Luke 14
14
Sesu abeeluse mubeetsi mu wisi wukaloogi Basifu
1Mu wisi wumoosi wukaloogi Basifu, Sesu anyingene gu ndagu yi yivuunde gimoosi gi bafwarisi muyi. Batu bababile vane babeminenge yandi ne nzuu. 2Vane ne vane mutu wubile ne wubeele wurandisenge manyuru ateleme ve wusu Sesu. 3Kere vane Sesu atombe basupulitsi ba migage ne bafwarisi re: «Mugage wetu wukasiingisi vo wukakari wubeeluse mutu mu wisi wukaloogi basifwa?» 4Te yawu baseroonde wuyagule. Sesu agaangile mubeetsi, abeeluse yandi ne arume yandi mu wugabugu. 5Ve yulu vane Sesu ayambile yawu re: «Ve ganegarenu mutu ga abile ne mwaane wumoosi wu dibagele wurelage gu dibile di maambe vore yiboodu, asakeyende mbaangu mbaangu mu puse yandi mu wisi wukaloogi basifwa?» 6Te baserungule wuyagule.
Wusoole yikudu gi masukise
7Sesu alabe re batu ga bamatsitsu mu mayayi ma moonge bakaroondi wusoole ke bikudu bi marege bi digobe mu tsagele; kere vane Sesu atwile yawu noongu re: 8«Mutu ga atsitse yu muyi mu diyayi di dyoonge, yiyabile ne yifu gi wusoole yikudu gi mareege gi digobe gane ve ganegarenu guyi mutu wuvyogilile yu digobe. 9Ga yivage nane, wutsetsitse yenu bootsu babeyi agurungule yambile yu re: “Sile wuwu yitsige.” Ne vane yiguteleme ne tsonyi muyende tsagele gu yikudu gi masukise. 10Te veketsitswa yu, bweedi mu yetsagele gu yikudu gi masukise mure vekeruge wutsetsitse yu akeyambile yu re: “Wayi make gu wusu mutsagele ve yikudu gi digobe.” Ne vane, batu bootsu babave take nagu bagugobise yu. 11Re dibaandu, wotsu wukemakise manyuru mandi agugulumusu ne wotsu wukegulumuge, agumakusu.»
12Ve yulu vane, Sesu ayambile ne mutu wutsitse yandi gu yi re: «Vekelaambe yu yilaambu giginene ve ganegare wisi vo ne tsisige, yiyatsitse bambaatsi bagu, yiyatsitse baane bangwagu, yiyatsitse bakiinde bagu, yiyatsitse nisi bikiti bidukelene nagu. Ga yivage nane ne yawu mbe bagugabusile yu munoongu wumoosi. 13Te vekelaambe yu yilaambu giginene, tsitse nde masaandi ne bikate ne bange wutekugu ne bange pafu. 14Ne ga yivage nane, yigubile ne yinyunge mumbare yawu basakerungule wugabusile yu munoongu wumoosi. Te Nzambi aguseende yu wisi wukerambugu babagobisenge yandi.»
Noongu yi yilaambu giginene
15Ve mane yulu babatsitsu maambu mene, mutu wumoosi ve ganegare bababile ve take ayambile Sesu re: «Wunyi gu wotsu wukeyi yilaambu gikeveegu gu Bufumu bu Nzambi.» 16Sesu ayagule yandi re: «Mutu wumoosi alaambe yilaambu giginene ne atsitse mbili batu. 17Ve dikyesi di wuyi asindige musalitsi wandi muyambile beenyi baandi re: “Yitsanu guyi yilaambu gimavi.” 18Te bootsu babuse, mutu mutu aveege wandi mukalu. Ve ganegare babatsitsu, wu mareege ayambile musalitsi re: “Matsesuumbe nuungi, bweedi mareyelabe yo, siingile me kokolu.” 19Wu mubeyi ayambile re: “Matsesuumbe digumi di biboodu mu wudyaanze gu nuungyami, bweedi marenene yeyelige byo, siingile me kokolu.#14.19 Mu dikyesi dyene, Basifu babilenge ne bibodu bidutenge myange mu wufundule mutambe mu wudyaanze gu banungi bawu.” 20Wu mureru ayambile re: “Makike ne muyoonge, masakerungule mwiitsu, siingile me kokolu.” 21Musalitsi agabugu ne anyigule mikalu myootsu gu fumwandi. Kere vane fumu ndagu alabe kabu ne ayambile musalitsi re: “Yende mbaangu gu dikase ne mu mimbambe myootsu mi divule, yirugi gunu ne masaandi ne bikate ne bange pafu ne bange wutekugu.” 22Ve vyoge dikyesi pesu, musalitsi agabugu nuyambile re: “Muloonzi, matsemanevage diyitserume me, te gukike bitsige bigane batu.” 23Ne muloonzi ayambile gu musalitsi re: “Yende mu banzile ne mu bebele ne banuungi. Bootsu babakebeengunu nagu kungise yawu gunu mure ndagwami yikebase. 24Re dibaandu mayambile yenu re gusaandi mutu nisi wumoosi gu bootsu babatsitsu ne digobe wukeyi yilaambu gyami.”»
Wusiise mootsu mulaande Sesu
25Wisi wumosi, yinoombu giginene gi batu gilaandenge Sesu ne yandi agyelugu nuyambile yawu re: 26«Wotsu wuroonde laande me, aroondi me vyogilile tayandi ne ngwandi, mugatsyandi, baane baandi, baane bangwandi ba babagele ne ba bagyetu, nisi monyu wandi wotsu. Gasabile nane, asakerungule bile muyikitsi wami. 27Wotsu wuroonde bile muyikitsi wami bweedi apapingi kuruswandi.#14.27 Range 9.23. 28Mutu nde nyi ve ganegarenu ga aroonde wuruunge ndagu yiyinene, asakenene tsagele muyabe difunu di badole ba wumane ndagwena? 29Te ga abaande wuruunge ndagu gugamanisile, bootsu babakelabenge yandi, baguseve yandi ne wuyambilenge re: 30“Labanu dibagele didi atsebaande wuruunge ndagu ke bweedi, te atseleembu wumanisile.” 31Munoongu wumoosi ga maate ma tseengi moosi, aroonde wulwane ne maate ma tseengi yimosi, akanene tsagele mulabe ga arungule wulwane ne digumi di tosini di migole ne maate ma tseengi yimosi wune magumi mabeyi ma tosini tsi migole. 32Gasabile nane agusiindige bakime baandi mu yeleembe yine maate ga akike guvale muyulusunu mubile ne polu.» 33Kere vane Sesu abekoonde re: «Mutu ve ganegarenu ga asasiise byandi byootsu, aserungule wubile muyikitsi wami.
34Kyebu nde yivaave giginyi. Te kyebu ga yisage mugaangu, bagugabuse mugaangu wene nde ne gi? 35Kyebwene yisage ne tsoongu nisi muputesene ne mutambe mubeendise bivaru nisi gu dibuumbu; te yo yikaveru gu kane. Wootsu wune maru muyulu, anyigugulu.»
Sélection en cours:
Luke 14: SNQ
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luke 14
14
Sesu abeeluse mubeetsi mu wisi wukaloogi Basifu
1Mu wisi wumoosi wukaloogi Basifu, Sesu anyingene gu ndagu yi yivuunde gimoosi gi bafwarisi muyi. Batu bababile vane babeminenge yandi ne nzuu. 2Vane ne vane mutu wubile ne wubeele wurandisenge manyuru ateleme ve wusu Sesu. 3Kere vane Sesu atombe basupulitsi ba migage ne bafwarisi re: «Mugage wetu wukasiingisi vo wukakari wubeeluse mutu mu wisi wukaloogi basifwa?» 4Te yawu baseroonde wuyagule. Sesu agaangile mubeetsi, abeeluse yandi ne arume yandi mu wugabugu. 5Ve yulu vane Sesu ayambile yawu re: «Ve ganegarenu mutu ga abile ne mwaane wumoosi wu dibagele wurelage gu dibile di maambe vore yiboodu, asakeyende mbaangu mbaangu mu puse yandi mu wisi wukaloogi basifwa?» 6Te baserungule wuyagule.
Wusoole yikudu gi masukise
7Sesu alabe re batu ga bamatsitsu mu mayayi ma moonge bakaroondi wusoole ke bikudu bi marege bi digobe mu tsagele; kere vane Sesu atwile yawu noongu re: 8«Mutu ga atsitse yu muyi mu diyayi di dyoonge, yiyabile ne yifu gi wusoole yikudu gi mareege gi digobe gane ve ganegarenu guyi mutu wuvyogilile yu digobe. 9Ga yivage nane, wutsetsitse yenu bootsu babeyi agurungule yambile yu re: “Sile wuwu yitsige.” Ne vane yiguteleme ne tsonyi muyende tsagele gu yikudu gi masukise. 10Te veketsitswa yu, bweedi mu yetsagele gu yikudu gi masukise mure vekeruge wutsetsitse yu akeyambile yu re: “Wayi make gu wusu mutsagele ve yikudu gi digobe.” Ne vane, batu bootsu babave take nagu bagugobise yu. 11Re dibaandu, wotsu wukemakise manyuru mandi agugulumusu ne wotsu wukegulumuge, agumakusu.»
12Ve yulu vane, Sesu ayambile ne mutu wutsitse yandi gu yi re: «Vekelaambe yu yilaambu giginene ve ganegare wisi vo ne tsisige, yiyatsitse bambaatsi bagu, yiyatsitse baane bangwagu, yiyatsitse bakiinde bagu, yiyatsitse nisi bikiti bidukelene nagu. Ga yivage nane ne yawu mbe bagugabusile yu munoongu wumoosi. 13Te vekelaambe yu yilaambu giginene, tsitse nde masaandi ne bikate ne bange wutekugu ne bange pafu. 14Ne ga yivage nane, yigubile ne yinyunge mumbare yawu basakerungule wugabusile yu munoongu wumoosi. Te Nzambi aguseende yu wisi wukerambugu babagobisenge yandi.»
Noongu yi yilaambu giginene
15Ve mane yulu babatsitsu maambu mene, mutu wumoosi ve ganegare bababile ve take ayambile Sesu re: «Wunyi gu wotsu wukeyi yilaambu gikeveegu gu Bufumu bu Nzambi.» 16Sesu ayagule yandi re: «Mutu wumoosi alaambe yilaambu giginene ne atsitse mbili batu. 17Ve dikyesi di wuyi asindige musalitsi wandi muyambile beenyi baandi re: “Yitsanu guyi yilaambu gimavi.” 18Te bootsu babuse, mutu mutu aveege wandi mukalu. Ve ganegare babatsitsu, wu mareege ayambile musalitsi re: “Matsesuumbe nuungi, bweedi mareyelabe yo, siingile me kokolu.” 19Wu mubeyi ayambile re: “Matsesuumbe digumi di biboodu mu wudyaanze gu nuungyami, bweedi marenene yeyelige byo, siingile me kokolu.#14.19 Mu dikyesi dyene, Basifu babilenge ne bibodu bidutenge myange mu wufundule mutambe mu wudyaanze gu banungi bawu.” 20Wu mureru ayambile re: “Makike ne muyoonge, masakerungule mwiitsu, siingile me kokolu.” 21Musalitsi agabugu ne anyigule mikalu myootsu gu fumwandi. Kere vane fumu ndagu alabe kabu ne ayambile musalitsi re: “Yende mbaangu gu dikase ne mu mimbambe myootsu mi divule, yirugi gunu ne masaandi ne bikate ne bange pafu ne bange wutekugu.” 22Ve vyoge dikyesi pesu, musalitsi agabugu nuyambile re: “Muloonzi, matsemanevage diyitserume me, te gukike bitsige bigane batu.” 23Ne muloonzi ayambile gu musalitsi re: “Yende mu banzile ne mu bebele ne banuungi. Bootsu babakebeengunu nagu kungise yawu gunu mure ndagwami yikebase. 24Re dibaandu mayambile yenu re gusaandi mutu nisi wumoosi gu bootsu babatsitsu ne digobe wukeyi yilaambu gyami.”»
Wusiise mootsu mulaande Sesu
25Wisi wumosi, yinoombu giginene gi batu gilaandenge Sesu ne yandi agyelugu nuyambile yawu re: 26«Wotsu wuroonde laande me, aroondi me vyogilile tayandi ne ngwandi, mugatsyandi, baane baandi, baane bangwandi ba babagele ne ba bagyetu, nisi monyu wandi wotsu. Gasabile nane, asakerungule bile muyikitsi wami. 27Wotsu wuroonde bile muyikitsi wami bweedi apapingi kuruswandi.#14.27 Range 9.23. 28Mutu nde nyi ve ganegarenu ga aroonde wuruunge ndagu yiyinene, asakenene tsagele muyabe difunu di badole ba wumane ndagwena? 29Te ga abaande wuruunge ndagu gugamanisile, bootsu babakelabenge yandi, baguseve yandi ne wuyambilenge re: 30“Labanu dibagele didi atsebaande wuruunge ndagu ke bweedi, te atseleembu wumanisile.” 31Munoongu wumoosi ga maate ma tseengi moosi, aroonde wulwane ne maate ma tseengi yimosi, akanene tsagele mulabe ga arungule wulwane ne digumi di tosini di migole ne maate ma tseengi yimosi wune magumi mabeyi ma tosini tsi migole. 32Gasabile nane agusiindige bakime baandi mu yeleembe yine maate ga akike guvale muyulusunu mubile ne polu.» 33Kere vane Sesu abekoonde re: «Mutu ve ganegarenu ga asasiise byandi byootsu, aserungule wubile muyikitsi wami.
34Kyebu nde yivaave giginyi. Te kyebu ga yisage mugaangu, bagugabuse mugaangu wene nde ne gi? 35Kyebwene yisage ne tsoongu nisi muputesene ne mutambe mubeendise bivaru nisi gu dibuumbu; te yo yikaveru gu kane. Wootsu wune maru muyulu, anyigugulu.»
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES