लूका 18
18
परमेसर आपका भगता की सुणै
1जणा ईसु चेलानै आ बताबा ताँई की बे रोजकी अरदास करता रेह्वै। अर हिमत नइ छोडीं एक मिसाल दिनी: 2“कोई नगरी ही बिमै एक पंच रिह्या करतो हो, जखो नइ तो परमेसरऊँ डरतो अर नइ कोई मिनख की परवा करतो। 3अर बि नगरी म एक खाली होईड़ी बी रेह्ती बा बार-बार बिकी छाती प आर खेती मेरो न्याय कर। 4कई दिना ताँई तो बो बिकी सुणाई कोनी कर्यो। पण हार'र आपका मन म सोची, ‘म नइ तो परमेसरऊँ डरूँ अर नइ कोई मिनख की परवा करूं, 5जणा बी आ खाली होईड़ी मेरा कान खागी, इ ताँई म इको न्याय चुकास्युं नहिस तो आ घड़ी-घड़ी आर मनै दुखी कर देसी।’” 6परबु बोल्या, “सुणो बो बेईमान पंच काँई बोल्यो हो? 7जणा पाछै परमेसर आपका टाळेड़ा मिनखानै न्याय कोनी देसी के जखा रात-दिन परमेसर की रो-रो दुहाई दि हीं? बानै न्याय देबा म के बो देर करसी? 8म थारूँ खेऊँ हूँ बो बेगोई बाको न्याय चुकासी। पण मिनख का बेटानै जद बो इ धरती प आसी जणा बिस्वास लाधसी के?”
सची भगती
9ईसु बानै जखा खुदकी धारमिक्ता प भरोसो राखबाळा अर दुसरानै क्युंई कोनी समजता हा, बानै एक मिसाल दिनी, 10“एक बर मनदर म दो जणा अरदास करबा गया। बामैऊँ एक फरिसी अर दुसरो चुंगी लेबाळो हो। 11बो फरिसी नाकैई खड़्यो होर अंय्यां खेर अरदास करबा लाग्यो, ‘परमेसर थारी जे हो, क म दुसरा की जंय्यां लोभी, दुसरा को बुरो करबाळो, कुकरमी कोनी अर नइ म इ चुंगी लेबाळा की जंय्यां हूँ। 12म सपता म दो बार बरत करूं अर मेरी सगळी कमाई को दसवो भाग दान द्युँ हूँ।’ 13पण बो दुसरो जखो चुंगी लेबाळो हो बो दूर खड़्यो होर आपकी छाती कुट-कुटर खेबा लाग्यो, ‘परमेसर मेर प दया करो म पापी हूँ।’ बो खुदनै ईस्बर नगरी कानि मुंडो उठार देखबा जोगोई कोनी जाण्यो। 14#मत्त 23:12; लूक 14:11म थानै सची-सची बोलुँ हूँ परमेसर की नजर्या म फरिसी नइ, पण ओ चुंगी लेबाळोई धरमी होर आपकै घरा गयो। क्युं क जखो खुदनै बडो मानसी बिनै छोटो अर जखो खुदनै छोटो मानसी बिनै बडो कर्यो ज्यासी।”
टाबरानै आसिरबाद
(मत्ती 19:13–15; मरकुस 10:13–16)
15एक दिन मिनख आपका नान्यानै ईसु कनै ल्याया। बे चावै हा क ईसु बा टाबरा क सीर प हात म्हेलै। पण आ देखर चेला बानै दकाल दिआ। 16जणा ईसु टाबरानै आपकै कनै बुलार चेलाऊँ कह्या, “टाबरानै मेरै कनै आबा द्यो, आनै आबाऊँ मना नटो, क्युं क परमेसर को राज अंय्यां का मिनखा ताँई ह। 17याद राखज्यो क जखो परमेसर का राजनै टाबरा की जंय्यां कोनी मानसी बो बिमै कोनी बड़सी।”
पिसाळो मिनख
(मत्ती 19:16–30; मरकुस 10:17–31)
18एक यहूदि परधान ईसुऊँ बुज्यो, “चोखा गरूजी , अजर-अमर जीवन पाबा ताँई म काँई करूं?” 19ईसु बिऊँ बोल्यो, “तू मनै चोखो क्युं बोलै ह? परमेसरनै छोडर कोईबी चोखो कोनी। 20तू परमेसर का हुकमानै जाणै ह, जंय्यां पराई लूगाई क सागै कुकरम मना करजे, हत्या मना करजे, झूठी गुवाई मना दिजे, चोरी-चकारी मना करजे अर माँ-बाप को मान करजे।” 21बो बोल्यो, “आ सगळी बातानै म टाबरपुणाऊँई मानतो आयो हूँ।” 22आ सुणर ईसु बिऊँ बोल्यो, “तेरै म हाल ताँई एक बात की कमी ह, तेरै कनै जोक्यु बी ह बिनै बेचर बिऊँ मिलेड़ा रिपीआनै गरीबा म बाट दे अर तू मेरै गेल होले इकै साटा को धन तनै ईस्बर नगरी म मिल ज्यासी।” 23पण आ सुण ताँई बो बोळो दुखी होगो, क्युं क बिकन अणाप-सणाप धन हो। 24ईसु बिनै देखर बोल्यो, “परमेसर का राज म पिसाळा को बड़बो बोळो ओखो ह, 25पिसाळा मिनख को परमेसर का राज म बड़बाऊँ तो सूँई का नाकाऊँ ऊँट को निकळबो सोरो ह।” 26आ सुणर बे सुणबाळा हा जखा बुज्या, “जणा पाछै कूण बचायो ज्यासी?” 27जणा बो बोल्यो, “जखो मिनखा क बसको कोनी बिनै परमेसर कर सकै ह।” 28इ बात प पतरस बोल्यो, “देखो म्हें तो म्हारो घरबार छोडर थारै गेल आया हा।” 29-30ईसु बानै बोल्यो, “अंय्यां को कोई कोनी जखो आपका घरबार, लूगाई अर सागे भाई-भाण, माँ-बाप अर आपका टाबरानै परमेसर का राज ताँई छोड्यो हो अर बिनै इ जुग म कई गुणा बेत्ती अर आबाळा जुग म अजर-अमर जीवन नइ मिलै।”
ईसु को आपकी मोत क बारां म तीसरका बताबो
(मत्ती 20:17–19; मरकुस 10:32–34)
31ईसु आपका बारा चेलानै एक नाकै लेज्यार बोल्यो, “सुणो! आपा यरूसलेम जार्या हां जठै जोक्यु मिनख का बेटा क बारां म परमेसर की खेबाळा मांडी ह बे बाता पूरी होसी। 32बो परमेसरनै नइ ध्यारबाळा मिनखा क हाता म सूप्यो जासी। बे बिको तमासो बणासी, बिकी बेजती करसी, बिपै थूकसी, 33बिकै तड़ा मारसी अर बिनै ज्यानऊँ मार गेरसी। पण बो तीसरा दिन ओज्यु जिंदो होज्यासी।” 34चेला क आ बाता मऊँ क्युंई पलै कोनी पड़ी आ बाता को मतबल बाकै कानि को तो लुखेड़ोई रेह्गो, ईसु किकै बारां म बोलर्या हीं बे कोनी जाण्या।
ईसु आँदा मंगतानै आँख्या दि
(मत्ती 20:29–34; मरकुस 10:46–52)
35ईसु जद यरियो क सांकड़ै पुग्यो जणा बिनै भीक माँगतो एक आँदो गेला क सारै बेठ्यो मिल्यो। 36जणा बो आँदो मंगतो भीड़ क पगा की उवाज सुणर बुज्यो, “ओ काँई होर्यो ह?” 37बे बिऊँ कह्या, “ईसु नासरी जार्यो ह।” 38जणा बो आँदो हेलो मारतोई बोल्यो, “ओ दाऊद का बेटा ईसु, मेर प दया कर।” 39आगै-आगै चालबाळा बिनै चुप होबा ताँई दकाल्या, पण बो ओर बी जोरऊँ हेला मारबा लागगो, “दाऊद का बेटा! मेर प दया कर!” 40जणा ईसु बठैई डटर बि आँदानै आपकै कनै ल्याबा ताँई बोल्यो, बिकै आताई बो बिऊँ बुज्यो, 41“तू काँई चावै ह जखो म तेरै ताँई करूं?” बो बोल्यो, “परबु म ओज्यु देखबो चाऊँ।” 42ईसु बिऊँ बोल्यो, “देखबा लागज्या तेरो बिस्वासई तनै आँख्या दिनी ह।” 43जणा अत्ती खेताई बो देखबा लागगो अर परमेसर की बडाई करतो बिकै गेल होलिओ। देखबाळा आ देखर परमेसर को गुणगान गाबा लागगा।
Sélection en cours:
लूका 18: एस डब्लु वी
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
(c) 2010-2017, New Life Computer Institute. All rights reserved
लूका 18
18
परमेसर आपका भगता की सुणै
1जणा ईसु चेलानै आ बताबा ताँई की बे रोजकी अरदास करता रेह्वै। अर हिमत नइ छोडीं एक मिसाल दिनी: 2“कोई नगरी ही बिमै एक पंच रिह्या करतो हो, जखो नइ तो परमेसरऊँ डरतो अर नइ कोई मिनख की परवा करतो। 3अर बि नगरी म एक खाली होईड़ी बी रेह्ती बा बार-बार बिकी छाती प आर खेती मेरो न्याय कर। 4कई दिना ताँई तो बो बिकी सुणाई कोनी कर्यो। पण हार'र आपका मन म सोची, ‘म नइ तो परमेसरऊँ डरूँ अर नइ कोई मिनख की परवा करूं, 5जणा बी आ खाली होईड़ी मेरा कान खागी, इ ताँई म इको न्याय चुकास्युं नहिस तो आ घड़ी-घड़ी आर मनै दुखी कर देसी।’” 6परबु बोल्या, “सुणो बो बेईमान पंच काँई बोल्यो हो? 7जणा पाछै परमेसर आपका टाळेड़ा मिनखानै न्याय कोनी देसी के जखा रात-दिन परमेसर की रो-रो दुहाई दि हीं? बानै न्याय देबा म के बो देर करसी? 8म थारूँ खेऊँ हूँ बो बेगोई बाको न्याय चुकासी। पण मिनख का बेटानै जद बो इ धरती प आसी जणा बिस्वास लाधसी के?”
सची भगती
9ईसु बानै जखा खुदकी धारमिक्ता प भरोसो राखबाळा अर दुसरानै क्युंई कोनी समजता हा, बानै एक मिसाल दिनी, 10“एक बर मनदर म दो जणा अरदास करबा गया। बामैऊँ एक फरिसी अर दुसरो चुंगी लेबाळो हो। 11बो फरिसी नाकैई खड़्यो होर अंय्यां खेर अरदास करबा लाग्यो, ‘परमेसर थारी जे हो, क म दुसरा की जंय्यां लोभी, दुसरा को बुरो करबाळो, कुकरमी कोनी अर नइ म इ चुंगी लेबाळा की जंय्यां हूँ। 12म सपता म दो बार बरत करूं अर मेरी सगळी कमाई को दसवो भाग दान द्युँ हूँ।’ 13पण बो दुसरो जखो चुंगी लेबाळो हो बो दूर खड़्यो होर आपकी छाती कुट-कुटर खेबा लाग्यो, ‘परमेसर मेर प दया करो म पापी हूँ।’ बो खुदनै ईस्बर नगरी कानि मुंडो उठार देखबा जोगोई कोनी जाण्यो। 14#मत्त 23:12; लूक 14:11म थानै सची-सची बोलुँ हूँ परमेसर की नजर्या म फरिसी नइ, पण ओ चुंगी लेबाळोई धरमी होर आपकै घरा गयो। क्युं क जखो खुदनै बडो मानसी बिनै छोटो अर जखो खुदनै छोटो मानसी बिनै बडो कर्यो ज्यासी।”
टाबरानै आसिरबाद
(मत्ती 19:13–15; मरकुस 10:13–16)
15एक दिन मिनख आपका नान्यानै ईसु कनै ल्याया। बे चावै हा क ईसु बा टाबरा क सीर प हात म्हेलै। पण आ देखर चेला बानै दकाल दिआ। 16जणा ईसु टाबरानै आपकै कनै बुलार चेलाऊँ कह्या, “टाबरानै मेरै कनै आबा द्यो, आनै आबाऊँ मना नटो, क्युं क परमेसर को राज अंय्यां का मिनखा ताँई ह। 17याद राखज्यो क जखो परमेसर का राजनै टाबरा की जंय्यां कोनी मानसी बो बिमै कोनी बड़सी।”
पिसाळो मिनख
(मत्ती 19:16–30; मरकुस 10:17–31)
18एक यहूदि परधान ईसुऊँ बुज्यो, “चोखा गरूजी , अजर-अमर जीवन पाबा ताँई म काँई करूं?” 19ईसु बिऊँ बोल्यो, “तू मनै चोखो क्युं बोलै ह? परमेसरनै छोडर कोईबी चोखो कोनी। 20तू परमेसर का हुकमानै जाणै ह, जंय्यां पराई लूगाई क सागै कुकरम मना करजे, हत्या मना करजे, झूठी गुवाई मना दिजे, चोरी-चकारी मना करजे अर माँ-बाप को मान करजे।” 21बो बोल्यो, “आ सगळी बातानै म टाबरपुणाऊँई मानतो आयो हूँ।” 22आ सुणर ईसु बिऊँ बोल्यो, “तेरै म हाल ताँई एक बात की कमी ह, तेरै कनै जोक्यु बी ह बिनै बेचर बिऊँ मिलेड़ा रिपीआनै गरीबा म बाट दे अर तू मेरै गेल होले इकै साटा को धन तनै ईस्बर नगरी म मिल ज्यासी।” 23पण आ सुण ताँई बो बोळो दुखी होगो, क्युं क बिकन अणाप-सणाप धन हो। 24ईसु बिनै देखर बोल्यो, “परमेसर का राज म पिसाळा को बड़बो बोळो ओखो ह, 25पिसाळा मिनख को परमेसर का राज म बड़बाऊँ तो सूँई का नाकाऊँ ऊँट को निकळबो सोरो ह।” 26आ सुणर बे सुणबाळा हा जखा बुज्या, “जणा पाछै कूण बचायो ज्यासी?” 27जणा बो बोल्यो, “जखो मिनखा क बसको कोनी बिनै परमेसर कर सकै ह।” 28इ बात प पतरस बोल्यो, “देखो म्हें तो म्हारो घरबार छोडर थारै गेल आया हा।” 29-30ईसु बानै बोल्यो, “अंय्यां को कोई कोनी जखो आपका घरबार, लूगाई अर सागे भाई-भाण, माँ-बाप अर आपका टाबरानै परमेसर का राज ताँई छोड्यो हो अर बिनै इ जुग म कई गुणा बेत्ती अर आबाळा जुग म अजर-अमर जीवन नइ मिलै।”
ईसु को आपकी मोत क बारां म तीसरका बताबो
(मत्ती 20:17–19; मरकुस 10:32–34)
31ईसु आपका बारा चेलानै एक नाकै लेज्यार बोल्यो, “सुणो! आपा यरूसलेम जार्या हां जठै जोक्यु मिनख का बेटा क बारां म परमेसर की खेबाळा मांडी ह बे बाता पूरी होसी। 32बो परमेसरनै नइ ध्यारबाळा मिनखा क हाता म सूप्यो जासी। बे बिको तमासो बणासी, बिकी बेजती करसी, बिपै थूकसी, 33बिकै तड़ा मारसी अर बिनै ज्यानऊँ मार गेरसी। पण बो तीसरा दिन ओज्यु जिंदो होज्यासी।” 34चेला क आ बाता मऊँ क्युंई पलै कोनी पड़ी आ बाता को मतबल बाकै कानि को तो लुखेड़ोई रेह्गो, ईसु किकै बारां म बोलर्या हीं बे कोनी जाण्या।
ईसु आँदा मंगतानै आँख्या दि
(मत्ती 20:29–34; मरकुस 10:46–52)
35ईसु जद यरियो क सांकड़ै पुग्यो जणा बिनै भीक माँगतो एक आँदो गेला क सारै बेठ्यो मिल्यो। 36जणा बो आँदो मंगतो भीड़ क पगा की उवाज सुणर बुज्यो, “ओ काँई होर्यो ह?” 37बे बिऊँ कह्या, “ईसु नासरी जार्यो ह।” 38जणा बो आँदो हेलो मारतोई बोल्यो, “ओ दाऊद का बेटा ईसु, मेर प दया कर।” 39आगै-आगै चालबाळा बिनै चुप होबा ताँई दकाल्या, पण बो ओर बी जोरऊँ हेला मारबा लागगो, “दाऊद का बेटा! मेर प दया कर!” 40जणा ईसु बठैई डटर बि आँदानै आपकै कनै ल्याबा ताँई बोल्यो, बिकै आताई बो बिऊँ बुज्यो, 41“तू काँई चावै ह जखो म तेरै ताँई करूं?” बो बोल्यो, “परबु म ओज्यु देखबो चाऊँ।” 42ईसु बिऊँ बोल्यो, “देखबा लागज्या तेरो बिस्वासई तनै आँख्या दिनी ह।” 43जणा अत्ती खेताई बो देखबा लागगो अर परमेसर की बडाई करतो बिकै गेल होलिओ। देखबाळा आ देखर परमेसर को गुणगान गाबा लागगा।
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
(c) 2010-2017, New Life Computer Institute. All rights reserved