ÂTHAONA 17
17
Biehrai ngiana chopawtaina
1Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y. 2Chatanachata keima nata nâma likah liata ei biehrai tao aw na ta, maluh thata ei cha papôhsa aw,” tah ta. 3Abarâ cha â khu lâta pao ta, Khazohpa ta a hnohta, 4“Pachâ teh, he he na hnohta ei biehrai cha a châ. Phopi hluhpi paw na châ aw. 5#Rma 4.17Phopi hluhpi paw ta ei cha tao hapa vâta, na moh chhao Abarâ châ khao leipa aw ta, na moh cha Abarahâ#17.5 “Abarahâ” tahpa cha, “Pho hluhpi pathlatuhpa” tahna tlyma, “Chyhsa hluhpi paw” tahna tlyma a châ. tlao a châ ha aw. 6Na chipathla thata papôhsa aw na ta, nâma tawhta phopizy pua aw ei ta, beizy ama pua aw. 7#Lka 1.55Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw. 8#Hmt 7.5Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.
9Khazohpa ta Abarahâ hnohta, “Nâma lâ tawhta cha, ei biehrai he na zyh awpa châ ta, na hnôhlâ ta chhâ a vaw y lymâ awpa na pathlazy chhao ta ama zyh hra awpa a châ. 10#Hmt 7.8; Rma 4.11He he kei nata nâ nata na hnôhlâ ta na pathlazy likah liata ei biehrai châ ta, nama zi awpa nata zyh awpa biehrai a châ: Nama hry liata chapaw maih ama chopaw#17.10 Chopawtaipa cha chapaw chhaichhi pawhmao chopaw vo taipa châ ta, vo ta a khupa y khao lei awpa ta taopa a châ. Cha cha Khazohpa ryhpa nata biepiepazy zyh awpa ta, phopi duata amâ piena pamosana châta taopa a châ. tai khai awpa a châ. 11Nama chopaw vo tai aw ei chi ta, cha cha kei nata nâmo likah liata biehrai ngiana a châ aw. 12Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ. 13Na o liata a pihpa tlyma, na sôh ta na chaleipa tlyma, chopaw tai khai awpa a châ. Chatanachata ei biehrai cha chhâzaw biehrai a châzie nama sapa lia tlai ta ngiapa ta a y aw. 14Chopawtaileipa chapaw, a sapa liata chopawtaipa ta a y leipa cha, ei biehrai a paraopa vâta, a chiheih hry tawhta pahleipadiapa a châ aw,” tah ta.
15Khazohpa ta Abarahâ hnohta, “Na lapinô Sârai cha Sârai tah khao leipa aw chi ta, a moh Sârâ#17.15 “Sârâ” tahpa cha Hebrai reih ta “Beinô” tahna châ ta, “Sârai” tahpa cha Aramaic reih ta “Beinô” tahna a châ hra. a châ ha aw. 16Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.
17Abarahâ cha â khu lâta paopa ta pahneih ta, anosasyh ta, “Kô za khapa chyhsa heta ma saw a hnei aw? Sârâ cha kô sychaki ta ma saw a sa aw?” tah ta. 18Abarahâ ta Khazohpa hnohta, “Ismela he na hmiakô liata tlao y thei sala ei tah kaw dia!” tah ta. 19Khazohpa ta, “Châ bao va, na lapinô Sârâ ta sawchapaw cha sapa aw ta, a moh Aisika#17.19 “Aisika” tahpa cha cha “pahneih” tahna a châ. na bi aw. Ano hnohta ei biehrai pa-i aw na ta, cha cha ano hnôhlâ ta a pathlazy châta chhâzaw biehrai a châ aw. 20Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw. 21Ei biehrai deikua cha, Sârâ ta hâhkô, he daihti liata a cha sapa awpa Aisika hnohta ei pa-i aw,” tah ta. 22A hnohta bie a reipa a patlô nahta, Khazohpa ta Abarahâ cha khysai ha ta.
23Chatanachata Abarahâ ta a sawchapawpa Ismela nata a o liata a pihpa sei zydua nata tâkâ sôh ta a chaleipa zydua, Abarahâ o liata chapaw maih a chhi ta, Khazohpa ta a hnohta a reipa hawhta, cha noh lia tlai ta ama chopaw vo cha taipa khai ta. 24Abarahâ cha a sapa liata chopaw â tai nota kô sychaki nata kô chakipa châ ta, 25a sawchapawpa Ismela cha a sapa liata chopaw ama tai nota kô hrawh hleithôhpa a châ. 26Cha noh lia tlai chata Abarahâ nata a sawchapawpa Ismela cha chopawtaipa ta ama y haw. 27A o liata chapaw maih, a o liata a pihpa nata chihropa tawhta tâkâ sôh ta a chaleipazy chhao ano hnohta chopaw tai khaipa ama châ.
Sélection en cours:
ÂTHAONA 17: MARVBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible Society of India
© 2023, Used by permission. All rights reserved.
ÂTHAONA 17
17
Biehrai ngiana chopawtaina
1Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y. 2Chatanachata keima nata nâma likah liata ei biehrai tao aw na ta, maluh thata ei cha papôhsa aw,” tah ta. 3Abarâ cha â khu lâta pao ta, Khazohpa ta a hnohta, 4“Pachâ teh, he he na hnohta ei biehrai cha a châ. Phopi hluhpi paw na châ aw. 5#Rma 4.17Phopi hluhpi paw ta ei cha tao hapa vâta, na moh chhao Abarâ châ khao leipa aw ta, na moh cha Abarahâ#17.5 “Abarahâ” tahpa cha, “Pho hluhpi pathlatuhpa” tahna tlyma, “Chyhsa hluhpi paw” tahna tlyma a châ. tlao a châ ha aw. 6Na chipathla thata papôhsa aw na ta, nâma tawhta phopizy pua aw ei ta, beizy ama pua aw. 7#Lka 1.55Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw. 8#Hmt 7.5Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.
9Khazohpa ta Abarahâ hnohta, “Nâma lâ tawhta cha, ei biehrai he na zyh awpa châ ta, na hnôhlâ ta chhâ a vaw y lymâ awpa na pathlazy chhao ta ama zyh hra awpa a châ. 10#Hmt 7.8; Rma 4.11He he kei nata nâ nata na hnôhlâ ta na pathlazy likah liata ei biehrai châ ta, nama zi awpa nata zyh awpa biehrai a châ: Nama hry liata chapaw maih ama chopaw#17.10 Chopawtaipa cha chapaw chhaichhi pawhmao chopaw vo taipa châ ta, vo ta a khupa y khao lei awpa ta taopa a châ. Cha cha Khazohpa ryhpa nata biepiepazy zyh awpa ta, phopi duata amâ piena pamosana châta taopa a châ. tai khai awpa a châ. 11Nama chopaw vo tai aw ei chi ta, cha cha kei nata nâmo likah liata biehrai ngiana a châ aw. 12Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ. 13Na o liata a pihpa tlyma, na sôh ta na chaleipa tlyma, chopaw tai khai awpa a châ. Chatanachata ei biehrai cha chhâzaw biehrai a châzie nama sapa lia tlai ta ngiapa ta a y aw. 14Chopawtaileipa chapaw, a sapa liata chopawtaipa ta a y leipa cha, ei biehrai a paraopa vâta, a chiheih hry tawhta pahleipadiapa a châ aw,” tah ta.
15Khazohpa ta Abarahâ hnohta, “Na lapinô Sârai cha Sârai tah khao leipa aw chi ta, a moh Sârâ#17.15 “Sârâ” tahpa cha Hebrai reih ta “Beinô” tahna châ ta, “Sârai” tahpa cha Aramaic reih ta “Beinô” tahna a châ hra. a châ ha aw. 16Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.
17Abarahâ cha â khu lâta paopa ta pahneih ta, anosasyh ta, “Kô za khapa chyhsa heta ma saw a hnei aw? Sârâ cha kô sychaki ta ma saw a sa aw?” tah ta. 18Abarahâ ta Khazohpa hnohta, “Ismela he na hmiakô liata tlao y thei sala ei tah kaw dia!” tah ta. 19Khazohpa ta, “Châ bao va, na lapinô Sârâ ta sawchapaw cha sapa aw ta, a moh Aisika#17.19 “Aisika” tahpa cha cha “pahneih” tahna a châ. na bi aw. Ano hnohta ei biehrai pa-i aw na ta, cha cha ano hnôhlâ ta a pathlazy châta chhâzaw biehrai a châ aw. 20Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw. 21Ei biehrai deikua cha, Sârâ ta hâhkô, he daihti liata a cha sapa awpa Aisika hnohta ei pa-i aw,” tah ta. 22A hnohta bie a reipa a patlô nahta, Khazohpa ta Abarahâ cha khysai ha ta.
23Chatanachata Abarahâ ta a sawchapawpa Ismela nata a o liata a pihpa sei zydua nata tâkâ sôh ta a chaleipa zydua, Abarahâ o liata chapaw maih a chhi ta, Khazohpa ta a hnohta a reipa hawhta, cha noh lia tlai ta ama chopaw vo cha taipa khai ta. 24Abarahâ cha a sapa liata chopaw â tai nota kô sychaki nata kô chakipa châ ta, 25a sawchapawpa Ismela cha a sapa liata chopaw ama tai nota kô hrawh hleithôhpa a châ. 26Cha noh lia tlai chata Abarahâ nata a sawchapawpa Ismela cha chopawtaipa ta ama y haw. 27A o liata chapaw maih, a o liata a pihpa nata chihropa tawhta tâkâ sôh ta a chaleipazy chhao ano hnohta chopaw tai khaipa ama châ.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible Society of India
© 2023, Used by permission. All rights reserved.