ST. LUKE 24
24
1Wahyahbunenig dush kahishquah‐aunwabe‐kezheguk, keche‐kuhkezhab, kepeëzhahwug emuh chebaguhmigoong peetoowaud enewh manoo‐mahgwudenegin kahwahwazhetoowaud, ahnind dush oogeweejewahwaun.
2Oogemekahwahwaun dush enewh ahsineen tatebewabenegahzoonid emuh chebaguhmigoong.
3Kepeendegawug dush, kah dush oogemekunsenahwah ewh weyowene enewh Tabaninganejin Jesusun.
4Kepuhgummeähyahmahgud, magwah keche‐mahmahkahdanduhmoowaud oonoo uhyeëen, benuh, oogeweeje-kahbahweetahgoowaun neezh enewh enenewun wuhyahsakoonuhyanejin;
5Magwah dush sagezewaud, keähpuggezoowaud emuh uhkeeng, oo‐oo oogeëgoowaun enewh, Ahneeshwin nanduhwahbuhmag owh bamahdezid emuh anduhzhe‐ahyahwaud egewh naboojig?
6Kahween oomah ahyahse, ahzhe keähbejebah: mequanduhmook ewh keënenag magwah kayahbe ahyaud ewede Galileeïng.
7Oo‐oo keëkedood, nundahwandahgooze owh Enene Oogwissun chepuggedenind emuh ooneenjewaung egewh majeëzhewabezejig enenewug, kuhya cheähgwahquahoond, kuhya cheähbejebaud nasoogoonahgudenig.
8Oogemequandahnahwah enewh oodekedoowinun,
9Kepeöonjekewawug dush emuh chebaguhmigoong, keweenduhmoowahwaud dush kuhkenuh oonoo enewh metauswe‐ahshe‐pazhik kekenooähmahgunun, kuhya kuhkenuh enewh ahnind.
10Me suh Mary Magdalene, kuhya Joanna, kuhya Mary oogeen owh James, kuhya ahnind egewh equawug kahweejewahjig, kahweenduhmahwahjig oonoo uhyeëen enewh apostleün.
11Ahneshah chedebahjemoowaud oogeühyenanemegoowaun enewh, kah dush oogedabwatahgoosewaun enewh.
12Kepuhsegwe dush owh Peter, kepeendega‐buhtoo emuh chebaguhmigoong; kahühnenahwataud, oogewahbundaunun dush wahbishkeginoon ningooje atagin, kemahjah dush, mahmahkahdandung emuh oodaïng oonoo uhyeëen kahezhewabudenig.
13Benuh, neezh ookekenooähmahgunun keëzhahwun ewh kezheguk emuh oodanaunsing Emmaus kahezhenekahdag, gagah ningoodwahswe‐meduhnah tebahgaunsun kahahpeechaug Jerusaleming oonje.
14Oogeduhzhindahnahwah dush kuhkenuh enewh kahezhewabukin.
15Kepuhguhmeähyah ewh magwah pahbahguhnoonindewaud, kuhya kuhgwajindewaud, Jesus dush ween oogenahzuhkahwaun kuhya keweejewaud.
16Enewh dush ooshkinzhegoowaun kekebahquahegahdanewun ewh chekekanemahsigwah.
17Oo‐oo dush oogeënaun, Wagoonanun enewh guhnoonedewin azheguhnoonedeyag magwah uhnebemoosayag, kuhya nuhneenuhwanduhmag?
18Pazhik dush, Cleopas azhenekahzood, oogenuhquatuhwaun, oo‐oo dush keënaud, Kemahyuggiz nuh emuh Jerusaleming, kekanduhsewun dush enewh noomuhyuh kahezhewabukin emuh?
19Oo‐oo dush keënaud, Wagoonanun? Oo‐oo dush oogeënahwaun, Kahezheähyaud Jesus Nazareth duhzhe wenene, aunwahchega‐wenenewepun, mushkahwezepun emuh ezhechegawining kuhya emuh ekedoowining emuh enahsuhmingwad Kesha‐Muhnedoo, kuhya anahsuhmingwawaud kuhkenuh egewh ahnishenahbag:
20Egewh keche‐sahsahgewejega‐wenewug kuhya egewh tabahkoonuhzheyummingejig kahezhepuhgedenahmahwaud chenahneboomemind, kuhya oogeähgwahquahahwaun.
21Ningeähpanemoominahbun me mahbuh kagebemahjeähpun Israëlun: menuhwah dush noongoom kezheguk me nesoo‐kezheguk oonoo kahahkoo‐ezhewabuk.
22Ahnind dush egewh kuhya nindequamenaunig ningemahmahkahdanduhmooegoonaunig, zhabah kahezhahjig emuh chebaguhmigoong;
23Uhpe dush mekunsigwah ewh weyowene, kepeëzhahwug, keëkedoowaud, ewh kewahbuhmahwaud angenun, kahegoowahjin ewh bemahdezid.
24Ahnind edush egewh kahweejewungejig keëzhahwug emuh chebaguhmigoong, keëzhemekuhmoowaud dush ewh kahekedoonid egewh equawun: kahween dush ween oogewahbuhmahsewaun Jesusun.
25Me dush uhpe oo‐oo keënaud, Oh kakebahdezeyag, kuhya pajeweyag emuh kedaëwaung chetabwayanduhmagoobun enewh kuhkenuh egewh aunwahjega‐wenenewug kahekedoowaud;
26Kah nuh ween kenundahwandahgoozese owh Christ oo‐oo cheëzhekooduggetood, kuhya dush chepeendegad emuh oopezhegandahgoozewining?
27Emuh dush keöonjemahjaud Mosesun kahezhebeëganid, kuhya aunwahjega‐wenenewun kahezhebeëganid, oogewahweenduhmahwaun emuh kuhkenuh ewh kechetwah‐oozhebeëguning ween tebenuhwa kahenahjemind.
28Keühnetuhgwishenoog dush pashoo emuh oodanaunsing, azhahwaud; ween dush keëzheähyah debishkoo nuhwuj wahsuh weëzhaud.
29Oogewekoozoomahwaun dush, oo‐oo keënahwaud, Oomah weejahyahweshenaum; gagah muh zhuhyegwah tahoonahgooshe, kuhya ewh kezhik zhuhyegwah chahgesamahgud. Oogeweejepeendegamaun dush cheweejeähyahwaud.
30Kepuhguhmeähyah dush, magwah weedoopuhmaud, oogeöodahpenaun puhquazhegun, kuhya kemuhmooyahwad, kebuhbuhquabenaud, kuhya dush kemeenaud.
31Enewh dush ooshkinzhegoowaun kebahkishkahmah-gudenewun, me dush kenesittuhwenahwahwaud; kuhya keüngwahbuhmegood.
32Oo‐oo dush keëzheguhnoonedewaud, Kah nuh ween kegekezhezoosemin emuh kedaënaung, magwah kahguhnoonenung emuh meekunaung, magwah dush kahmezheshahwesetuhmoonenung enewh kechetwah‐oozhebeëgunun?
33Me dush kazhetena kepuhsegwewaud kuhya kepeëzhekewawaud emuh Jerusaleming; kemekahwahwaud dush metauswe‐ahshe‐pazhik kemahoonjeëdenid, kuhya enewh kahweejewegoowahjin,
34Oo‐oo keëkedoonid, Kagate suh owh Tabaningad keähbejebah, kewahbuhmegood dush enewh Simonun.
35Kuhya keweendahmahgawug oonoo kahezhewabukkin emuh meekunaung, kuhya kahezhenesittuhwenah-wahwaud, kepuhquabenahnid buhquazhegun.
36Magwah dush oo‐oo ekedoowaud, Jesus kenebahwe emuh nesuhwuhyeëe kahahyahwaud, oo‐oo dush keënaud, Mahnoo pezaunewawin kegahahyahnahwah.
37Kemegooshkahjeähyahwug kuhya kesagezewug, keënanduhmoog suh chewahbuhmahwaud oochebaumun.
38Oo‐oo dush oogeënaun, Ahneeshwin megooshkahje‐ahyahyag? ahneeshwin dush pemookishkaug enewh enanduhmoowinun emuh kedaëwaung.
39Wahbunduhmook neneenjeen kuhya nesittun, neen suh nindow: taungeneshig, kuhya kekanemeshig; kah muh weyahsewese kuhya ookunewese chebaum, azhewahbuhmeyag.
40Uhpe dush oo‐oo kahekedood, oogewahbundahaun ooneenjeen kuhya oosittun.
41Magwah dush kayahbe tuhyabwayanduhsigwah apeech moojegezewaud, kuhya kahmahmahkahdanduhmoowaud, oo‐oo oogeënaun, Meejim nuh oomah kedahyahnahwah?
42Oogemeenahwaun dush punge abwahjegahzoonejin gegooyun, kuhya ahmoo‐sinsebahquud.
43Oogeöodahpenaun dush, kuhya kewesene emuh anahsuhmuhbenid.
44Oo‐oo dush oogeënaun, Mesuh oonoo ekedoowinun kahenenuhgoog, magwah kahweejewenenuhgoog, chenundahwandahgwuk kuhkenuh chetebishkoosag wazhebeëgahdagin emuh ootebahkoonegawining owh Moses, kuhya emuh Psalm‐muzzeneëguning, keënahjemegooyaun.
45Me dush ewh uhpe kahbahkenuhmoowaud oonesitootuhmoowine, ewh chenesitootuhmenid enewh kechetwah‐oozhebeëgunun,
46Oo‐oo dush keënaud, Me oo‐oo azhebeëgahdag, mesuh dush nunduhwandahgoozid owh Christ chekooduggezid, kuhya neboowining cheöonjeähbejebaud nasoogoonuhguddenig:
47Ewh ahnuhwanindezoowin kuhya chewabenegahdag mujje‐ëzhewabezewin oodezhenekahzoowin oonje, chewahweenduhmoowindwah kuhkenuh pukkaun azheweenzoojig ahnishenahbag, cheöonjemahjetaung emuh Jerusaleming,
48Kenuhwah kegewahbundahnahwah oonoo uhyeëen.
49Benuh dush, kegahezhenahzhahmoonenim ewh oowahweenduhmahgawin owh Noos; duhnezeyook dush kenuhwah emuh keche‐oodanaung Jerusalem, nahnauzh peöodissegooyag ewh mushkahwezewin keche‐kezhegoong kaöonjebahmahguk.
50Oogeëzheweenaun dush ewede Bethanying, keöombenikane dush kuhya keshahwanemaud.
51Kepuggumme‐ahyahmahgud dush magwah shahwanemaud, kemahjeweenah, keëzheweenah dush ewede keche‐kezhegoong.
52Oogeöojecheengwuhnetahwahwaun dush, keëzhekewawug dush ewede Jerusaleming keche‐wahwezhanduhmoowaud:
53Moonzhug dush keähyahwug emuh keche‐ahnuhmeä‐weguhmigoong, wahwezhanemahwaud kuhya mahmooyahwahmahwaud enewh Kesha‐Muhnedoon. Amen.
Sélection en cours:
ST. LUKE 24: OTW
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 24
24
1Wahyahbunenig dush kahishquah‐aunwabe‐kezheguk, keche‐kuhkezhab, kepeëzhahwug emuh chebaguhmigoong peetoowaud enewh manoo‐mahgwudenegin kahwahwazhetoowaud, ahnind dush oogeweejewahwaun.
2Oogemekahwahwaun dush enewh ahsineen tatebewabenegahzoonid emuh chebaguhmigoong.
3Kepeendegawug dush, kah dush oogemekunsenahwah ewh weyowene enewh Tabaninganejin Jesusun.
4Kepuhgummeähyahmahgud, magwah keche‐mahmahkahdanduhmoowaud oonoo uhyeëen, benuh, oogeweeje-kahbahweetahgoowaun neezh enewh enenewun wuhyahsakoonuhyanejin;
5Magwah dush sagezewaud, keähpuggezoowaud emuh uhkeeng, oo‐oo oogeëgoowaun enewh, Ahneeshwin nanduhwahbuhmag owh bamahdezid emuh anduhzhe‐ahyahwaud egewh naboojig?
6Kahween oomah ahyahse, ahzhe keähbejebah: mequanduhmook ewh keënenag magwah kayahbe ahyaud ewede Galileeïng.
7Oo‐oo keëkedood, nundahwandahgooze owh Enene Oogwissun chepuggedenind emuh ooneenjewaung egewh majeëzhewabezejig enenewug, kuhya cheähgwahquahoond, kuhya cheähbejebaud nasoogoonahgudenig.
8Oogemequandahnahwah enewh oodekedoowinun,
9Kepeöonjekewawug dush emuh chebaguhmigoong, keweenduhmoowahwaud dush kuhkenuh oonoo enewh metauswe‐ahshe‐pazhik kekenooähmahgunun, kuhya kuhkenuh enewh ahnind.
10Me suh Mary Magdalene, kuhya Joanna, kuhya Mary oogeen owh James, kuhya ahnind egewh equawug kahweejewahjig, kahweenduhmahwahjig oonoo uhyeëen enewh apostleün.
11Ahneshah chedebahjemoowaud oogeühyenanemegoowaun enewh, kah dush oogedabwatahgoosewaun enewh.
12Kepuhsegwe dush owh Peter, kepeendega‐buhtoo emuh chebaguhmigoong; kahühnenahwataud, oogewahbundaunun dush wahbishkeginoon ningooje atagin, kemahjah dush, mahmahkahdandung emuh oodaïng oonoo uhyeëen kahezhewabudenig.
13Benuh, neezh ookekenooähmahgunun keëzhahwun ewh kezheguk emuh oodanaunsing Emmaus kahezhenekahdag, gagah ningoodwahswe‐meduhnah tebahgaunsun kahahpeechaug Jerusaleming oonje.
14Oogeduhzhindahnahwah dush kuhkenuh enewh kahezhewabukin.
15Kepuhguhmeähyah ewh magwah pahbahguhnoonindewaud, kuhya kuhgwajindewaud, Jesus dush ween oogenahzuhkahwaun kuhya keweejewaud.
16Enewh dush ooshkinzhegoowaun kekebahquahegahdanewun ewh chekekanemahsigwah.
17Oo‐oo dush oogeënaun, Wagoonanun enewh guhnoonedewin azheguhnoonedeyag magwah uhnebemoosayag, kuhya nuhneenuhwanduhmag?
18Pazhik dush, Cleopas azhenekahzood, oogenuhquatuhwaun, oo‐oo dush keënaud, Kemahyuggiz nuh emuh Jerusaleming, kekanduhsewun dush enewh noomuhyuh kahezhewabukin emuh?
19Oo‐oo dush keënaud, Wagoonanun? Oo‐oo dush oogeënahwaun, Kahezheähyaud Jesus Nazareth duhzhe wenene, aunwahchega‐wenenewepun, mushkahwezepun emuh ezhechegawining kuhya emuh ekedoowining emuh enahsuhmingwad Kesha‐Muhnedoo, kuhya anahsuhmingwawaud kuhkenuh egewh ahnishenahbag:
20Egewh keche‐sahsahgewejega‐wenewug kuhya egewh tabahkoonuhzheyummingejig kahezhepuhgedenahmahwaud chenahneboomemind, kuhya oogeähgwahquahahwaun.
21Ningeähpanemoominahbun me mahbuh kagebemahjeähpun Israëlun: menuhwah dush noongoom kezheguk me nesoo‐kezheguk oonoo kahahkoo‐ezhewabuk.
22Ahnind dush egewh kuhya nindequamenaunig ningemahmahkahdanduhmooegoonaunig, zhabah kahezhahjig emuh chebaguhmigoong;
23Uhpe dush mekunsigwah ewh weyowene, kepeëzhahwug, keëkedoowaud, ewh kewahbuhmahwaud angenun, kahegoowahjin ewh bemahdezid.
24Ahnind edush egewh kahweejewungejig keëzhahwug emuh chebaguhmigoong, keëzhemekuhmoowaud dush ewh kahekedoonid egewh equawun: kahween dush ween oogewahbuhmahsewaun Jesusun.
25Me dush uhpe oo‐oo keënaud, Oh kakebahdezeyag, kuhya pajeweyag emuh kedaëwaung chetabwayanduhmagoobun enewh kuhkenuh egewh aunwahjega‐wenenewug kahekedoowaud;
26Kah nuh ween kenundahwandahgoozese owh Christ oo‐oo cheëzhekooduggetood, kuhya dush chepeendegad emuh oopezhegandahgoozewining?
27Emuh dush keöonjemahjaud Mosesun kahezhebeëganid, kuhya aunwahjega‐wenenewun kahezhebeëganid, oogewahweenduhmahwaun emuh kuhkenuh ewh kechetwah‐oozhebeëguning ween tebenuhwa kahenahjemind.
28Keühnetuhgwishenoog dush pashoo emuh oodanaunsing, azhahwaud; ween dush keëzheähyah debishkoo nuhwuj wahsuh weëzhaud.
29Oogewekoozoomahwaun dush, oo‐oo keënahwaud, Oomah weejahyahweshenaum; gagah muh zhuhyegwah tahoonahgooshe, kuhya ewh kezhik zhuhyegwah chahgesamahgud. Oogeweejepeendegamaun dush cheweejeähyahwaud.
30Kepuhguhmeähyah dush, magwah weedoopuhmaud, oogeöodahpenaun puhquazhegun, kuhya kemuhmooyahwad, kebuhbuhquabenaud, kuhya dush kemeenaud.
31Enewh dush ooshkinzhegoowaun kebahkishkahmah-gudenewun, me dush kenesittuhwenahwahwaud; kuhya keüngwahbuhmegood.
32Oo‐oo dush keëzheguhnoonedewaud, Kah nuh ween kegekezhezoosemin emuh kedaënaung, magwah kahguhnoonenung emuh meekunaung, magwah dush kahmezheshahwesetuhmoonenung enewh kechetwah‐oozhebeëgunun?
33Me dush kazhetena kepuhsegwewaud kuhya kepeëzhekewawaud emuh Jerusaleming; kemekahwahwaud dush metauswe‐ahshe‐pazhik kemahoonjeëdenid, kuhya enewh kahweejewegoowahjin,
34Oo‐oo keëkedoonid, Kagate suh owh Tabaningad keähbejebah, kewahbuhmegood dush enewh Simonun.
35Kuhya keweendahmahgawug oonoo kahezhewabukkin emuh meekunaung, kuhya kahezhenesittuhwenah-wahwaud, kepuhquabenahnid buhquazhegun.
36Magwah dush oo‐oo ekedoowaud, Jesus kenebahwe emuh nesuhwuhyeëe kahahyahwaud, oo‐oo dush keënaud, Mahnoo pezaunewawin kegahahyahnahwah.
37Kemegooshkahjeähyahwug kuhya kesagezewug, keënanduhmoog suh chewahbuhmahwaud oochebaumun.
38Oo‐oo dush oogeënaun, Ahneeshwin megooshkahje‐ahyahyag? ahneeshwin dush pemookishkaug enewh enanduhmoowinun emuh kedaëwaung.
39Wahbunduhmook neneenjeen kuhya nesittun, neen suh nindow: taungeneshig, kuhya kekanemeshig; kah muh weyahsewese kuhya ookunewese chebaum, azhewahbuhmeyag.
40Uhpe dush oo‐oo kahekedood, oogewahbundahaun ooneenjeen kuhya oosittun.
41Magwah dush kayahbe tuhyabwayanduhsigwah apeech moojegezewaud, kuhya kahmahmahkahdanduhmoowaud, oo‐oo oogeënaun, Meejim nuh oomah kedahyahnahwah?
42Oogemeenahwaun dush punge abwahjegahzoonejin gegooyun, kuhya ahmoo‐sinsebahquud.
43Oogeöodahpenaun dush, kuhya kewesene emuh anahsuhmuhbenid.
44Oo‐oo dush oogeënaun, Mesuh oonoo ekedoowinun kahenenuhgoog, magwah kahweejewenenuhgoog, chenundahwandahgwuk kuhkenuh chetebishkoosag wazhebeëgahdagin emuh ootebahkoonegawining owh Moses, kuhya emuh Psalm‐muzzeneëguning, keënahjemegooyaun.
45Me dush ewh uhpe kahbahkenuhmoowaud oonesitootuhmoowine, ewh chenesitootuhmenid enewh kechetwah‐oozhebeëgunun,
46Oo‐oo dush keënaud, Me oo‐oo azhebeëgahdag, mesuh dush nunduhwandahgoozid owh Christ chekooduggezid, kuhya neboowining cheöonjeähbejebaud nasoogoonuhguddenig:
47Ewh ahnuhwanindezoowin kuhya chewabenegahdag mujje‐ëzhewabezewin oodezhenekahzoowin oonje, chewahweenduhmoowindwah kuhkenuh pukkaun azheweenzoojig ahnishenahbag, cheöonjemahjetaung emuh Jerusaleming,
48Kenuhwah kegewahbundahnahwah oonoo uhyeëen.
49Benuh dush, kegahezhenahzhahmoonenim ewh oowahweenduhmahgawin owh Noos; duhnezeyook dush kenuhwah emuh keche‐oodanaung Jerusalem, nahnauzh peöodissegooyag ewh mushkahwezewin keche‐kezhegoong kaöonjebahmahguk.
50Oogeëzheweenaun dush ewede Bethanying, keöombenikane dush kuhya keshahwanemaud.
51Kepuggumme‐ahyahmahgud dush magwah shahwanemaud, kemahjeweenah, keëzheweenah dush ewede keche‐kezhegoong.
52Oogeöojecheengwuhnetahwahwaun dush, keëzhekewawug dush ewede Jerusaleming keche‐wahwezhanduhmoowaud:
53Moonzhug dush keähyahwug emuh keche‐ahnuhmeä‐weguhmigoong, wahwezhanemahwaud kuhya mahmooyahwahmahwaud enewh Kesha‐Muhnedoon. Amen.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.