मरकुस 3
3
टुंडा मिनखनै निरोगो करबो
(मत्ती 12:9–14; लूका 6:6–11)
1ईसु ओज्यु यहूदिआ का अरदास करबाळी झघा म गयो बठै एक मिनख हो जखो टुंडो हो। 2क्युंक मिनख ईसु प दोस लगाबा की ताक म बेठ्या हा। बे देखबो चावा हा क ईसु बि मिनखनै अरामहाळा दिन निरोगो करै क कोनी करै। 3ईसु टुंडा मिनखऊँ बोल्यो, “मिनखा क मांय खड़्यो हो।” 4अर ईसु बाऊँ बुजबा लाग्यो, “चोखो काँई ह? अरामहाळा दिन भलो करबो क बुरो करबो? कोईनै बचाबो क मारबो?” पण बाकी बोलती बंद होगी। 5ईसु झाळ्या म भर'र च्यारूमेर देख्यो अर बाका हियानै काठो देखर बो बोळो दुखी होयो। अर ईसु टुंडा मिनखनै बोल्यो, “तेरा हातनै सिदो करले।” अर बो आपका हातनै सिदो कर लिओ। अर बिको हात ओज्यु ठिक होगो। 6इकै पाछै फरिसी बठैऊँ चलेग्या अर हेरोद का गुट का मिनखा क सागै एको कर साजिस घड़ी क, ईसुनै कंय्यांसिक मारां।
घणीसारी भीड़ ईसु क गेल होगी
7ईसु आपका चेला क सागै गलिल दरिआव क कनै गयो अर घणीसारी भीड़ बिकै गेल होगी 8जिमै गलिल, यहूदिआ, यरूसलेम, इदुमिया अर यरदन नदि क परलै नाकै का अर सूर-सैदा क कनै का मिनख हा। अर बे ईसु का कारनामानै जखा बो कर्या करतो हो बानै सुणर बिकै गेल आया हा। 9#मर 4:1; लूक 5:1–3भीड़ बिनै चिथ नइ सकै इ बजेऊँ ईसु आपका चेलानै बोल्यो, “मेरै ताँई एक छोटीसी न्याव को जोगाड़ लगाओ।” 10ईसु बोळासारा मिनखानै निरोगो कर्यो हो इ ताँई घणासारा रोगला बिकै हात अड़ाबानै बिपै पड़र्या हा। 11जखा मिनखा म सूगली ओपरी बलाय होती बे बिनै देखताई बिकै पगा म धोक खाता अर सूगली ओपरी बलाय चिलाटी घालर बोलती, “तू परमेसर को बेटो ह।” 12पण बो बानै जोर देर चेतायो, “थे मनै परगट मना करो।”
ईसु बारा चेला टाळ्यो
(मत्ती 10:1–4; लूका 6:12–16)
13ईसु डूँगरी प चढगो अर बो जिनै चावै हो बानै आपकै कनै बुलायो, अर बे बिकन गया। 14बा मऊँ बो बारानै टाळर बानै आपका भेजेड़ा चेला#3:14 बे मिनख जानै खास काम मसी को चोखो समचार सुणाबा ताँई टाळ्यो गयो अर जानै बि कामनै पूरो करबा ताँई खास हक देर भेज्यो गयो। बणायो। ईसु बानै इ ताँई टाळ्यो क बे बिकै सागै-सागै चालीं। अर बानै बो चोखो समचार सुणाबा ताँई भेज सकै। 15अर बे ओपरी बलायनै भगाबा को हक बी राख सकीं। 16जाका नाम अंय्यां हा, समोन जिको नाम बो पतरस काड्यो 17जब्दि को बेटो याकूब अर याकूब को भाई यहून्ना जिको नाम बो बूनरगीस काड्यो जिको मतबल “गाज को बेटो” होवै ह। 18अंदरिआस, फलिपूस, बरतुल्मै, मत्ती, थोमा, हलफई, हलफई को बेटो याकूब, तद्दे अर देस भगत समोन 19अर यहूदा इस्करोती ओ बोई ह जखो ईसुनै धोकाऊँ पकड़ायो हो।
ईसु सेतान की सक्तिनै कोनी बरतै
(मत्ती 12:22–32; लूका 11:14–23; 12:10)
20जद बो घरा गयो अर बठै ओज्यु घणीसारी भीड़ भेळी होगी इ बजेऊँ ईसु अर बिकाळा चेलानै रोटी खाबा को बी ओसाण कोनी हो। 21जणा ईसु का घरका सुण्या क ईसु बठै आएड़ो ह जणा बे बिनै लेबा ताँई आया। क्युं क लोग ईसु क बारां म खेता हा इको चित ठिकाणै कोनी। 22#मत्त 9:34; 10:25यरूसलेमऊँ आएड़ा धरमसास्तरी खेता हा क, “ईसु क मांयनै भूता को नाथ बालजबुल रळर्यो ह।” क्युं क ईसु बिकी सक्तिऊँ ओपरी बलायनै काडै ह।
23ईसु बानै बुलार मिसाल देर खेबा लाग्यो क, “सेताननै सेतान कंय्यां काड सकै। 24ज कोई राजपाट म फूट पड़ज्या जणा बो राजपाट कंय्यां चाल सकै ह। 25अर घरका क मांयनै फूट पड़ज्या जणा बो घर कंय्यां बस्यो रेह सकै ह। 26ज अंय्यांई सेतान खुद म फूट गेर खुद क सामै खड़्यो होज्या जणा बिको राज कंय्यां बण्यो रेह सकै ह? आ ढंगा तो बो तबा होज्यासी। 27ज कोई तगड़ा मिनख का घरनै लूटबो चावै जणा पेल्या बी तगड़ा मिनखनै बांदणो पड़सी जणा पाछैई बिको घर लूट्यो जा सकै ह। 28म थानै सची-सची खेऊँ हूँ क, मिनखा का सगळा पाप अठै ताँई परमेसर की बुराई करेड़ी बी माफ हो सकै ह 29#लूक 12:10पण जखो पबितर आत्मा की बुराई करै बिको पाप कदैई कोनी माफ कर्यो जा सकै। अर जखो अंय्यां को पाप करै बो जुग-जुग को पापी हो जावै।” 30ईसु आ बात इ ताँई बोल्यो क्युं क बठै खड़्या मिनख बोलर्या हा क इमै सूगली ओपरी बलाय रळरी ह।
ईसु का भाईड़ा अर माँ
(मत्ती 12:46–50; लूका 8:19–21)
31ईसु की माँ अर भाई बठै आया, अर बारनैई खड़्या होर बिनै बुलावो भेज्यो 32ईसु क च्यारूमेर भीड़ ही बे ईसुनै बोल्या, “तेरी माँ, भाणा अर तेरा भाईड़ा तनै बारनै बुलावै ह।” 33ईसु बाऊँ बोल्यो, “मेरी माँ अर भाई कूण ह?” 34ईसु आपकै च्यारूमेर बेठ्या मिनखानै देखर बोल्यो, “देखो अ मेरी माँ अर मेरा भाई हीं। 35जखो परमेसर क कह्या गेल चालै बोई मेरो सागे भाई-भाण अर माँ ह।”
Sélection en cours:
मरकुस 3: एस डब्लु वी
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
(c) 2010-2017, New Life Computer Institute. All rights reserved
मरकुस 3
3
टुंडा मिनखनै निरोगो करबो
(मत्ती 12:9–14; लूका 6:6–11)
1ईसु ओज्यु यहूदिआ का अरदास करबाळी झघा म गयो बठै एक मिनख हो जखो टुंडो हो। 2क्युंक मिनख ईसु प दोस लगाबा की ताक म बेठ्या हा। बे देखबो चावा हा क ईसु बि मिनखनै अरामहाळा दिन निरोगो करै क कोनी करै। 3ईसु टुंडा मिनखऊँ बोल्यो, “मिनखा क मांय खड़्यो हो।” 4अर ईसु बाऊँ बुजबा लाग्यो, “चोखो काँई ह? अरामहाळा दिन भलो करबो क बुरो करबो? कोईनै बचाबो क मारबो?” पण बाकी बोलती बंद होगी। 5ईसु झाळ्या म भर'र च्यारूमेर देख्यो अर बाका हियानै काठो देखर बो बोळो दुखी होयो। अर ईसु टुंडा मिनखनै बोल्यो, “तेरा हातनै सिदो करले।” अर बो आपका हातनै सिदो कर लिओ। अर बिको हात ओज्यु ठिक होगो। 6इकै पाछै फरिसी बठैऊँ चलेग्या अर हेरोद का गुट का मिनखा क सागै एको कर साजिस घड़ी क, ईसुनै कंय्यांसिक मारां।
घणीसारी भीड़ ईसु क गेल होगी
7ईसु आपका चेला क सागै गलिल दरिआव क कनै गयो अर घणीसारी भीड़ बिकै गेल होगी 8जिमै गलिल, यहूदिआ, यरूसलेम, इदुमिया अर यरदन नदि क परलै नाकै का अर सूर-सैदा क कनै का मिनख हा। अर बे ईसु का कारनामानै जखा बो कर्या करतो हो बानै सुणर बिकै गेल आया हा। 9#मर 4:1; लूक 5:1–3भीड़ बिनै चिथ नइ सकै इ बजेऊँ ईसु आपका चेलानै बोल्यो, “मेरै ताँई एक छोटीसी न्याव को जोगाड़ लगाओ।” 10ईसु बोळासारा मिनखानै निरोगो कर्यो हो इ ताँई घणासारा रोगला बिकै हात अड़ाबानै बिपै पड़र्या हा। 11जखा मिनखा म सूगली ओपरी बलाय होती बे बिनै देखताई बिकै पगा म धोक खाता अर सूगली ओपरी बलाय चिलाटी घालर बोलती, “तू परमेसर को बेटो ह।” 12पण बो बानै जोर देर चेतायो, “थे मनै परगट मना करो।”
ईसु बारा चेला टाळ्यो
(मत्ती 10:1–4; लूका 6:12–16)
13ईसु डूँगरी प चढगो अर बो जिनै चावै हो बानै आपकै कनै बुलायो, अर बे बिकन गया। 14बा मऊँ बो बारानै टाळर बानै आपका भेजेड़ा चेला#3:14 बे मिनख जानै खास काम मसी को चोखो समचार सुणाबा ताँई टाळ्यो गयो अर जानै बि कामनै पूरो करबा ताँई खास हक देर भेज्यो गयो। बणायो। ईसु बानै इ ताँई टाळ्यो क बे बिकै सागै-सागै चालीं। अर बानै बो चोखो समचार सुणाबा ताँई भेज सकै। 15अर बे ओपरी बलायनै भगाबा को हक बी राख सकीं। 16जाका नाम अंय्यां हा, समोन जिको नाम बो पतरस काड्यो 17जब्दि को बेटो याकूब अर याकूब को भाई यहून्ना जिको नाम बो बूनरगीस काड्यो जिको मतबल “गाज को बेटो” होवै ह। 18अंदरिआस, फलिपूस, बरतुल्मै, मत्ती, थोमा, हलफई, हलफई को बेटो याकूब, तद्दे अर देस भगत समोन 19अर यहूदा इस्करोती ओ बोई ह जखो ईसुनै धोकाऊँ पकड़ायो हो।
ईसु सेतान की सक्तिनै कोनी बरतै
(मत्ती 12:22–32; लूका 11:14–23; 12:10)
20जद बो घरा गयो अर बठै ओज्यु घणीसारी भीड़ भेळी होगी इ बजेऊँ ईसु अर बिकाळा चेलानै रोटी खाबा को बी ओसाण कोनी हो। 21जणा ईसु का घरका सुण्या क ईसु बठै आएड़ो ह जणा बे बिनै लेबा ताँई आया। क्युं क लोग ईसु क बारां म खेता हा इको चित ठिकाणै कोनी। 22#मत्त 9:34; 10:25यरूसलेमऊँ आएड़ा धरमसास्तरी खेता हा क, “ईसु क मांयनै भूता को नाथ बालजबुल रळर्यो ह।” क्युं क ईसु बिकी सक्तिऊँ ओपरी बलायनै काडै ह।
23ईसु बानै बुलार मिसाल देर खेबा लाग्यो क, “सेताननै सेतान कंय्यां काड सकै। 24ज कोई राजपाट म फूट पड़ज्या जणा बो राजपाट कंय्यां चाल सकै ह। 25अर घरका क मांयनै फूट पड़ज्या जणा बो घर कंय्यां बस्यो रेह सकै ह। 26ज अंय्यांई सेतान खुद म फूट गेर खुद क सामै खड़्यो होज्या जणा बिको राज कंय्यां बण्यो रेह सकै ह? आ ढंगा तो बो तबा होज्यासी। 27ज कोई तगड़ा मिनख का घरनै लूटबो चावै जणा पेल्या बी तगड़ा मिनखनै बांदणो पड़सी जणा पाछैई बिको घर लूट्यो जा सकै ह। 28म थानै सची-सची खेऊँ हूँ क, मिनखा का सगळा पाप अठै ताँई परमेसर की बुराई करेड़ी बी माफ हो सकै ह 29#लूक 12:10पण जखो पबितर आत्मा की बुराई करै बिको पाप कदैई कोनी माफ कर्यो जा सकै। अर जखो अंय्यां को पाप करै बो जुग-जुग को पापी हो जावै।” 30ईसु आ बात इ ताँई बोल्यो क्युं क बठै खड़्या मिनख बोलर्या हा क इमै सूगली ओपरी बलाय रळरी ह।
ईसु का भाईड़ा अर माँ
(मत्ती 12:46–50; लूका 8:19–21)
31ईसु की माँ अर भाई बठै आया, अर बारनैई खड़्या होर बिनै बुलावो भेज्यो 32ईसु क च्यारूमेर भीड़ ही बे ईसुनै बोल्या, “तेरी माँ, भाणा अर तेरा भाईड़ा तनै बारनै बुलावै ह।” 33ईसु बाऊँ बोल्यो, “मेरी माँ अर भाई कूण ह?” 34ईसु आपकै च्यारूमेर बेठ्या मिनखानै देखर बोल्यो, “देखो अ मेरी माँ अर मेरा भाई हीं। 35जखो परमेसर क कह्या गेल चालै बोई मेरो सागे भाई-भाण अर माँ ह।”
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
(c) 2010-2017, New Life Computer Institute. All rights reserved