HLIMI 18
18
Nyɛʔɛlɛ lí maʔa yo mà yo Sara wí bi ba nabiple là he
1Bajegɔ Nyɛʔɛlɛ à li bâ lì tyɛʔɛ Abrahamu na we be Mamre syɛni tiri tanla. Abrahamu wi dá bo wi klɛn wa wi kpasyoro go nî nyiŋi ga na yaa ki dá gban mâ na hogo ge. 2Cɛncɛnbo wɔ̀ɔ gâ nabii tanri nya pe yeré be wì tanla. Wɔ̀ɔ jɛ be wi kpasyoro go goyɛʔɛ na mà yâ gbɔbu pè tanla, 3mà yo: «Na woolo, ye no ná na. Yò ga doro ná na bì gɛri. Mí na ye fɛn ye yèré naʔa na deʔe na ge. 4Pé bi ban nyumu ní bì ba yè cyeʔe jeʔe ge. Ye klɛn, ye fyonri wa ki tiʔi ga ki lara ni de. 5Mí bi brukonʔo kan ye ma, yeʔe ka, jango ye fanŋa ta. Ki kruʔu ma, pa ye na da bì da sye yè kloʔò nî ge. Nàʔa po ban, kòo bo yé ma pan naʔa na deʔe na waʔafe na.» Nabonmoo à poo po: «Kí nyɛ kmaʔa.»
Ga má yo má bi hanri maʔa hanri.
6Ki nyiŋi na Abrahamu wɔ̀ɔ fyala mà je wa wi kpasyoro go nî mà yáʔà yo Sara ma we mà yo: «Ma fyala ma cakmaʔa kà tonli tasakpɔʔɔ nyɛʔɛ tanri ma bru hɔʔɔ.»
7Ki kruʔu ma Abrahamu wɔ̀ɔ fɛ mà kɛri mà yâ nopyɔ nylanʔa woo co wa wi niri ni de. Wɔ̀ɔ po kmaa mà bɔ́ɔ̀ kân wi tungɔɔ najɛɛ wà ma wɔ̀ɔ fyala mòo hɔʔɔ. 8Karà ti gâ be kɔ, Abrahamu wɔ̀ɔ tí kpe mà bâ ti tyɛʔɛ be nabonmoo tanla be ní nono hriŋi nì ní nono cɛnŋɛ ní. Nabonmoo à pe na li. Wiì Abrahamu wɔ̀ɔ yere be pè tanla tiʔilara ni de. 9Nabonmoo à poo yugu mà yo: «Ma cɔ Sara wí nyɛ hanbe?» Wɔ̀ɔ pé po: «Wí nyɛ wa kpasyoro go nî.»
10Ki nabonmoo à wà maʔa yo mà yo: «Bì gbe bì sun wa yɛlaban ki nyidege ga na, mí bi ba hru bì ban naʔa ma deʔe na. Ma cɔ Sara wɔ̀ɔ bâ pyɔ wa he nabii.»
Sara wi dá bo wa kpasyoro go nî Abrahamu kruʔu ma, wɔ̀ɔ na nuru kpo. 11Ki nyiŋi na Abrahamu nì, ní Sara nì pe dá bo pé ma lɛ ceŋge. Sara wɔ̀ɔ po wí ma toro pyɔ heme na me. 12Sara wɔ̀ɔ na tyɛʔɛ wa wi lama ni mà yo: Mì cɛlɛgwɔ banmɛ ge, pa lafiʔimi ma laa bi na co yo, áʔa hin bo na fɔlɔ wí ma lɛ kpo ge? 13Bajegɔ Nyɛʔɛlɛ à liʔi yo Abrahamu ma we mà yo: «Nyaʔa ma kan Sara wí na tyɛʔɛ naʔa nyu mâ yo ki woʔo ga kòo gban bì hanri ge: Mí ma lɛ wɛʔɛ mà toro piheʔe na ge? 14Yraʔa kà nyɛ wa ga Nyɛʔɛlɛ lòo gban bì hanri yo? Nyiŋi ga na mí bi gà ba hru bì ban naʔa ma deʔe na yɛlaban ni. Ki nyidege ga kiì na Sara wí bi ba bo wí ma pyɔ wà he nabii.»#18:14 ma wèle wa Luk 1:37 ni wè.
15Sara wɔ̀ɔ ki fiʔiri, mɛjɛn wi da fyá. Wɔ̀ɔ yo: «Mi ìn dì bo na tyɛʔɛ.» Bajegɔ Nyɛʔɛlɛ à li yo: «Kayocɛnŋɛ gi, ma dí bo na tyɛʔɛ.»
16Ki nabii à pe kloʔò kpe mà na sye na wele wa Sodɔmu namyɛlɛ na le. Abrahamu wɔ̀ɔ plɛn pé ni na tanri na sye bì yà pe troʔo. 17Bajegɔ Nyɛʔɛlɛ li daʔá yo mà yo: Ga mí bi hanri, pa miʔi hra Abrahamu na we yo? 18Kanyɛmɛ na Abrahamu wi kluʔu kí bi ba gbɔʔɔ ceŋge bì bo fanŋa nì. Mí bi ba frɛmɛ pa klòʔo kè bɛfu na wi fanŋa ni ge. 19Mɛjɛn mí moo fara jango wi baa wi pii ní wi heme krɛʔɛ pe baa Bajegɔ Nyɛʔɛlɛ li kayoro kpɔʔɔ, pee danri sinmi na, nàʔa po ban Bajegɔ Nyɛʔɛlɛ pa li ga funŋu li dá yo Abrahamu wi namyɛlɛ na le.
20Bajegɔ Nyɛʔɛlɛ à liʔi yo Abrahamu ma we mà yo: «Sodɔmu kàʔà hɛɛn ní, ní Gɔmore woʔo ní ti kiti wí ma kpɔʔɔ. Ti kapere fanna à ti nyɛʔɛ ceŋge. 21Ki kala na mí bi drigi bì ban. Ga pé na nyu ti namyɛʔɛ na mâ yo tí na ki tipere hanri ki woʔo áʔa no wa na na, nàʔa po kayocɛnŋɛ gi, jango bì baʔa cɛn.»
22Nabii syɛn à pe na tanri na sye Sodɔmu kàʔà ma ge. Di Abrahamu wɔ̀ɔ yere be Bajegɔ Nyɛʔɛlɛ li yɛʔɛ̀ ma ge. 23Abrahamu wɔ̀ɔ flo wa lì tanla mà yo: «Má bi hɛnsinŋi ní kapere hanrifɔlɔ plɛn bì pe kpo yo? 24Kana pa hɛnsinbee too syɛn ní kprɔʔɔ bí gban bì bo wa ki kàʔà ga ni ge, Má bi pe plɛn bì pe kpo kpo yo? Mɛ ìn biʔi yaʔa bì ki kàʔà yaʔa be ki hɛɛn too syɛn ní kprɔʔɔ bee sinbee pe kala na le yo, bee pé nyɛ waʔa nî? 25Mò gaʔá ta bì ki woʔo ga hanri bì hɛnsinŋi ní kapere hanrifɔlɔ plɛn bì pe kpo ge. Mò gaʔá ta bi hɛnpee nì, ní hɛnsinŋi tonli be. Ŋa wí nyɛ tra tì bɛfu ti kiti konfɔlɔ wi ìn bi kasinli hanri yo?»
26Bajegɔ Nyɛʔɛlɛ à li yo: «Nà mi hɛnsinbee too syɛn ní kprɔʔɔ nya wa Sodɔmu kàʔà ni, pa mi ki kàʔà ki kapere tì bɛfu yaʔa kí kan ki hɛnsinbee pe kala na le.»
27Abrahamu wɔ̀ɔ ki hli na nyu nɛ mà yo: «Welé, mí ma dihon ta bì yo mo wò Fɔlɔ ní we, mì ŋa mí nyɛ taplɔʔɔ mâ po nɛ tyonʔo ge. 28Sanni pé bi bo hɛnsinbee too syɛn ní kprɔʔɔ, ná pe po too syɛn ní hɛɛn kɔgunnu, hɛnsinbee kɔgunnu kala na bee pé ma fara wa, pa ma ki kàʔà kì bɛfu cɔʔɔ yo?»
Bajegɔ Nyɛʔɛlɛ à li yo: «Pa miʔi yaʔa bajɔʔɔgɔ, kí po mí ma hɛnsinbee too syɛn ní kɔgunnu nya waʔa nî ge.»
29Abrahamu wɔ̀ɔ ní mà yo lí ni nɛ mà yo: «Kana hɛnsinbee pé bi bo wa hɛɛn too syɛn kpo yo?» Bajegɔ Nyɛʔɛlɛ à li yo: «Ga mi yo mí bi hanri ki kàʔa na pa miʔi yaʔa bahranʔa ki hɛɛn too syɛn pe kala na.»
30Abrahamu wɔ̀ɔ yo: «Wò Fɔlɔ wiʔi yaʔa, wò gá lama gban na ní. Mí bi yo nɛ. Kana hɛnsinbee pé bi bo wa fonɛrɛ ma kɛ̀ kɛ̂ yo?» Bajegɔ Nyɛʔɛlɛ à li yo: «Ga mí yo mí bi hanri pa miʔi yaʔa bahranʔa ki hɛnsinbee fonɛrɛ ma kɛ̀ kɛ̂ pe kala na le.»
31Abrahamu wɔ̀ɔ yo: «Welé, mí ma gban mà dihon ta mà yo wò Fɔlɔ ní we. Kana hɛnsinbee bee pé nyɛ wa ki kàʔà ni pé bi bo fonɛrɛ?» Bajegɔ Nyɛʔɛlɛ à li yo: «Pa mi ki kàʔà yaʔa bajɔʔɔgɔ ki hɛnsinbee fonɛrɛ pe kala na le.»
32Abrahamu wɔ̀ɔ ní mà yo nɛ: «Wò Fɔlɔ, wò gá lama gban ná ni. Mi ìn bi ga kayoʔo kà yo adi ga mí bi yo ki kruʔu ma ge. Kana hɛnsinbee pé bi bo wa kɛ̂ yo?» Bajegɔ Nyɛʔɛlɛ à li yo: «Pa mi ki kàʔà yaʔa bajɔʔɔgɔ ki hɛnsinbee kɛ̂ pe kala na le.»
33Bajegɔ Nyɛʔɛlɛ li gâ yo Abrahamu nì we kɔ, à li kɛri. Abrahamu wɔ̀ɔ kɛri kpo wi kasyɛn ma ge.
Sélection en cours:
HLIMI 18: NLK10
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Bible Society of Côte d'Ivoire
HLIMI 18
18
Nyɛʔɛlɛ lí maʔa yo mà yo Sara wí bi ba nabiple là he
1Bajegɔ Nyɛʔɛlɛ à li bâ lì tyɛʔɛ Abrahamu na we be Mamre syɛni tiri tanla. Abrahamu wi dá bo wi klɛn wa wi kpasyoro go nî nyiŋi ga na yaa ki dá gban mâ na hogo ge. 2Cɛncɛnbo wɔ̀ɔ gâ nabii tanri nya pe yeré be wì tanla. Wɔ̀ɔ jɛ be wi kpasyoro go goyɛʔɛ na mà yâ gbɔbu pè tanla, 3mà yo: «Na woolo, ye no ná na. Yò ga doro ná na bì gɛri. Mí na ye fɛn ye yèré naʔa na deʔe na ge. 4Pé bi ban nyumu ní bì ba yè cyeʔe jeʔe ge. Ye klɛn, ye fyonri wa ki tiʔi ga ki lara ni de. 5Mí bi brukonʔo kan ye ma, yeʔe ka, jango ye fanŋa ta. Ki kruʔu ma, pa ye na da bì da sye yè kloʔò nî ge. Nàʔa po ban, kòo bo yé ma pan naʔa na deʔe na waʔafe na.» Nabonmoo à poo po: «Kí nyɛ kmaʔa.»
Ga má yo má bi hanri maʔa hanri.
6Ki nyiŋi na Abrahamu wɔ̀ɔ fyala mà je wa wi kpasyoro go nî mà yáʔà yo Sara ma we mà yo: «Ma fyala ma cakmaʔa kà tonli tasakpɔʔɔ nyɛʔɛ tanri ma bru hɔʔɔ.»
7Ki kruʔu ma Abrahamu wɔ̀ɔ fɛ mà kɛri mà yâ nopyɔ nylanʔa woo co wa wi niri ni de. Wɔ̀ɔ po kmaa mà bɔ́ɔ̀ kân wi tungɔɔ najɛɛ wà ma wɔ̀ɔ fyala mòo hɔʔɔ. 8Karà ti gâ be kɔ, Abrahamu wɔ̀ɔ tí kpe mà bâ ti tyɛʔɛ be nabonmoo tanla be ní nono hriŋi nì ní nono cɛnŋɛ ní. Nabonmoo à pe na li. Wiì Abrahamu wɔ̀ɔ yere be pè tanla tiʔilara ni de. 9Nabonmoo à poo yugu mà yo: «Ma cɔ Sara wí nyɛ hanbe?» Wɔ̀ɔ pé po: «Wí nyɛ wa kpasyoro go nî.»
10Ki nabonmoo à wà maʔa yo mà yo: «Bì gbe bì sun wa yɛlaban ki nyidege ga na, mí bi ba hru bì ban naʔa ma deʔe na. Ma cɔ Sara wɔ̀ɔ bâ pyɔ wa he nabii.»
Sara wi dá bo wa kpasyoro go nî Abrahamu kruʔu ma, wɔ̀ɔ na nuru kpo. 11Ki nyiŋi na Abrahamu nì, ní Sara nì pe dá bo pé ma lɛ ceŋge. Sara wɔ̀ɔ po wí ma toro pyɔ heme na me. 12Sara wɔ̀ɔ na tyɛʔɛ wa wi lama ni mà yo: Mì cɛlɛgwɔ banmɛ ge, pa lafiʔimi ma laa bi na co yo, áʔa hin bo na fɔlɔ wí ma lɛ kpo ge? 13Bajegɔ Nyɛʔɛlɛ à liʔi yo Abrahamu ma we mà yo: «Nyaʔa ma kan Sara wí na tyɛʔɛ naʔa nyu mâ yo ki woʔo ga kòo gban bì hanri ge: Mí ma lɛ wɛʔɛ mà toro piheʔe na ge? 14Yraʔa kà nyɛ wa ga Nyɛʔɛlɛ lòo gban bì hanri yo? Nyiŋi ga na mí bi gà ba hru bì ban naʔa ma deʔe na yɛlaban ni. Ki nyidege ga kiì na Sara wí bi ba bo wí ma pyɔ wà he nabii.»#18:14 ma wèle wa Luk 1:37 ni wè.
15Sara wɔ̀ɔ ki fiʔiri, mɛjɛn wi da fyá. Wɔ̀ɔ yo: «Mi ìn dì bo na tyɛʔɛ.» Bajegɔ Nyɛʔɛlɛ à li yo: «Kayocɛnŋɛ gi, ma dí bo na tyɛʔɛ.»
16Ki nabii à pe kloʔò kpe mà na sye na wele wa Sodɔmu namyɛlɛ na le. Abrahamu wɔ̀ɔ plɛn pé ni na tanri na sye bì yà pe troʔo. 17Bajegɔ Nyɛʔɛlɛ li daʔá yo mà yo: Ga mí bi hanri, pa miʔi hra Abrahamu na we yo? 18Kanyɛmɛ na Abrahamu wi kluʔu kí bi ba gbɔʔɔ ceŋge bì bo fanŋa nì. Mí bi ba frɛmɛ pa klòʔo kè bɛfu na wi fanŋa ni ge. 19Mɛjɛn mí moo fara jango wi baa wi pii ní wi heme krɛʔɛ pe baa Bajegɔ Nyɛʔɛlɛ li kayoro kpɔʔɔ, pee danri sinmi na, nàʔa po ban Bajegɔ Nyɛʔɛlɛ pa li ga funŋu li dá yo Abrahamu wi namyɛlɛ na le.
20Bajegɔ Nyɛʔɛlɛ à liʔi yo Abrahamu ma we mà yo: «Sodɔmu kàʔà hɛɛn ní, ní Gɔmore woʔo ní ti kiti wí ma kpɔʔɔ. Ti kapere fanna à ti nyɛʔɛ ceŋge. 21Ki kala na mí bi drigi bì ban. Ga pé na nyu ti namyɛʔɛ na mâ yo tí na ki tipere hanri ki woʔo áʔa no wa na na, nàʔa po kayocɛnŋɛ gi, jango bì baʔa cɛn.»
22Nabii syɛn à pe na tanri na sye Sodɔmu kàʔà ma ge. Di Abrahamu wɔ̀ɔ yere be Bajegɔ Nyɛʔɛlɛ li yɛʔɛ̀ ma ge. 23Abrahamu wɔ̀ɔ flo wa lì tanla mà yo: «Má bi hɛnsinŋi ní kapere hanrifɔlɔ plɛn bì pe kpo yo? 24Kana pa hɛnsinbee too syɛn ní kprɔʔɔ bí gban bì bo wa ki kàʔà ga ni ge, Má bi pe plɛn bì pe kpo kpo yo? Mɛ ìn biʔi yaʔa bì ki kàʔà yaʔa be ki hɛɛn too syɛn ní kprɔʔɔ bee sinbee pe kala na le yo, bee pé nyɛ waʔa nî? 25Mò gaʔá ta bì ki woʔo ga hanri bì hɛnsinŋi ní kapere hanrifɔlɔ plɛn bì pe kpo ge. Mò gaʔá ta bi hɛnpee nì, ní hɛnsinŋi tonli be. Ŋa wí nyɛ tra tì bɛfu ti kiti konfɔlɔ wi ìn bi kasinli hanri yo?»
26Bajegɔ Nyɛʔɛlɛ à li yo: «Nà mi hɛnsinbee too syɛn ní kprɔʔɔ nya wa Sodɔmu kàʔà ni, pa mi ki kàʔà ki kapere tì bɛfu yaʔa kí kan ki hɛnsinbee pe kala na le.»
27Abrahamu wɔ̀ɔ ki hli na nyu nɛ mà yo: «Welé, mí ma dihon ta bì yo mo wò Fɔlɔ ní we, mì ŋa mí nyɛ taplɔʔɔ mâ po nɛ tyonʔo ge. 28Sanni pé bi bo hɛnsinbee too syɛn ní kprɔʔɔ, ná pe po too syɛn ní hɛɛn kɔgunnu, hɛnsinbee kɔgunnu kala na bee pé ma fara wa, pa ma ki kàʔà kì bɛfu cɔʔɔ yo?»
Bajegɔ Nyɛʔɛlɛ à li yo: «Pa miʔi yaʔa bajɔʔɔgɔ, kí po mí ma hɛnsinbee too syɛn ní kɔgunnu nya waʔa nî ge.»
29Abrahamu wɔ̀ɔ ní mà yo lí ni nɛ mà yo: «Kana hɛnsinbee pé bi bo wa hɛɛn too syɛn kpo yo?» Bajegɔ Nyɛʔɛlɛ à li yo: «Ga mi yo mí bi hanri ki kàʔa na pa miʔi yaʔa bahranʔa ki hɛɛn too syɛn pe kala na.»
30Abrahamu wɔ̀ɔ yo: «Wò Fɔlɔ wiʔi yaʔa, wò gá lama gban na ní. Mí bi yo nɛ. Kana hɛnsinbee pé bi bo wa fonɛrɛ ma kɛ̀ kɛ̂ yo?» Bajegɔ Nyɛʔɛlɛ à li yo: «Ga mí yo mí bi hanri pa miʔi yaʔa bahranʔa ki hɛnsinbee fonɛrɛ ma kɛ̀ kɛ̂ pe kala na le.»
31Abrahamu wɔ̀ɔ yo: «Welé, mí ma gban mà dihon ta mà yo wò Fɔlɔ ní we. Kana hɛnsinbee bee pé nyɛ wa ki kàʔà ni pé bi bo fonɛrɛ?» Bajegɔ Nyɛʔɛlɛ à li yo: «Pa mi ki kàʔà yaʔa bajɔʔɔgɔ ki hɛnsinbee fonɛrɛ pe kala na le.»
32Abrahamu wɔ̀ɔ ní mà yo nɛ: «Wò Fɔlɔ, wò gá lama gban ná ni. Mi ìn bi ga kayoʔo kà yo adi ga mí bi yo ki kruʔu ma ge. Kana hɛnsinbee pé bi bo wa kɛ̂ yo?» Bajegɔ Nyɛʔɛlɛ à li yo: «Pa mi ki kàʔà yaʔa bajɔʔɔgɔ ki hɛnsinbee kɛ̂ pe kala na le.»
33Bajegɔ Nyɛʔɛlɛ li gâ yo Abrahamu nì we kɔ, à li kɛri. Abrahamu wɔ̀ɔ kɛri kpo wi kasyɛn ma ge.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Bible Society of Côte d'Ivoire