Kain nok in fenai sin nahoni li'anmone mese, ma sin nakanab Nai Henokh. Namuni onane te Nai Kain nahakeb kot mese ma nakanab kot le nane natuin in anah kanan. 18Nai Henokh anfani amaf neu Nai Irad. Nai Irad anfani amaf neu Nai Mehuyael. Nai Mehuyael anfani amaf neu Nai Matusael, ma Nai Metusael anfani amaf neu Nai Lamekh. 19Nai Lamekh in fenainu sin nua esle' bi Ada ma bi Zila. 20Bi Ada nahonis Nai Yabal, ma Nai Yabal in sufan le nane anfani uf le anpanat ma natuku mu'it ma namaika anbi um-ume in nanan. 21In olif kanan Nai Yubal, na'ko Nai Yubal in sufan es na'bae heo ma feku. 22Bi Zila nahonis Nai Tubal-Kain, ma in sufan nane es anmo'e ale blua, na'ko niti molo ma besi. Nai Tubal-Kain in olif feto kanan bi Naama.
23Nai Lamekh namolok neu in fenai sin nua sin nak,
“Ada ma Zila, amnen ma mitnin nai! Au umate atoni munif mese natuin in anmaban nok kau.
24Kalu namate atoni hitu anfani seunbanin neu namate Nai Kain,
es nane te of namate atoni bo'hitu ma hitu leka' kalu namate kau.”
Nai Set ma Nai Enos
25Nai Adam nok in fenai sin napeni anteni li'anmone mese. Bi Hawa namolok nak, “Uisneno anfe neu kau li'anmone mese anfani aseka neu Nai Habel, le Nai Kain namate nalali in.” Es nane te bi Hawa nakanab li'ana nane Nai Set. 26Nai Set napeni li'anmone mese ma nakanab in Nai Enos. Anbi eti ma tabu nane atoni anfatan luli-besa ma antek Uisneno In kanan.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi