1 Musa 36
36
Esawu koomalankoolu
(1 Taarika 1:35-37)
1Ñiŋ ne mu Esawu, ì ka meŋ fanaa kumandi Edomu la, koomalankoolu saataroo ti, 2Esawu meŋ ye Kanaaninka musoolu futuu: Ada, Eloni Hitinkoo dimmusoo, Oholibama, Ana dimmusoo, Siboni Hiwinkoo mamariŋo, 3aniŋ Basemati, Isimayila dimmusoo, Nebayoti baarimmusoo.
4Ada ye Elifasi wuluu Esawu la, Basemati ye Reweli wuluu a la, 5bituŋ Oholibama ye Yewusi, Yalamu aniŋ Kora wuluu a la. Ñinnu le mu Esawu dinkewolu ti, a ye mennu wuluu Kanaani bankoo kaŋ.
6Bituŋ Esawu ye a la musoolu taa, a dinkewolu, a dimmusoolu, aniŋ a la dimbaayaa moo koteŋolu, a la beeyaŋolu bee, aniŋ a ye feŋolu mennu bee soto Kanaani bankoo kaŋ. A taata bankoo doo kaŋ ka jamfa a doomaa Yaakuba la, 7kaatu ì la sotofeŋolu siyaabaata le ka tara ñoo kaŋ. Ì be sabatiriŋ bankoo meŋ kaŋ nuŋ, ì maŋ kuŋ noo jee, ì la beeyaŋolu la kuwo kamma la. 8Bituŋ Esawu, meŋ mu Edomu ti, taata sabati Seyiri konkotundoo* kaŋ.
9Ñiŋ ne mu Esawu koomalankoolu saataroo ti, Edomunkoolu bonsuŋo, mennu bee be Seyiri konkotundoo kaŋ.
10Ñinnu le mu Esawu dinkewolu toolu ti: Elifasi, a ye wo soto a la musoo Ada le la, Reweli, a ye wo soto a la musoo Basemati la.
11Elifasi dinkewolu, wolu le mu Temani ti, Omari, Sefo, Katamu, aniŋ Kenasi. 12Timuna mu Esawu dinkewo Elifasi la kaŋ foroyandi musoo* le ti. A ye Amaleki le wuluu a la. Ñinnu le mu Esawu la musoo Ada mamariŋolu ti.
13Reweli dinkewolu, wolu le mu Nahati ti, Sera, Samma, aniŋ Misa. Ñinnu le mu Esawu la musoo Basemati mamariŋolu ti.
14Ñinnu le mu Esawu la musoo Oholibama, Ana dimmusoo Sibeyoni mamariŋo, dinkewolu ti, a ye mennu wuluu Esawu la: Yewusi, Yalamu, aniŋ Kora.
Esawu lasiloolu
15Ñinnu le mu lasiloolu ti, mennu bota Esawu bala. Esawu dinkee keebaa Elifasi, wo le mu ñiŋ lasiloolu bonsuŋo ti: Temani, Omari, Sefo, aniŋ Kenasi, 16Kora, Katamu, aniŋ Amaleki. Ñinnu bee mu Esawu la musoo Ada mamariŋolu le ti. 17Esawu dinkewo Reweli, ate le mu ñiŋ lasiloolu Nahati, Sera, Samma, aniŋ Misa bonsuŋo ti. Ñinnu bee mu Esawu la musoo Basemati mamariŋolu le ti. 18Ñiŋ lasiloolu Yewusi, Yalamu, aniŋ Kora, wolu bee bota Esawu la musoo Oholibama, Ana dimmusoo le bala. 19Ñiŋ lasiloolu bee, ì niŋ ì la kuntiyolu, ì bee mu Esawu koomalankoolu le ti. Itolu le naata ke Edomunkoolu ti.
Seyiri koomalankoolu
(1 Taarika 1:38-42)
20-21Edomu bankoo siilaa foloolu mu Seyiri Horinkoo koomalankoolu le ti. A dinkewolu wolu le mu Lotani ti, Sobali, Sibeyoni, Ana, Disoni, Eseri, aniŋ Disani. Hori lasiloolu bota itolu le bala.
22Lotani dinkewolu wolu le mu Hori ti, aniŋ Homamu. Lotani baarimmusoo mu Timuna le ti. 23Ñinnu le mu Sobali dinkewolu ti: Aliwani, Manahati, Ebali, Sefo, aniŋ Onamu. 24Ñinnu le mu Sibeyoni dinkewolu ti: Aya aniŋ Ana. Ana, ate le ye woyoolu je wuloo kono, kabiriŋ a be a faamaa Sibeyoni la faloolu kanta kaŋ. 25Ana dinkewo mu Disoni le ti, a dimmusoo mu Oholibama le ti. 26Ñinnu le mu Disoni dinkewolu ti: Hemudani, Esibani, Iterani, aniŋ Kerani. 27Ñinnu le mu Eseri dinkewolu ti: Bilihani, Saawani, aniŋ Akani. 28Ñinnu le mu Disani dinkewolu ti: Usi aniŋ Arani.
29-30Ñinnu le mu Hori lasiloolu ti: Lotani, Sobali, Sibeyoni, Ana, Disoni, Eseri, aniŋ Disani ka bo lasili ka taa lasili, Seyiri bankoo kaŋ.
Edomu nunto mansoolu
(1 Taarika 1:43-54)
31Janniŋ mansakee ka soto Banisirayila kono, ñiŋ mansoolu le tarata nuŋ maraloo la Edomu:
32Bela, Bewori dinkewo, a ye maraloo ke Edomu le, a la saatewo too mu Dinaba le ti. 33Bela faata, Yobabu, Sera Bosirankoo dinkewo seyita a noo to. 34Yobabu faata, Husamu meŋ bota Temaninkoolu la bankoo kaŋ, seyita a noo to. 35Husamu faata, Hadadi, Bedadi dinkewo, meŋ ye Midiyaninkoolu noo keloo la Mowabi bankoo kaŋ, seyita a noo to. A la saatewo too mu Awiti le ti. 36Hadadi faata, Samula meŋ tarata Masireka, seyita a noo to. 37Samula faata, Sawuli meŋ tarata Rehoboti, Yufurati Boloŋo daala, seyita a noo to. 38Sawuli faata, Baali-Hanani, Akibori dinkewo seyita a noo to. 39Baali-Hanani, Akibori dinkewo, faata, Hadari seyita a noo to. A la saatewo too mu Pawu le ti. A la musoo too mu Mehetabeli le ti, Matiredi dimmusoo, Mesahabu mamariŋo.
Edomunkoolu la lasiloo saataroo
40Ñinnu le mu Esawu lasiloo maralilaalu toolu ti, ka bo ì la dimbaayaa keñaa la, aniŋ ì tarata siiriŋ dulaalu mennu to: Timuna, Aliwa, Yeteti, 41Oholibama, Ela, Pinoni, 42Kenasi, Temani, Mibusari, 43Makidiyeli, aniŋ Iramu. Ñinnu le mu Edomu lasiloolu toolu ti, ko ì be siiriŋ dulaalu to ñaameŋ. Ñiŋ ne mu Esawu la kuwo ti, Edomunkoolu bonsuŋo.
Sélection en cours:
1 Musa 36: MNKBI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Mandinka Bible © Bible Society in The Gambia, 2011.