Génesis 5
5
Adan ñemoñare
1Ko kuatiañe’ẽ omombe’u Adan ñemoñare rerakuéra. Upe ára Ñanderuete ojapo ypy ramoguare Adan ha Évape, ijoguaha ramo.
2Kuimba’e ha kuña ojapo ypyva’ekue, Ha’e ohovasa ichupekuéra, ha ombohéra ichupekuéra oñemoingoha ára guive: Yvyguiguaréva.
3Adan oikove 130 áño ha ita’ýra peteĩ ijoguaha, ha’ãngaichaite ha’e ha ombohéra ichupe Set.
4Adan oikove 800 áño, Set onace rire; ha ha’e hetave ita’ýra ha itajýra.
5Adan oikove rire 930 áño, omano.
6Set oikove 105 áño, onace ramoguare ita’ýra Enos.
7Ha Set oikove, Enos onace rire, 807 áño, ha hetave ita’ýra ha itajýra.
8Ha Set oikove rire 912 áño, omano.
9Enos oikóvo 90 áño, onace ita’ýra Cainan.
10Ha Enos oikove, Cainan onace rire, 815 áño, ha hetave ita’ýra ha itajýra.
11Ha Enos oikove rire 905 áño, omano.
12Ha Cainan oikóvo 70 áño, onace ita’ýra Mahalalel.
13Ha Cainan oikove, Mahalalel onace rire, 840 áño, ha hetave ita’ýra ha itajýra.
14Ha Cainan oikove rire 910 áño, omano.
15Ha Mahalalel oikóma 65 áño, onace ramoguare ita’ýra Jared.
16Ha Mahalalel oikove, Jared onace rire, 830 áño, ha hetave ita’ýra ha itajýra.
17Ha Mahalalel oikove rire 895 áño, omano.
18Jared oikóvo 162 áño, onace ita’ýra Enoc.
19Ha Jared oikove, Enoc onace rire, 800 áño, ha hetave ita’ýra ha itajýra.
20Ha Jared oikove rire 962 áño, omano.
21Ha Enoc oikóvo 65 áño, onace ita’ýra Matusalen.
22Ha Enoc oguata Ñanderuete ndive, ha Matusalen onace rire, ha’e oikove 300 áño, ha hetave ita’ýra ha itajýra.
23Ha Enoc oikove 365 áño.
24Ha Enoc oguatágui Ñanderuete ndive, Ha’e ogueraha ichupe (yvágape), upévare ndojejohuvéi ichupe.
25Matusalen oikóvo 187 áño, onace ita’ýra Lamec.
26Ha Matusalen oikove, Lamec onace rire, 782 áño, ha hetave ita’ýra ha itajýra.
27Ha Matusalen oikove rire 969 áño, omano.
28Lamec oikóvo 182 áño, onace ita’ýra,
29ha ombohéra ichupe Noe, he’ívo: Kóva ombovevuivéta ñandéve ñande jepy’apy ha ñande po rembiapo, péicha ojehu Ñanderuete omaldeci haguére ko yvy.
30Ha Lamec oikove, Noe onace rire, 595 áño, ha hetave ita’ýra ha itajýra.
31Ha Lamec oikove rire 777 áño, omano.
32Ha Noe oguerekóvo 500 áño onace ita’yrakuéra, Sem, Cam ha Jafet.
Sélection en cours:
Génesis 5: ÑÑP2015
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.