Maatiyos 3
3
Yaythimmiqhe Yohannis arax yasqirribe
(Markos 1:1-8; Luukas 3:1-18; Yohannis 1:19-28)
1Amaa waqhtedde Yaythimmiqhe Yohannis yemeeteh, Yahuudiyaati zibolle warroyshak: 2“Carshi nigsinna kab-terhxeh tanemhi sabbatah otooba”, yerhxe.
3“Zeeratiih dhaw zibolle yamabbe:
‘Maddarah arax akah isqirriba, kaa arax rig-ishanta’”#Isayas 40:3
arhxuk nabii Isayas adde waanishak yinem lel tatiya kinni.
4Yohannis isheh lel gaalatti dagarko aben sareena kee qarbat ragad hashshiitak yine. Kaa macaasha lel cawayne kee zibi baska kuuk tine. 5Yerusaalem kee umbuka Yahuudiyaati baarho kee Yordaanos wakali kayyalle yemeetin. 6Sinni zambeh yeelemiinih lel Yordaanos nahaaradde kayyah anthimmiqhuk yinin.
7Mango Faarisiin kee Tsadduuqhiim kaa anthammaqhalle amiituk yuble gedda: “Ko datali zarawo! Amiituk tane kuraako kuddoona mii sin asuuse? 8Amaydo, toobah missil fire lem aba. 9Sinnedde lel ‘Abraahim abbah lino’ tarhxoona maaxasabina. Yalli Abraahimih ta dhayitko cindham akah abo dhiicam sinah warisha. 10Kado yakkeedo faas xorhti rimidille yinqirribeh yane. Amaydo, mece daro baahinnexe xarha tiggiriceh giradde gaxta.
11Anu toobah layeh sin aythimmiqhe, laakin yi sarralle amiituk yaneti, yottaako ziyaada xayla leya. Anu lel kaa kabelhi muqhucuh meeda. Usuk lel Quddus kin Ufaye kee girah sin yaythammaqho kinni. 12Kaa mase kaa gabadde tane, ishi cawda lel yatsrago kinni, sinraa lel ishi ilaw makhaazinodde yaskatto kinni. Xasar laakin badinnixe giradde xararisho kinni” yerhxe.
Yeesus anthammaq
(Markos 1:9-11; Luukas 3:21-22)
13Amayek sarrah, Yeesus Galiilaako Yordaanos fanah Yohannisille kayyah yanthammaqho yemeete. 14Yohannis laakin: “Anu kottah anthimmiqhem yi farhshishshankah, atu yottalle tamiite?” yerhxeh kaa deese. 15Yeesus laakin: “Umbuka xaqqe naskamalo noh eeddamhi sabbatah, kado takkooki xab” akko yerhxe. Amayek sarrah, usuk lel kaa xabe. 16Yeesus yinthimmiqhek sarrah, akkanih layeko yewce gedda, taykinna lel carshit fakkite. Yallih Ufayi lel xamaama balih oobeh kayyalle amiituk yuble. 17Taykinna lel, dhaw carsheeko: “Tati yinkixxine yi Barha kinni. Anu kaalih xedeneena kiyo” yerhxe.
Sélection en cours:
Maatiyos 3: SCC
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©2024 Wycliffe Ethiopia
Maatiyos 3
3
Yaythimmiqhe Yohannis arax yasqirribe
(Markos 1:1-8; Luukas 3:1-18; Yohannis 1:19-28)
1Amaa waqhtedde Yaythimmiqhe Yohannis yemeeteh, Yahuudiyaati zibolle warroyshak: 2“Carshi nigsinna kab-terhxeh tanemhi sabbatah otooba”, yerhxe.
3“Zeeratiih dhaw zibolle yamabbe:
‘Maddarah arax akah isqirriba, kaa arax rig-ishanta’”#Isayas 40:3
arhxuk nabii Isayas adde waanishak yinem lel tatiya kinni.
4Yohannis isheh lel gaalatti dagarko aben sareena kee qarbat ragad hashshiitak yine. Kaa macaasha lel cawayne kee zibi baska kuuk tine. 5Yerusaalem kee umbuka Yahuudiyaati baarho kee Yordaanos wakali kayyalle yemeetin. 6Sinni zambeh yeelemiinih lel Yordaanos nahaaradde kayyah anthimmiqhuk yinin.
7Mango Faarisiin kee Tsadduuqhiim kaa anthammaqhalle amiituk yuble gedda: “Ko datali zarawo! Amiituk tane kuraako kuddoona mii sin asuuse? 8Amaydo, toobah missil fire lem aba. 9Sinnedde lel ‘Abraahim abbah lino’ tarhxoona maaxasabina. Yalli Abraahimih ta dhayitko cindham akah abo dhiicam sinah warisha. 10Kado yakkeedo faas xorhti rimidille yinqirribeh yane. Amaydo, mece daro baahinnexe xarha tiggiriceh giradde gaxta.
11Anu toobah layeh sin aythimmiqhe, laakin yi sarralle amiituk yaneti, yottaako ziyaada xayla leya. Anu lel kaa kabelhi muqhucuh meeda. Usuk lel Quddus kin Ufaye kee girah sin yaythammaqho kinni. 12Kaa mase kaa gabadde tane, ishi cawda lel yatsrago kinni, sinraa lel ishi ilaw makhaazinodde yaskatto kinni. Xasar laakin badinnixe giradde xararisho kinni” yerhxe.
Yeesus anthammaq
(Markos 1:9-11; Luukas 3:21-22)
13Amayek sarrah, Yeesus Galiilaako Yordaanos fanah Yohannisille kayyah yanthammaqho yemeete. 14Yohannis laakin: “Anu kottah anthimmiqhem yi farhshishshankah, atu yottalle tamiite?” yerhxeh kaa deese. 15Yeesus laakin: “Umbuka xaqqe naskamalo noh eeddamhi sabbatah, kado takkooki xab” akko yerhxe. Amayek sarrah, usuk lel kaa xabe. 16Yeesus yinthimmiqhek sarrah, akkanih layeko yewce gedda, taykinna lel carshit fakkite. Yallih Ufayi lel xamaama balih oobeh kayyalle amiituk yuble. 17Taykinna lel, dhaw carsheeko: “Tati yinkixxine yi Barha kinni. Anu kaalih xedeneena kiyo” yerhxe.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©2024 Wycliffe Ethiopia