HLIMI 12
12
Nyɛʔɛlɛ lí ma Abramu yeri mà yo wi nyini wa wi klo ni le
1Bajegɔ Nyɛʔɛlɛ à liʔi yo Abramu ma we mà yo: «Ma nyini naʔa ma klo ni ma heme woo ní, ní ma to go ní ge. Maa sye wa klo la ni mí bi dyɛʔɛ má na ge. 2Mí bi ba ma hanri ma kluʔu kpangbanŋa he. Mí bi frɛmɛ pa má na bì ma yele kpɔʔɔ le. Ma po frɛmɛ pe tɔɔ ma be. 3Nà hɛɛn bee bí frɛmɛ wa má kan, pa mi frɛmɛ pa ki woo na be kpo. Di mí bi bee danŋa pé bi ma danŋa ge. Tra klòʔo kè bɛfu ké bi frɛmɛ ta ma fanŋa ni ge.»#12:3 ma wèle wa Gal 3:8 ni wè.
4Abramu wɔ̀ɔ jɛ ma kɛri nɛ pa Bajegɔ Nyɛʔɛlɛ li daʔá yo wí kan pomo ma na ge. Lɔte wɔ̀ɔ plɛn wí ni kpo. 5Abramu wi dá bo wi ta yɛʔɛ́ too tanri ní kprɔʔɔ ní yɛʔɛ́ kɔgunnu, nyiŋi ga na wi dá nyini wa Aran ni we. Abramu wi dá wi cɔ Sarayi kpe ní wi conlo pyɔ Lɔte nì wi masaʔa kì bɛfu ní ga ki dá bo wí ma mà plɛn hɛɛn bee ní wi dá da wa Aran ni we.
À pe nyini mà kɛri Kana klo ni. Ki kruʔu ma à pe yâ je wa Kana klo ni le. 6À pe li pari na sye fɔ mà yâ no wa deʔe ga na pé na yeri More syɛni tiʔi wa Sisyɛmu ni we. Ki nyiŋi na Kana klo woo pe dá bo wa ki klɛnmɛ ni me.
7Bajegɔ Nyɛʔɛlɛ à li lì tyɛʔɛ Abramu na wa ki deʔe na mà yo: «Mí bi ba ki deʔe ga kan ma kluʔu pii ma be.» Abramu wɔ̀ɔ sraʔá farahaʔa fan Bajegɔ Nyɛʔɛlɛ kan le wa ki deʔe ga na li dá lì tyɛʔɛ wí na ge. 8Ki deʔe na Abramu wɔ̀ɔ jɛ be mà kɛri klɛnmɛ ma ni angoro ti dá bo wa fafaʔara wa yaa ki jɛhaʔa namyɛlɛ na le. Wa Betɛli ni we. Wɔ̀ɔ yâ glɛn wa Betɛli kàʔà ni ga kí nyɛ wa yaa ki jɛhaʔa namyɛlɛ na ní Ayi kàʔà nì ga wa yaa jɛhaʔa na, ti kpafoʔo ni. Wi dá sraʔá farahaʔa fan Bajegɔ Nyɛʔɛlɛ kan le ma na Bajegɔ Nyɛʔɛlɛ li yele yeri le wa. 9Ki kruʔu ma Abramu wi dáa glɛn kere kyɛpiʔi ni na sye wa yaa prama kaligi namyɛʔɛ na ge.
10Funŋu kà dà gâ do wa klo ni le. Abramu wɔ̀ɔ kɛri Ejipite klo ni jango bì yà go wa, mɛjɛn funŋu ki dáa gbɔʔɔ ceŋge wa klo ni le. 11Sanni wí bi je wa ki klo ni, wɔ̀ɔ wi cɔ Sarayi po we: «Welé, mí maʔa cɛn mà yo má nyɛ kmaa. 12Ejipite klo woo nà pe ya má nya, pa peʔe yo pe ma bì yo na cɔ wi má ni. Ki nyiŋi na pa pe na kpo bì mo yaʔa we nyuwyeʔe na. 13Di kí ma yala maʔa yo pé ma ma pe po na cɛpii wi má ni, jango pe na co kmaʔa ma kala na le. Ki nyiŋi na pa mi go nyuwyeʔe na ma kala na.»
14Nyiŋi ga na Abramu wi da gâ je wa Ejipite klo ni le, ki klo woo à pe wi cɔ nya kmaa ceŋge. 15Farahon wi klo lagwɔɔ à pèè mòo nya mà yáa wi sonni pe kundiʔi kan we. Ki kruʔu ma à pe pan wí ni wa klo fɔlɔ go ni ge. 16Wi kala na Farahon wɔ̀ɔ kmaʔa hanri Abramu na we. Wi dá mbara kan wí ma, ŋkaa ní, niri nì, tungɔɔ nabii ní cɛɛ ní, sofɛnŋɛɛ ní, nyoʔomɛyee ní. 17Di Bajegɔ Nyɛʔɛlɛ à li cɔlɔkpɔʔɔ wa Farahon na ní wi heme woo ní be Sarayi wi kala na ŋa Abramu wi cɔ we. 18Ki Farahon wɔ̀ɔ Abramu yeri mà bɔ́ɔ̀ po: «Nyaʔa ma kan á ma ki woʔo ga hanri na ní banmɛ ge? Nyaʔa dí gan mɛɛ ki yo ná ma bí yo ma cɔ wi ge? 19Nyaʔa dí gan á ma yo ma cɛpii wi, mì á mi yo mí buu kpe wi po na cɔ ge? Ki tɔ na ma cɔ wí ŋa. Wi kpe maa sye.»
20Farahon wɔ̀ɔ kí yo wi tungɔɔ ma be mà yo pe Abramu yaʔa wii sye wi cɔ nì ní yrɛbɛ pì bɛfu ní ba pí nyɛ wi wobo be.
Sélection en cours:
HLIMI 12: NLK10
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Bible Society of Côte d'Ivoire