मत्ती 12
12
अरामहाळा दिन क बारां म सुवाल
(मरकुस 2:23–28; लूका 6:1–5)
1यहूदिआ मिनखा क अरामहाळा दिन ईसु अर बाकाळा चेला खेता क मांयनैऊँ जार्या हा जणा चेलानै भूख लागी इ ताँई बे खेत मऊँ ग्युं की बाळ्या तोड़-तो'ड़र खाबा लाग्या। 2फरिसी बानै अंय्यां करता देख ईसुनै बोल्या, “थारा चेला अरामहाळा दिन बो काम क्युं करै जखो आपणा नेम-कायदा म बरजेड़ो ह।” 3ईसु बाकी बाता सुणर बानै बोल्यो, “थे सास्तर म ओ कोनी बाच्या क जद दाऊद अर बिकाळा सिरी भूखा हा जणा बे काँई कर्या हा? 4बो आपका सात्या क सागै परमेसर का तम्मू म जार परमेसर क चढाईड़ी रोट्या खाई जानै याजक सिवाय ओरनै बरजेड़ो हो। 5थे मूसा का नेम-कायदा म ओ कोनी बाच्या क अरामहाळा दिन मनदर का याजकई बिमै अरामहाळा दिन का नियमनै तोड़ै ह जणा बी बानै कोई क्युंई कोनी बोलै। 6पण म थानै खेऊँ हूँ अठै जखो ह बो मनदरऊँ बी बडो ह। 7#मत्त 9:13ज थे सास्तरा म जखो मांडेड़ो ह बिकै बारां म जाणता तो थे ओ बी जाणता की म मिनखाऊँ ओ चाऊँ हूँ क बे दया करीं नइ क ज्यानबरा की बलि चढावीं। जिऊँ थे बा मिनखानै जखा खरा हीं दोसी नइ बताओ। 8क्युं क मिनख को बेटो अरामहाळा दिन को बी परबु ह।”
हवा भेयड़ा मिनख का हातनै निरोगो करबो
(मरकुस 3:1–6; लूका 6:6–11)
9ईसु बठैऊँ चालर यहूदि मिनखा की अरदास करबाळी झघा गयो। 10बठै एक मिनख हो बिकै एक हात क हवा भेगी ही, बठै क्युंक मिनख हा बे ईसु प दोस लगाबा ताँई बुज्या, “अरामहाळा दिन खिनै निरोगो करबो ठिक ह के?” 11#लूक 14:5ईसु बानै बोल्यो, “म थानै बुजूँ हूँ जिकै कनै एक लल्डी हो अर बा खाडा म पड़ज्या जणा थे अरामहाळा दिन बिनै बारनै कोनी काडो के? 12जदकी मिनख को मोल तो लल्डीऊँ बेत्ती ह। इ ताँई अरामहाळा दिन भलाई करबो चोखो ह।” 13जणा ईसु बि हवा भेयड़ा मिनखनै बोल्यो, “तेरा हातनै सिदो करले।” बो हातनै सिदो कर लिओ अर बिको हात दुसरा हात की जंय्यां पेली हो बंय्यांई निरोगो होगो। 14जणा बे फरिसी बठैऊँ चलेग्या अर ईसुनै कंय्यांसिक मारां इकी साजिस रचबा लाग्या।
परमेसर आपका दासनै टाळ्यो
15ईसु बाकी चाल समजगो अर बठैऊँ चलेगो। पण भीड़ बाकै गेल होलिनी। ईसु सगळा रोगलानै निरोगो कर्यो। 16ईसु बा मिनखानै चेतायो, “थे मनै परगट मना करो।” 17ओ इ ताँई होयो जंय्यां क यसाया परमेसर की खेबाळो जखो बचन खया ह बे पूरा होवै,
18“देखो ओ मेरो दास ह जिनै म टाळ्यो हूँ,
ओ मेरो लाडलो ह, जिऊँ म बोळो राजी हूँ।
म मेरी पबितर आत्मा इकै उपर उतारस्युं,
अर ओ धरती का सगळा मिनखा म हेलो पाड़सी क परमेसर ईमानदारीऊँ बाको न्याय करसी।
19ओ नइ तो खिऊँ लड़सी, अर नइ गळी-कुचळ्या म कूकसी।
20जद ताँई बो धरती प धारमिक्ता नइ फेलादे बो खिनई नास कोनी करै।
चाए कोई अटकेड़ी पान्नी की जंय्यां हो नहिस दिआ की बुत्तबाळी लोय की जंय्यां कमजोर हो।
21अर धरती का सगळा मिनख बिका नाम पई आस लगासी।”
ईसु अर बालजबुल
(मरकुस 3:20–30; लूका 11:14–23)
22लोग ईसु कनै एक मिनखनै ल्याया जिमै फेंट होईड़ी ही जिकी बजेऊँ बो आँदो अर गुँगो हो अर ईसु बिनै निरोगो कर दिओ जिकी बजेऊँ बो देखबा अर बोलबा लागगो। 23लोग इनै देखर ताजूब म पड़गा अर खेबा लाग्या क, “ओ दाऊद को बेटा मसी ह?” 24#मत्त 9:34; 10:25पण फरिसी बाकी बातानै सुणर खेबा लाग्या, “ईसु भूता का नाथ बालजबुल की सक्तिऊँ बानै काडै ह।” 25ईसु बाकी हिया की बातानै जा'णर बाऊँ बोल्यो, “जि राजपाट म फूट पड़ज्या जणा बिको नास होज्यावै ह। अर जि नगरी नहिस घर म फूट पड़ज्या जणा बो कंय्यां बस्यो रेह सकै ह? 26अर ज सेतान सेतान कोई बेरी होबा लाग्यो जणा बिको राज कंय्यां बण्यो रेह्सी? 27अर ज म बालजबुल की मददऊँ ओपरी बलायानै भगाऊँ, जणा थाकाळा चेला बी बालजबुल की सक्तिऊँ भगाता होगा? जणा इ बात ताँई बेई थानै गळत साबित करसी। 28अर ज म परमेसर की पबितर आत्माऊँ ओपरी बलायानै भगाऊँ, जणा इऊँ आ साबित होवै ह क परमेसर को राज थारै सांकड़ैई ह। 29ज कोई मिनख कोई तगड़ा मिनख को घर लूटबो चावै ह जणा पेली बि घर का तगड़ा मिनखनै बांदसी बिकै पाछैई बि घरनै लूट सकै ह। 30#मर 9:40जखो मेरै सागै कोनी बो मेरै खिलाप अर जखो मिनखानै मेरा चेला होबा ताँई भेळो कोनी करै बो बानै मेरूँ दूर लेज्यावै ह। 31इ ताँई म थानै खेऊँ हूँ मिनखा का मुंडाऊँ करेड़ी सगळी बुराई अर पाप माफ हो सकीं हीं, पण जखो पबितर आत्मा की बुराई करै ह बिनै माफी कोनी। 32#लूक 12:10अर ज कोई मिनख का बेटानै भलो-बुरो खेवै ह जणा बिनै परमेसर माफ कर सकै ह। पण जखो मिनख पबितर आत्मा क खिलाप क्युं खेवै ह जणा बिनै नइ तो इ जुग म अर नइ आबाळा जुग म माफी ह।
झिसो पेड़ भिसो फळ
(लूका 6:43–45)
33 #
मत्त 7:20; लूक 6:44 “थे जाणो हो ज थानै फळ खाणो ह तो थानै फळ कोई दरख्त लगाणो पड़सी, क्युं क हर दरख्त क खाबाळा फळ कोनी लागै। अर दरख्त आपका फळाऊँ पिछाण्यो जावै ह। 34#मत्त 3:7; 23:33; लूक 3:7; मत्त 15:18; लूक 6:45हे सपोलो! जद थेई बुरा हो जणा थारै मुंडाऊँ चोखी बाता कंय्यां बोलस्यो? क्युं क जखो मांयनै होसी बोई बारनै आसी। 35चोखो मिनख आपका चितऊँ चोखी बात काडै अर बुरो बुरीई चितै। 36पण न्यायहाळै दिन सगळा मिनखानै आपकी खेईड़ी बुरी बाता को लेखो देणो पड़सी। 37क्युं क तेरी खेईड़ी बाता की बजेऊँई तनै दोसी नहिस निरदोस साबित कर्यो ज्यासी।”
ईसुऊँ ईस्बर नगरी की सेलाणी की माँग
(मरकुस 8:11,12; लूका 11:29–32)
38 #
मत्त 16:1; मर 8:11; लूक 11:16 सास्तरानै सीखाबाळा अर फरिसी ईसु कनै आया अर बे ईसुऊँ बोल्या, “ओ गरूजी थे म्हानै कोई ईस्बर नगरी की सेलाणी दिखाओ।” 39#मत्त 16:4; मर 8:12पण ईसु बाऊँ बोल्यो, “इ जुग की बुरी अर कुकरमी#12:39 अठै कुकरमी बा मिनखानै दिखावै जखा परमेसर बई बिस्वास जोगा कोनी हीं। पिडी ईस्बर नगरी की सेलाणी माँगै ह। पण म थानै खेऊँ हूँ योना परमेसर की खेबाळा की बातानै छोडर कोई सेलाणी आ लोगानै कोनी दिखाई ज्यासी 40जंय्यां योना तीन दिना ताँई मछी क पेट म रिह्यो हो बंय्यांई मिनख को बेटो बी तीन दिना ताँई धरती तळै रेह्सी। 41जद न्याय होसी बि दिन निनवे नगरी का मिनख इ जुग का मिनखा क सागै खड़्या होसी अर आपै दोस लगासी क्युं क निनवे का मिनख योना को परचार सुणर पापऊँ तौबा कर लिआ हा। पण अठै जखो ह बो योनाऊँ बी बडो ह। 42सिबा की राणी न्यायहाळै दिन इ पिडी प दोस मंढसी क्युं क बा धरती का इ कूणाऊँ बि कूणा म सुलेमान कनै ज्ञान लेबा गई ही पण अठै जखो ह बो सुलेमानऊँ बी बोळो बडो ह।
ओपरी बलाय को पाछो आबो
(लूका 11:24–26)
43“जद कोई सूगली ओपरी बलाय मिनख मऊँ निकळै ह। जणा बा अराम ढुंढती उजाड़ म डोलै अर जद बिनै बठैबी अराम कोनी मिलै। 44जणा बा खेवै ह म मेरा पुराणीया घर म जिमैऊँ म आई हूँ पाछी चली जास्युं। अर बा पाछी आवै जणा बो बिनै भार्यो-झाड़्यो अर जच्यो-जचायो लाधै। 45जणा बा जार खुदऊँ बी सात बुरी ओपरी बलायानै आपकै सागै कर बिकै मांयनै बड़ जावै। अर बि आदमी की दसा पेलड़ीऊँ घणी बुरी होज्यावै। इ जुग का मिनखा की दसा बी अंय्यांई होसी।”
ईसु की माँ अर भाई
(मरकुस 3:31–35; लूका 8:19–21)
46जद ईसु भीड़ऊँ बतळार्यो हो जणा बठै बाकी माँ अर भाईड़ा आर बारनै खड़्या होगा। बे ईसुऊँ बातचित करबा ताँई बिनै उडिकबा लाग्या। 47जणा भीड़ मऊँ कोई मिनख ईसुनै बोल्यो, “थारी माँ अर भाईड़ा बारनै खड़्या हीं बे थारूँ बाताचिता करबो चावै ह।” 48ईसु बिकी इ बातनै सुणर बिनै बोल्या, “कूण मेरी माँ ह अर कूण मेरो भाई ह?” 49अर ईसु आपका चेला कानि हात कर बोल्यो, “देखो अ मेरी माँ अर भाईड़ा हीं। 50क्युं क जखा बी मिनख मेरा ईस्बर नगरी परम-पिता की इंछ्या गेल चालै ह बेई मेरा सागे भाई-भाण अर माँ ह।”
Sélection en cours:
मत्ती 12: एस डब्लु वी
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
(c) 2010-2017, New Life Computer Institute. All rights reserved
मत्ती 12
12
अरामहाळा दिन क बारां म सुवाल
(मरकुस 2:23–28; लूका 6:1–5)
1यहूदिआ मिनखा क अरामहाळा दिन ईसु अर बाकाळा चेला खेता क मांयनैऊँ जार्या हा जणा चेलानै भूख लागी इ ताँई बे खेत मऊँ ग्युं की बाळ्या तोड़-तो'ड़र खाबा लाग्या। 2फरिसी बानै अंय्यां करता देख ईसुनै बोल्या, “थारा चेला अरामहाळा दिन बो काम क्युं करै जखो आपणा नेम-कायदा म बरजेड़ो ह।” 3ईसु बाकी बाता सुणर बानै बोल्यो, “थे सास्तर म ओ कोनी बाच्या क जद दाऊद अर बिकाळा सिरी भूखा हा जणा बे काँई कर्या हा? 4बो आपका सात्या क सागै परमेसर का तम्मू म जार परमेसर क चढाईड़ी रोट्या खाई जानै याजक सिवाय ओरनै बरजेड़ो हो। 5थे मूसा का नेम-कायदा म ओ कोनी बाच्या क अरामहाळा दिन मनदर का याजकई बिमै अरामहाळा दिन का नियमनै तोड़ै ह जणा बी बानै कोई क्युंई कोनी बोलै। 6पण म थानै खेऊँ हूँ अठै जखो ह बो मनदरऊँ बी बडो ह। 7#मत्त 9:13ज थे सास्तरा म जखो मांडेड़ो ह बिकै बारां म जाणता तो थे ओ बी जाणता की म मिनखाऊँ ओ चाऊँ हूँ क बे दया करीं नइ क ज्यानबरा की बलि चढावीं। जिऊँ थे बा मिनखानै जखा खरा हीं दोसी नइ बताओ। 8क्युं क मिनख को बेटो अरामहाळा दिन को बी परबु ह।”
हवा भेयड़ा मिनख का हातनै निरोगो करबो
(मरकुस 3:1–6; लूका 6:6–11)
9ईसु बठैऊँ चालर यहूदि मिनखा की अरदास करबाळी झघा गयो। 10बठै एक मिनख हो बिकै एक हात क हवा भेगी ही, बठै क्युंक मिनख हा बे ईसु प दोस लगाबा ताँई बुज्या, “अरामहाळा दिन खिनै निरोगो करबो ठिक ह के?” 11#लूक 14:5ईसु बानै बोल्यो, “म थानै बुजूँ हूँ जिकै कनै एक लल्डी हो अर बा खाडा म पड़ज्या जणा थे अरामहाळा दिन बिनै बारनै कोनी काडो के? 12जदकी मिनख को मोल तो लल्डीऊँ बेत्ती ह। इ ताँई अरामहाळा दिन भलाई करबो चोखो ह।” 13जणा ईसु बि हवा भेयड़ा मिनखनै बोल्यो, “तेरा हातनै सिदो करले।” बो हातनै सिदो कर लिओ अर बिको हात दुसरा हात की जंय्यां पेली हो बंय्यांई निरोगो होगो। 14जणा बे फरिसी बठैऊँ चलेग्या अर ईसुनै कंय्यांसिक मारां इकी साजिस रचबा लाग्या।
परमेसर आपका दासनै टाळ्यो
15ईसु बाकी चाल समजगो अर बठैऊँ चलेगो। पण भीड़ बाकै गेल होलिनी। ईसु सगळा रोगलानै निरोगो कर्यो। 16ईसु बा मिनखानै चेतायो, “थे मनै परगट मना करो।” 17ओ इ ताँई होयो जंय्यां क यसाया परमेसर की खेबाळो जखो बचन खया ह बे पूरा होवै,
18“देखो ओ मेरो दास ह जिनै म टाळ्यो हूँ,
ओ मेरो लाडलो ह, जिऊँ म बोळो राजी हूँ।
म मेरी पबितर आत्मा इकै उपर उतारस्युं,
अर ओ धरती का सगळा मिनखा म हेलो पाड़सी क परमेसर ईमानदारीऊँ बाको न्याय करसी।
19ओ नइ तो खिऊँ लड़सी, अर नइ गळी-कुचळ्या म कूकसी।
20जद ताँई बो धरती प धारमिक्ता नइ फेलादे बो खिनई नास कोनी करै।
चाए कोई अटकेड़ी पान्नी की जंय्यां हो नहिस दिआ की बुत्तबाळी लोय की जंय्यां कमजोर हो।
21अर धरती का सगळा मिनख बिका नाम पई आस लगासी।”
ईसु अर बालजबुल
(मरकुस 3:20–30; लूका 11:14–23)
22लोग ईसु कनै एक मिनखनै ल्याया जिमै फेंट होईड़ी ही जिकी बजेऊँ बो आँदो अर गुँगो हो अर ईसु बिनै निरोगो कर दिओ जिकी बजेऊँ बो देखबा अर बोलबा लागगो। 23लोग इनै देखर ताजूब म पड़गा अर खेबा लाग्या क, “ओ दाऊद को बेटा मसी ह?” 24#मत्त 9:34; 10:25पण फरिसी बाकी बातानै सुणर खेबा लाग्या, “ईसु भूता का नाथ बालजबुल की सक्तिऊँ बानै काडै ह।” 25ईसु बाकी हिया की बातानै जा'णर बाऊँ बोल्यो, “जि राजपाट म फूट पड़ज्या जणा बिको नास होज्यावै ह। अर जि नगरी नहिस घर म फूट पड़ज्या जणा बो कंय्यां बस्यो रेह सकै ह? 26अर ज सेतान सेतान कोई बेरी होबा लाग्यो जणा बिको राज कंय्यां बण्यो रेह्सी? 27अर ज म बालजबुल की मददऊँ ओपरी बलायानै भगाऊँ, जणा थाकाळा चेला बी बालजबुल की सक्तिऊँ भगाता होगा? जणा इ बात ताँई बेई थानै गळत साबित करसी। 28अर ज म परमेसर की पबितर आत्माऊँ ओपरी बलायानै भगाऊँ, जणा इऊँ आ साबित होवै ह क परमेसर को राज थारै सांकड़ैई ह। 29ज कोई मिनख कोई तगड़ा मिनख को घर लूटबो चावै ह जणा पेली बि घर का तगड़ा मिनखनै बांदसी बिकै पाछैई बि घरनै लूट सकै ह। 30#मर 9:40जखो मेरै सागै कोनी बो मेरै खिलाप अर जखो मिनखानै मेरा चेला होबा ताँई भेळो कोनी करै बो बानै मेरूँ दूर लेज्यावै ह। 31इ ताँई म थानै खेऊँ हूँ मिनखा का मुंडाऊँ करेड़ी सगळी बुराई अर पाप माफ हो सकीं हीं, पण जखो पबितर आत्मा की बुराई करै ह बिनै माफी कोनी। 32#लूक 12:10अर ज कोई मिनख का बेटानै भलो-बुरो खेवै ह जणा बिनै परमेसर माफ कर सकै ह। पण जखो मिनख पबितर आत्मा क खिलाप क्युं खेवै ह जणा बिनै नइ तो इ जुग म अर नइ आबाळा जुग म माफी ह।
झिसो पेड़ भिसो फळ
(लूका 6:43–45)
33 #
मत्त 7:20; लूक 6:44 “थे जाणो हो ज थानै फळ खाणो ह तो थानै फळ कोई दरख्त लगाणो पड़सी, क्युं क हर दरख्त क खाबाळा फळ कोनी लागै। अर दरख्त आपका फळाऊँ पिछाण्यो जावै ह। 34#मत्त 3:7; 23:33; लूक 3:7; मत्त 15:18; लूक 6:45हे सपोलो! जद थेई बुरा हो जणा थारै मुंडाऊँ चोखी बाता कंय्यां बोलस्यो? क्युं क जखो मांयनै होसी बोई बारनै आसी। 35चोखो मिनख आपका चितऊँ चोखी बात काडै अर बुरो बुरीई चितै। 36पण न्यायहाळै दिन सगळा मिनखानै आपकी खेईड़ी बुरी बाता को लेखो देणो पड़सी। 37क्युं क तेरी खेईड़ी बाता की बजेऊँई तनै दोसी नहिस निरदोस साबित कर्यो ज्यासी।”
ईसुऊँ ईस्बर नगरी की सेलाणी की माँग
(मरकुस 8:11,12; लूका 11:29–32)
38 #
मत्त 16:1; मर 8:11; लूक 11:16 सास्तरानै सीखाबाळा अर फरिसी ईसु कनै आया अर बे ईसुऊँ बोल्या, “ओ गरूजी थे म्हानै कोई ईस्बर नगरी की सेलाणी दिखाओ।” 39#मत्त 16:4; मर 8:12पण ईसु बाऊँ बोल्यो, “इ जुग की बुरी अर कुकरमी#12:39 अठै कुकरमी बा मिनखानै दिखावै जखा परमेसर बई बिस्वास जोगा कोनी हीं। पिडी ईस्बर नगरी की सेलाणी माँगै ह। पण म थानै खेऊँ हूँ योना परमेसर की खेबाळा की बातानै छोडर कोई सेलाणी आ लोगानै कोनी दिखाई ज्यासी 40जंय्यां योना तीन दिना ताँई मछी क पेट म रिह्यो हो बंय्यांई मिनख को बेटो बी तीन दिना ताँई धरती तळै रेह्सी। 41जद न्याय होसी बि दिन निनवे नगरी का मिनख इ जुग का मिनखा क सागै खड़्या होसी अर आपै दोस लगासी क्युं क निनवे का मिनख योना को परचार सुणर पापऊँ तौबा कर लिआ हा। पण अठै जखो ह बो योनाऊँ बी बडो ह। 42सिबा की राणी न्यायहाळै दिन इ पिडी प दोस मंढसी क्युं क बा धरती का इ कूणाऊँ बि कूणा म सुलेमान कनै ज्ञान लेबा गई ही पण अठै जखो ह बो सुलेमानऊँ बी बोळो बडो ह।
ओपरी बलाय को पाछो आबो
(लूका 11:24–26)
43“जद कोई सूगली ओपरी बलाय मिनख मऊँ निकळै ह। जणा बा अराम ढुंढती उजाड़ म डोलै अर जद बिनै बठैबी अराम कोनी मिलै। 44जणा बा खेवै ह म मेरा पुराणीया घर म जिमैऊँ म आई हूँ पाछी चली जास्युं। अर बा पाछी आवै जणा बो बिनै भार्यो-झाड़्यो अर जच्यो-जचायो लाधै। 45जणा बा जार खुदऊँ बी सात बुरी ओपरी बलायानै आपकै सागै कर बिकै मांयनै बड़ जावै। अर बि आदमी की दसा पेलड़ीऊँ घणी बुरी होज्यावै। इ जुग का मिनखा की दसा बी अंय्यांई होसी।”
ईसु की माँ अर भाई
(मरकुस 3:31–35; लूका 8:19–21)
46जद ईसु भीड़ऊँ बतळार्यो हो जणा बठै बाकी माँ अर भाईड़ा आर बारनै खड़्या होगा। बे ईसुऊँ बातचित करबा ताँई बिनै उडिकबा लाग्या। 47जणा भीड़ मऊँ कोई मिनख ईसुनै बोल्यो, “थारी माँ अर भाईड़ा बारनै खड़्या हीं बे थारूँ बाताचिता करबो चावै ह।” 48ईसु बिकी इ बातनै सुणर बिनै बोल्या, “कूण मेरी माँ ह अर कूण मेरो भाई ह?” 49अर ईसु आपका चेला कानि हात कर बोल्यो, “देखो अ मेरी माँ अर भाईड़ा हीं। 50क्युं क जखा बी मिनख मेरा ईस्बर नगरी परम-पिता की इंछ्या गेल चालै ह बेई मेरा सागे भाई-भाण अर माँ ह।”
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
(c) 2010-2017, New Life Computer Institute. All rights reserved