ST. JOHN 12
12
1Jesus dush ningoodwauswe kezhik chebwah kuhbekoosa‐wekoonding ketuhgwishin emuh Bethanyïng, emuh keähyaud owh Lazarus kahneboopun, enewh kahahbejebahahjin.
2Oogeöozhetahmahwahwaun dush emuh ewh wekoongawin, Martha dush kemahdahookee; kuhya dush ween Lazarus oogeweedoopuhmaun.
3Owh dush Mary oogeöodahpenaun ningoo‐tebahbish-koojegun ewh spikenard noomenegun, kache‐ahpeetandahgwuk, oogenoomesittanaun dush enewh Jesusun, oomenesissun dush oogeähyoonun kekahzesittawaud: kemooshkenasin dush ewh noomenegun emuh wegewauming.
4Pazhik dush enewh ookekenooähmahgunun, Judas Iscariot, oogwissun owh Simon, enewh wahbahtahegoojin, oo‐oo keëkedoowun,
5Ahneeshwin oo‐oo noomenegun kepwah‐ahtahwahgang, nishwauk duswahbik tahgeënuhginda, tahgemeenahwug dush egewh katemahgezejig?
6Kahween oo‐oo keöonjekekedoose kepahbahmanemaud enewh katemahgezenejin; ewh suh atuh kekemoodishkid, keguhnuhwandung dush ewh shooneäh‐mooshkemood, keoodahpenemahdezood dush ewh kahahchegahdag emuh.
7Jesus dush oo‐oo keëkedoo, Pooneïk; nahnauzh egoo neningwahegoowine‐kezhegudoom oogeguhnuhwandaun oo‐oo.
8Kahgenig suh kedahyahwahwaug egewh katemahgezejig anduhzhe‐ahyahyag, neen dush ween kahween kahgenig kedahyahweseem.
9Nebewah dush egewh Jewyug oogekekanemahwaun emuh ahyahnid: kahween dush atuh enewh Jesusun kepeöonje‐ezhahsewug, chewahbuhmahwaud suh kuhya enewh Lazarusun, enewh kahahbejebahahjin.
10Kekahkekedoowug dush egewh keche‐sahsahgewejega‐wenenewug chenesahwaud kuhya ween Lazarusun;
11Me muh ween nebewah egewh Jewyug keöonjemahjahwaud, kedabwayanemahwaud enewh Jesusun.
12Wuhyahbung dush nebewah egewh ahnishenahbag kahpeëzhahjig emuh wekoondewining, uhpe kahnoonduhmoowaud ewh wepeëzhahnid enewh Jesusun emuh Jerusaleming,
13Oogeöodahpenahwaun enewh palm‐menahgahwunzhe‐oodikwaunun, kesahguhahmoog dush cheähwenuhquashkahwahwaud, oo‐oo dush keëzhe‐pepahgewaud, Hosannah! Tahwahwezhanemah owh pahezhaud emuh oodezhenekahzoowining owh Tabaningad, ookeche‐oogemahmun owh Israel.
14Uhpe dush Jesus, kahmekahwaud mamaungeshansun, oogepemebuhegoon, debishkoo azhebeëgahdag.
15Kagoo sagezekan keen, Zioning duhzhe wadahnesemegooyun; benuh owh kekeche‐oogemaum peëzhah, pemebuhegood enewh mamaungeshaün oomahnisheensun.
16Kahween oonoo uhyeëen wuhyashkud oogekekanduhsenene enewh ookekenoöahmahgunun: bahmuh atuh kahpeshegandahgooïnd owh Jesus, me dush uhpe kemequanduhmoowaud oonoo keöozhebeëgahdanig, kuhya oonoo kedoodahwahwaud enewh.
17Egewh dush ahnishenahbag kahweejewahjig enewh Jesusun uhpe kahoonjenundoomahnid Lazarusun emuh chebaguhmigoong, kuhya keähbejebahahnid, kedebahjemoowug.
18Me dush egewh ahnishenahbag kahoonjeähwenuh-quashkahwahwaud, kenoonduhmoowaud ewh keëzhechenid oo‐oo mahmaundahwejegun.
19Egewh dush Phariseeg oo‐oo keëzheguhnoonindewug, Kewahbundahnahwah nuh ewh kuhnuhga gagoo kushketoosewag? benuh, oonoopenuhnegoon kuhkenuh enewh bamahdezenejin.
20Ahnind dush egewh Greekug kepetuhgwishenoog cheähnuhmeähwaud uhpe wekoonding:
21Oogoo dush oogepenaunzekahwahwaun enewh Philipun, enewh kahoonjebahnejin ewede Bethsaidaïng Galileeïng duhzhe oodanaung: oogeguhgwajemahwaun oo‐oo keëkedoowaud, Oogemah, nenundahwandahmin chewahbuhmungid owh Jesus.
22Philip dush oogepeweenduhmahwaun enewh Andrewun: menuhwah dush Andrew kuhya Philip oopeweenduh-mahwahwaun enewh Jesusun.
23Jesus dush oogenuhquatuhwaun, oo‐oo keëkedood, Tuhgwishenoomahgud suh ewh kezhik, uhpe chepeshegandahgooïnd owh enene Oogwissun.
24Kagate, kagate, kedenenim, kishpin pazhigoomenug ewh mezemenans pungesinsenook emuh uhkeeng kuhya neboomahgussenook, pezheshigwuhta: kishpin dush neboomahguk keche‐mekoogemahgud.
25Owh suhyahgetood ewh oobemahdezewin oogahwuhnetoon; owh dush shaungandung ewh oobemahdezewin oomah uhkeeng oogahguhnuhwandaun cheöonjekahgega‐bemahdezid.
26Kishpin ahweyah buhmetuhwid, mahnoo ningahnoopenuhnik; emuh dush neen anduhzhe‐ahyahyaun, mesuh kaähyaud owh nebuhmeetahgun; kishpin ahweyah buhmetuhwid, mesun enewh Noos kakechetwahweähjin.
27Noongoom suh ninjechaug megooshkahje‐ahyah; Ahneen dush kaëkedooyaun? Noosa, metahgwanemooweshin oo‐oo kezhik. Nindahwauj edush goo ningahpuhguh-mishkahgoon, me muh wanjeoodissahbundahmaun oo‐oo kezhik.
28Noosa, pezhegandahgootoon ewh kedezhenekahzoowin. Kezhegoong dush kepeöonzetahgwud inwawin oo‐oo keëkedoomahguk, Ahzhuh suh ningepeshegandahgootoon, kuhya menuhwah ningahpeshegandahgootoon.
29Egewh dush ahnishenahbag kahnebahwejig, kahnoondungig dush, oo‐oo keëkedoowug, Noondahgooze ahnemikee: ahnind dush keëkedoowug, Oogepeguhnoonegoon enewh angenun.
30Jesus dush oogenuhquatuhwaun oo‐oo keëkedood, Kahween neen kepeöonjenoondahgwussenoon oo‐oo inwawin, kenuhwah suh goo atuh.
31Noongoom suh debishkoosamahgud chetebahkoonegahdag oo‐oo uhkee; noongoom dush tahsahgeje‐wabenah owh wagemahkundung oo‐oo uhkee.
32Neen dush, kishpin uhkeeng oonjeöombenegooyaun, ningahezhewekoobenaug kuhkenuh enenewug emuh ahyahyaun.
33Oo‐oo dush keëkedoo, wahbunduhewad ewh wahenahpenad.
34Egewh dush ahnishenahbag oogeëzhenuhquatuhwahwaun, Emuh suh tebahkoonegawining ningeöonjenoondahmin ewh kahgenig ahyah owh Christ; ahneen dush keen wanjeëkedooyun, Nundahwandahgoozid owh Enene Oogwissun cheöombenind? ahwanan wah‐owh Enene Oogwissun?
35Jesus dush oo‐oo oogeënaun, Kayahbe wanebik kedahyahnahwah ewh wahsayahzewin, bemoosag magwah ahyahmag ewh wahsayahzewin, koonemah gooshah ewh puhsuhgishtebik kegahnoonda‐puhgummishkahgoonahwah; owh dush bamoosad magwah puhsuhgishtebik kahween ookekanduhseen tebe azhahgwan.
36Magwah suh ahyahmag ewh wahsayahzewin, dabwayanduhmook ewh wahsayahzewin, cheöonejahnesemegooyag dush wahsayahzewin. Mesuh oonoo kahekedood owh Jesus, medush kemahjaud, kekahzootuhmahwaud enewh.
37Ahnoo ween goo keëzhechegad nebewah mahmaundahwejegunun emuh anahsuhmuhbenid, kah dush oogedabwayanemegooseen.
38Cheöonjedebishkoosanig ewh oodekedoowin owh Esaias aunwahjega‐wenene, oo‐oo kahekedood, Tabaningayun, ahwanan kedabwatung ewh nindebahjemoowinenaun? kuhya ahwanan kewahbunduhind ewh oonik owh Jehovah?
39Mesuh kahoonjekushketoosigwah chedabwayanduhmoowaud, menuhwah oo‐oo keëkedood owh Esaias,
40Oogekuhkepeengwatoonun enewh oozhkinzhegoone kuhya oogemushkahwetoonun enewh oodaëne, chewahbemahgussenook dush enewh ooshkinzhegoowaun, kuhya nesitootumoomahgussenig oodaëwaun, chegeäunjeïndwahpun, kuhya chenoojemooügwahpun.
41Oonoo keëkedood owh Esaias, uhpe kahwahbundung ewh oopeshegandahgoozewin, kedebahdoodung dush.
42Ahnoo suh nebewah egewh wagemahwejig oogedabwayanemahwaun, koosahwaud enewh Phariseen kahoonje-wahweenemahsigwah: tahgeöonjesahgeje‐wabenahwug muh emuh ahnuhmeä‐weguhmigoong.
43Ahwahshema muh oogesahgetoonahwah ewh enene oowahwezhanduhmoowin dush ween ewh Kesha‐Muhnedoo oowahwezhanduhmoowin.
44Jesus dush kepewahge, oo‐oo dush keëkedood, Owh duhyabwayanemid, kahween neen nedabwayanemegoose, oodabwayanemaun enewh kahpeëzhenahzhahoonejin.
45Owh dush wuhyahbuhmid oowahbuhmaun enewh kahpeëzhenahzhahoonejin.
46Ninpeöonjeëzhah suh chewahsayahzewineweyaun oomah uhkeeng, kuhkenuh dush egewh duhyabayanemejig cheähyahsigwah emuh puhsuhgishkezewining.
47Kishpin dush ahweyah noondung enewh nindekedoowinun, dabwayandunsig dush, kahween neen nenahne-boomahse: kah muh nimpeöonjeëzhahse chenahneboonduhmaun ewh uhkee, chebemahjeügwah atuh egewh akeewejig.
48Owh suh ahyahgoonwatuhmahwid wadahpenunsig dush nindekedoowinun, oodahyahwaun suh enewh pazhik kanahneboomegoojin: ewh suh ekedoowin kahweenduhmaun, mesuh enewh kanahneboomegood uhpe ashquah‐kezheguk.
49Kah muh neen uhyenanduhmaun ningeöonjekekedoose; Owh suh Wayoosemind kahpeëzhenahzhahood, mesuh owh kahgahgaunzoomid, kaëkedooyaun kuhya kaëzhekuhgequayaun.
50Nekekandaun suh ewh ookuhgequawin chekahgega‐bemahdezewinewemahgudenig: enewh dush uhyekedooyaunin, kahezhid suh owh Wayoosemind, mesuh ewh azhekekedooyaun.
Sélection en cours:
ST. JOHN 12: OTW
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. JOHN 12
12
1Jesus dush ningoodwauswe kezhik chebwah kuhbekoosa‐wekoonding ketuhgwishin emuh Bethanyïng, emuh keähyaud owh Lazarus kahneboopun, enewh kahahbejebahahjin.
2Oogeöozhetahmahwahwaun dush emuh ewh wekoongawin, Martha dush kemahdahookee; kuhya dush ween Lazarus oogeweedoopuhmaun.
3Owh dush Mary oogeöodahpenaun ningoo‐tebahbish-koojegun ewh spikenard noomenegun, kache‐ahpeetandahgwuk, oogenoomesittanaun dush enewh Jesusun, oomenesissun dush oogeähyoonun kekahzesittawaud: kemooshkenasin dush ewh noomenegun emuh wegewauming.
4Pazhik dush enewh ookekenooähmahgunun, Judas Iscariot, oogwissun owh Simon, enewh wahbahtahegoojin, oo‐oo keëkedoowun,
5Ahneeshwin oo‐oo noomenegun kepwah‐ahtahwahgang, nishwauk duswahbik tahgeënuhginda, tahgemeenahwug dush egewh katemahgezejig?
6Kahween oo‐oo keöonjekekedoose kepahbahmanemaud enewh katemahgezenejin; ewh suh atuh kekemoodishkid, keguhnuhwandung dush ewh shooneäh‐mooshkemood, keoodahpenemahdezood dush ewh kahahchegahdag emuh.
7Jesus dush oo‐oo keëkedoo, Pooneïk; nahnauzh egoo neningwahegoowine‐kezhegudoom oogeguhnuhwandaun oo‐oo.
8Kahgenig suh kedahyahwahwaug egewh katemahgezejig anduhzhe‐ahyahyag, neen dush ween kahween kahgenig kedahyahweseem.
9Nebewah dush egewh Jewyug oogekekanemahwaun emuh ahyahnid: kahween dush atuh enewh Jesusun kepeöonje‐ezhahsewug, chewahbuhmahwaud suh kuhya enewh Lazarusun, enewh kahahbejebahahjin.
10Kekahkekedoowug dush egewh keche‐sahsahgewejega‐wenenewug chenesahwaud kuhya ween Lazarusun;
11Me muh ween nebewah egewh Jewyug keöonjemahjahwaud, kedabwayanemahwaud enewh Jesusun.
12Wuhyahbung dush nebewah egewh ahnishenahbag kahpeëzhahjig emuh wekoondewining, uhpe kahnoonduhmoowaud ewh wepeëzhahnid enewh Jesusun emuh Jerusaleming,
13Oogeöodahpenahwaun enewh palm‐menahgahwunzhe‐oodikwaunun, kesahguhahmoog dush cheähwenuhquashkahwahwaud, oo‐oo dush keëzhe‐pepahgewaud, Hosannah! Tahwahwezhanemah owh pahezhaud emuh oodezhenekahzoowining owh Tabaningad, ookeche‐oogemahmun owh Israel.
14Uhpe dush Jesus, kahmekahwaud mamaungeshansun, oogepemebuhegoon, debishkoo azhebeëgahdag.
15Kagoo sagezekan keen, Zioning duhzhe wadahnesemegooyun; benuh owh kekeche‐oogemaum peëzhah, pemebuhegood enewh mamaungeshaün oomahnisheensun.
16Kahween oonoo uhyeëen wuhyashkud oogekekanduhsenene enewh ookekenoöahmahgunun: bahmuh atuh kahpeshegandahgooïnd owh Jesus, me dush uhpe kemequanduhmoowaud oonoo keöozhebeëgahdanig, kuhya oonoo kedoodahwahwaud enewh.
17Egewh dush ahnishenahbag kahweejewahjig enewh Jesusun uhpe kahoonjenundoomahnid Lazarusun emuh chebaguhmigoong, kuhya keähbejebahahnid, kedebahjemoowug.
18Me dush egewh ahnishenahbag kahoonjeähwenuh-quashkahwahwaud, kenoonduhmoowaud ewh keëzhechenid oo‐oo mahmaundahwejegun.
19Egewh dush Phariseeg oo‐oo keëzheguhnoonindewug, Kewahbundahnahwah nuh ewh kuhnuhga gagoo kushketoosewag? benuh, oonoopenuhnegoon kuhkenuh enewh bamahdezenejin.
20Ahnind dush egewh Greekug kepetuhgwishenoog cheähnuhmeähwaud uhpe wekoonding:
21Oogoo dush oogepenaunzekahwahwaun enewh Philipun, enewh kahoonjebahnejin ewede Bethsaidaïng Galileeïng duhzhe oodanaung: oogeguhgwajemahwaun oo‐oo keëkedoowaud, Oogemah, nenundahwandahmin chewahbuhmungid owh Jesus.
22Philip dush oogepeweenduhmahwaun enewh Andrewun: menuhwah dush Andrew kuhya Philip oopeweenduh-mahwahwaun enewh Jesusun.
23Jesus dush oogenuhquatuhwaun, oo‐oo keëkedood, Tuhgwishenoomahgud suh ewh kezhik, uhpe chepeshegandahgooïnd owh enene Oogwissun.
24Kagate, kagate, kedenenim, kishpin pazhigoomenug ewh mezemenans pungesinsenook emuh uhkeeng kuhya neboomahgussenook, pezheshigwuhta: kishpin dush neboomahguk keche‐mekoogemahgud.
25Owh suhyahgetood ewh oobemahdezewin oogahwuhnetoon; owh dush shaungandung ewh oobemahdezewin oomah uhkeeng oogahguhnuhwandaun cheöonjekahgega‐bemahdezid.
26Kishpin ahweyah buhmetuhwid, mahnoo ningahnoopenuhnik; emuh dush neen anduhzhe‐ahyahyaun, mesuh kaähyaud owh nebuhmeetahgun; kishpin ahweyah buhmetuhwid, mesun enewh Noos kakechetwahweähjin.
27Noongoom suh ninjechaug megooshkahje‐ahyah; Ahneen dush kaëkedooyaun? Noosa, metahgwanemooweshin oo‐oo kezhik. Nindahwauj edush goo ningahpuhguh-mishkahgoon, me muh wanjeoodissahbundahmaun oo‐oo kezhik.
28Noosa, pezhegandahgootoon ewh kedezhenekahzoowin. Kezhegoong dush kepeöonzetahgwud inwawin oo‐oo keëkedoomahguk, Ahzhuh suh ningepeshegandahgootoon, kuhya menuhwah ningahpeshegandahgootoon.
29Egewh dush ahnishenahbag kahnebahwejig, kahnoondungig dush, oo‐oo keëkedoowug, Noondahgooze ahnemikee: ahnind dush keëkedoowug, Oogepeguhnoonegoon enewh angenun.
30Jesus dush oogenuhquatuhwaun oo‐oo keëkedood, Kahween neen kepeöonjenoondahgwussenoon oo‐oo inwawin, kenuhwah suh goo atuh.
31Noongoom suh debishkoosamahgud chetebahkoonegahdag oo‐oo uhkee; noongoom dush tahsahgeje‐wabenah owh wagemahkundung oo‐oo uhkee.
32Neen dush, kishpin uhkeeng oonjeöombenegooyaun, ningahezhewekoobenaug kuhkenuh enenewug emuh ahyahyaun.
33Oo‐oo dush keëkedoo, wahbunduhewad ewh wahenahpenad.
34Egewh dush ahnishenahbag oogeëzhenuhquatuhwahwaun, Emuh suh tebahkoonegawining ningeöonjenoondahmin ewh kahgenig ahyah owh Christ; ahneen dush keen wanjeëkedooyun, Nundahwandahgoozid owh Enene Oogwissun cheöombenind? ahwanan wah‐owh Enene Oogwissun?
35Jesus dush oo‐oo oogeënaun, Kayahbe wanebik kedahyahnahwah ewh wahsayahzewin, bemoosag magwah ahyahmag ewh wahsayahzewin, koonemah gooshah ewh puhsuhgishtebik kegahnoonda‐puhgummishkahgoonahwah; owh dush bamoosad magwah puhsuhgishtebik kahween ookekanduhseen tebe azhahgwan.
36Magwah suh ahyahmag ewh wahsayahzewin, dabwayanduhmook ewh wahsayahzewin, cheöonejahnesemegooyag dush wahsayahzewin. Mesuh oonoo kahekedood owh Jesus, medush kemahjaud, kekahzootuhmahwaud enewh.
37Ahnoo ween goo keëzhechegad nebewah mahmaundahwejegunun emuh anahsuhmuhbenid, kah dush oogedabwayanemegooseen.
38Cheöonjedebishkoosanig ewh oodekedoowin owh Esaias aunwahjega‐wenene, oo‐oo kahekedood, Tabaningayun, ahwanan kedabwatung ewh nindebahjemoowinenaun? kuhya ahwanan kewahbunduhind ewh oonik owh Jehovah?
39Mesuh kahoonjekushketoosigwah chedabwayanduhmoowaud, menuhwah oo‐oo keëkedood owh Esaias,
40Oogekuhkepeengwatoonun enewh oozhkinzhegoone kuhya oogemushkahwetoonun enewh oodaëne, chewahbemahgussenook dush enewh ooshkinzhegoowaun, kuhya nesitootumoomahgussenig oodaëwaun, chegeäunjeïndwahpun, kuhya chenoojemooügwahpun.
41Oonoo keëkedood owh Esaias, uhpe kahwahbundung ewh oopeshegandahgoozewin, kedebahdoodung dush.
42Ahnoo suh nebewah egewh wagemahwejig oogedabwayanemahwaun, koosahwaud enewh Phariseen kahoonje-wahweenemahsigwah: tahgeöonjesahgeje‐wabenahwug muh emuh ahnuhmeä‐weguhmigoong.
43Ahwahshema muh oogesahgetoonahwah ewh enene oowahwezhanduhmoowin dush ween ewh Kesha‐Muhnedoo oowahwezhanduhmoowin.
44Jesus dush kepewahge, oo‐oo dush keëkedood, Owh duhyabwayanemid, kahween neen nedabwayanemegoose, oodabwayanemaun enewh kahpeëzhenahzhahoonejin.
45Owh dush wuhyahbuhmid oowahbuhmaun enewh kahpeëzhenahzhahoonejin.
46Ninpeöonjeëzhah suh chewahsayahzewineweyaun oomah uhkeeng, kuhkenuh dush egewh duhyabayanemejig cheähyahsigwah emuh puhsuhgishkezewining.
47Kishpin dush ahweyah noondung enewh nindekedoowinun, dabwayandunsig dush, kahween neen nenahne-boomahse: kah muh nimpeöonjeëzhahse chenahneboonduhmaun ewh uhkee, chebemahjeügwah atuh egewh akeewejig.
48Owh suh ahyahgoonwatuhmahwid wadahpenunsig dush nindekedoowinun, oodahyahwaun suh enewh pazhik kanahneboomegoojin: ewh suh ekedoowin kahweenduhmaun, mesuh enewh kanahneboomegood uhpe ashquah‐kezheguk.
49Kah muh neen uhyenanduhmaun ningeöonjekekedoose; Owh suh Wayoosemind kahpeëzhenahzhahood, mesuh owh kahgahgaunzoomid, kaëkedooyaun kuhya kaëzhekuhgequayaun.
50Nekekandaun suh ewh ookuhgequawin chekahgega‐bemahdezewinewemahgudenig: enewh dush uhyekedooyaunin, kahezhid suh owh Wayoosemind, mesuh ewh azhekekedooyaun.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.