St. Luka 9
9
1Yesus aci côl rōr e tōc wtyer-ko-róu, ko aci kêk ryel yek etong jak eben ko bi kêk dèm juay. 2Ko aci kêk tōc bik uêt pan e Dén-did ko bîk dèm koyc beyc. 3Ko aci lek kék: Dunke kâp kede ke uêk, acin wtyēc, acin luong e uèu, acin monó, acin uèu, ko dunke nang buong rou.
4Ko pan tok eben ci uêk lo tin, rerke ten ko dunke jal tin. 5Ko na kêk acíe lor uêk, jalke etong pané ko tenke tur eton ue cok ayá e gam etong kêk. 6Lone kêk aci lo bey ko aci uêt ko aci koyc dèm tede eben.
7Lone Herodes beyn e ʼnguan aci ping kan ci a etong yen, ko aci gay, ké tetok aci luel: 8Yoannes aci rot jot etong tóu; lone tetok: Elias aci tîc; ko tetok: Ran e ting tok etong ka tuèng aci rot jot. 9Ko Herodes aci luel: Ghên aci Yoannes tēm nom; lone ye-nga kan ye ghên kak ping? Ko yen aci nong puou bi yen ting.
10Ko ror e tōc aci dûk, ko aci lek yen ka ci kêk loy eben. Ko yen aci kêk kâp, ko aci lo yetok tede ror e Bethsaida-lóm. 11Na dut e koyc aci kan nyic aci yen buot; ko yen aci kêk lor ko aci jam ke kêk etong pan e Dén-did ko aci dèm koyc a dak dem. 12Lone akol aci gol bi a wtyēn, ko wtyer-ko-róu aci lo etong yen ko aci lek yen: Loyne koyc bi kêk lo e bey ko ghut cî yuil ko bik mid yok; ké ghóg a to tin tede ror. 13Lone yen aci lek kêk: Uêk yekke kêk mid. Lone kêk aci luel: Ghóg acin kede auer monó wdyec ko rēc rou; na ghóg aci bi lo bûg ghóc mid etong dut eben. 14Lone aci to tin acit rōr tim-wdyec. Ko yen aci lek koyc-ke: Luoyke bik nyuc e kût buot wtyer-wdyec kepec. 15Ko kele kêk aci loy, ko aci puol bik nyuc eben. 16Ko yen aci kap monó wdyec ko rèc rou, ko aci wnyal lyèc ko aci wtyey ko aci tèk-ic ko aci yek koyc-ke bi tau e tuèng dut e koyc-nyin. 17Ko kêk eben aci cam ko aci kuet; ko ke ci dong kêk aci ngay atayn wtyer-ko-róu e long.
18Ko na yen yetok aci côr, ko a to ke yen koyc-ke, yen aci kêk wtyèc ko aci luel: Koyc a jam ye ghên nga? 19Ko kêk aci bèr ko aci luel: Yoannes ran e lak, ko kok Elias, ko kok: Tok etong rōr e ting tuèng aci rot jot. 20Lone yen aci lek kêk: Lone uèk a luel ye ghên nga? Simon Petrus aci bêr ko aci luel: Yin Christus e Dén-did. 21Ko yen aci kêk luel ko aci pēn, dûn bik kan lek tok; 22a luel: Man e ran abi rèm arêd ko abi a jay etong koyc did ko nim e tit, ko abi nok ko akol callic abi rot jot.
23Lone yen aci lek kêk eben: Na tok a nong puou bi buot gha cok, édi bi rot rec ko abi agér-de jot akol eben ko abi ghên buot. 24Ké yen a nong puou bi uêy-ke koyn, yen abi mor; ko ke ye mar uêy-ke etong ghên abi yen koyn. 25Ké ye-ngu bi ran koyn na yen abi kuet piñ eben, lone na abi rot ryàc ko abi rot mor. 26Ké ye nyin ryoc etong ghên ko uèl-cia, man e ran abi nyin ryoc etong yen, na Yen abi ben e did-de ko e did ûn ko aják e Dén-did. 27Lone ghên a lek uêk yic: a to tin tetok ten a kâc ci bi tóu tip tuèng akeyc ting pan e Dén-did.
28Lone acit akol bét na uèlké yen aci kâp Petrus ko Yakobus ko Yoannes ko aci yid alel-nom bi cor. 29Ko na aci cor aci nyin uar ko buôngke a gher ko a mêr. 30Ko yenkin, rōr e rou aci jam ke yen; ko kêk Moses ko Elias, 31aci tîc e did, ko aci lek ka cyeng-de kedi yen abi tâb Yerusalem-ic. 32Lone Petrus ko ka to ke yen aci tyek e nin, ko na kêk aci pâj aci did-de ting ko rōr rou ci kāc ke yen. 33Ko na kak aci jal etong yen, Petrus aci lek Yesus: Beyn e nyic, apuat na ghóg a rèr ten; loyku ghut dyak, tok yeke-du, tok etong Moses ko tok etong Elias. Ké yen aci kûc a luel ngu. 34Ko na yen a-nguot a jam aci ben bey luet ko aci kêk mōn; ko kêk aci ryoc na kake aci ben e luet-ic. 35Ko aci a kuoy etong luet ko aci luel: Kan man-dia ci wnyar; pyengke yen. 36Ko na aci ping kuoy, Yesus aci to yetok. Ko kek aci byet ko akeyʼ lek tok akólké kede ci kek ting.
37Ko na akol dé kek aci yid piu etong alel, dut e koyc did aci rom ke kêk. 38Ko yenkin, ran tok etong dut aci kyû ko aci luel: Beyn e nyic, ghen a lim yin, ting ma-dia ké yen é tong-dia. 39Ko yenkin, uêy (rac) a muk yen, ko man a dayc kyú; ko (uêy rac) a cuop yen ko a pyek yen bi yen tuak, ko na cuop yen a kuek ya bi yen puol. 40Ko ghên aci koyc-ku lim bi yen cyec, ko kêk akeyc leu. 41Ko Yesus aci ber ko luel: Kuât acin gam ko cî yâl; A ghet na ghên abi rèr ke uêk ko abi uêk gum? Bei ten man-du. 42Ko na yen aci ben jak aci yen cuòp ko aci yen pyek. 43Ko Yesus aci cil uèy rac ko aci uèn dèm ko aci yen dûk ûn. Lone koyc eben aci dyèr etong did e Dén-did. Ko na kêk eben aci dyèr etong kan ci yen loy eben, (Yesus) aci lek koyc-ke. 44Tauke uèlké e ue puot; ké man e ran abi tōn cen e rōr. 45Lone kêk akeyʼ ueté nyic, ko aci tyàn e ke nyin tuèng dûn bik ping; ko kék aci ryoc bi yen wtyèc ueté.
46Lone aci lo kêk-ic tak, ye-nga etong kêk auer did. 47Lone na Yesus aci tak e puón-den ting, aci uèn kàp ko aci yen tau ye-lóm, 48ko aci lek kék: Tok eben a lor uèné e rin cia yen abi ghên lor; ko ke lor ghên, yen a lor ke ci ghên tōc. Ké ʼuer kor uêk callic yen auer did.
49Lone Yoannes aci bér ko luel: Beyn e nyic, ghóg aci ting tok a cyec jak e rin-ku ko ghôg aci yen pēn ke yen aci ghóg buot. 50Ko Yesus aci lek yen: Dunke pen; ké ke cî mán uêk yen keke uêk.
51Ko na aci wtyok akol, na yen abi ngay, yen aci ye nyin uel bi lo Yerusalem. 52Ko ac-tōc e ye nyin tuèng koyc e lek; kêk aci jâl ko aci lo pan e Samaritani bik juir etong yen. 53Ko kak akeyʼ yen lor, ké ye nyin aci uel e kuèr Yerusalem. 54Ko na koyc-ke Yakobus ko Yoannes aci kan ting aci luel: Beyn-did, nong puou bûg luel bi mac loyn etong wnyal ko abi kêk ryok? 55Ko yen aci rol uel ko aci kêk cil. 56Ko kek aci lo pan-dé.
57Ko na kêk a jat kuèr-ic, tok aci lek yen: Ghên abi yin buot tede eben bi yin to tin. 58Yesus aci lek yen: Auên a nong adom ko dyet e wnyal a nong ghut; lone man e ran acin tede bi ye nom tâyn. 59Lone aci lek dé: Buot ghên! Lone kan ci luel: Beyn-did, pal ghên tuèng ba lo ko ba uâ wtyòk rang. 60Ko Yesus aci lek yen: Pal ka ci tóu bik wtyòk koyc-ken ci tóu; lone yin lor ko uet pan e Dèn-did. 61Ko dé aci lek: Ghên abi yin buot, Beyn-did, lone pal ghên tuèng ba puol kêk ai pan-dia. 62Yesus aci lek yen: Acin tok a tau ye cyn etong pur, ko bi ye kou lyèc, yen abi mât ke pan e Dén-did.
Sélection en cours:
St. Luka 9: CIEC1905
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© British and Foreign Bible Society