Luke 5
5
1ယက်တာဂါရပ် ကိုယ်တော်ယေရှုနာ ဂင်္နေသရက်အိန်းဂြိန်နား စက်တုန်းဂရပ် လူထုပရိသတ်ရက်စာ ဘုရားရှင်ကနှုတ်ကပတ်တော်ဝါ တတ်စာရောက်မှ အမှာဂါးပတ်လည်စုဂို့ ထုန်ဗာ(ဖ်)ဂါဟေ။ 2ကျီးကအိမ် ကိုယ်တော်နာ ကမ်းစပ်အာ ကမ်းနားကတ်ကို တနာရိန်ဟေကား လှေနှစ်စင်းငင် ပိုလင်ကဟေ။တံငါသည်ရက်အ(လ်) ဟိုးဖုံးငါဘင်း ဆတ်ကျီးဂို့ တနာရိန်က ပိုက်ကွန်ရက်အင် ကဇမ်းတုန်းလင်ကဟေ။ 3အိမ်မာကရပ် ကိုယ်တော်ယေရူနာ အိမ်မားလှေနှစ်စင် တောင်မှဒင့် ရှိမုန်ဂါး လှေဖုံးငါးချယ်ဂို့ ဟိုးယာ ကမ်းခြေအနည်းငယ်ခွာဂါးဇီစ် ငှားလင်ကဟေ။ နီးရီဂို့ ကိုတော်နာ ဟိုးဖုံးငါတုန်းဂို့ လူထုရက်အင် ဆနိန်အီးလင်ကဟေ။ 4ဟောဂိုကျီးဟေကားအချိန်ငါ ကိုယ်တော်စာ ရှိမုန်ငင် "အိန်းစိဟေကဟိုက်နီးယာ လှေယင် လှော်ခတ်ဂို့ တနာရိန်ကဇိစ်အတွက် နင်က တနာတန်နူးယင် အဟိုက်နက်အင်" ငါးဂို့ င့လင်ကဟေ။ 5ရှိမုန်ယဲ့ "အရှင်၊ ငါရက် ယက်တာပတ်လုံး ကြိုးစားဂို့ တနာရိန်ဟေငါးဒင်း မာရာယေ့ ရိန်ဂို့အလှုပါ(လ်) ။ ညီးင့ဒင့်ယဲ့ ကိုယ်တော် လုပ်ကဖန်းကအတွက် တနာရိန်ဂါးပိုက်အင် အယောက်ဟက်တာ ငါအဟြက်နိုင်ဂါးဟေ" ငါးဂို့ ဖြေလင်ကဟေ။ 6အိမ်မဒေလေ တနာရိန်က ပိုက်ရက်အင် အဟြန်နက်ကယဲ့ အမာရက်စာ ပိုက်ကွန်ရက် အဆပ်စာရောက်မှ တနာဘောင်းကိုအင် ရိန်ကို လှုလင်ကဟေ။ 7နီးကဒေါင်း အမှာရက်နာ အခြားဂါးဟိုးဖုံးငါဟေက အလိစ်မက်တာလိစ်ဟေက အဖက်ရာအင် အမှာရက်အင် ကူညီဂါဇီးကအတွက် အချက်ဆနပ်ကို အော်နက်ကဟေ။ အိမ်မားလူးရက် ထုပ်ဗာ(ဖ်)ဂို လှေနှစ်စင်းလုံးယာ တနာရက်ထည်ကဇိစ် အမာရက်ကလှေယဲ့ မမြုပ်စာရောက်မှ ဖြစ်ကလင်ကဟေ။ 8မှာအဖြစ်အပျက်ရက်အင် ပိုဟေကအခါ ရှိမုန်ပေတရုစာ ကိုယ်တော်ယေရှုဂါ အတာရင်းငင် ဒူးထောက်ဆဗားဂို့ " အရှင်၊ ငါနာ အမိကားအလုပ်ရက်အင်လိစ်ဟေကဒေါင်း ငါထနဲဘင်း ပြုကလင်ဒက်" ငါးဂို့ လျှောက်တင်လင်ကဟေ။ 9အကြောင်းက(လ်) အမာအိမ် အယောက်ကလူးရက်စာ ရိန်ကိုလှုဟေကား တနာအရေအတွက်နာ ဘောင်းကိုပြိစ်ဟေကားအတွက် အံ့ဩကိုအဆုံနန်းဖြိုက်တုန်း လင်ကဟေ။ 10မှာအထဲယာ ရှိမုန်အိမ်အဖက်ရက်ဖြိုက်ဟေကား ဇေဗေဒဲကအဆာနိန်ဟူး ဖြိုက်ဟေကား ယာကုပ်အိမ် ယောဟန်ရက်အ(လ်) ပါဝင်ဂါဟေ။ ကျီးကအိမ် ကိုယ်တော်ယေရှုနာ ရှိမုန်ငင် "အစက်ယေ့၊ နင်စာ အတတ်ဘင်းစဂို့ တနာရိန်ဂါးအစား လူးရက်အင်စုဝေးကို ငါကနောက်လိုက် တပည့်တော်ရက်ဖြိုက်ကဇိစ် လုပ်ပေါ်ကား"ငါ့ကို င့လင်ကဟေ။ 11အိမ်မှအခါ အမှာရက်အ(လ်) လှေရက်အင် ကမ်းဖုံးငါ ကိ(လ်)တင်ကိုကျီးကရပ် ငါဟေကားစုတ်ရက်အင် မလောက်ကို ကိုယ်တော်ကအလိုဝါ ယိုးလင်ကဟေ။ 12ကျီးကအိမ် ကိုယ်တော်ယေရူစာ မြို့တစ်မြို့ယာငါတုန်းကရပ် အမန်ပြောင်ရောဂါစွဲကပ်တုန်း ကလူး တာဆာပြိုင်းဟူးဝါငါ့လင်ကဟေ။ အမာစာ ကိုယ်တော်ယင် ပေါ်ကအိမ်ရှေ့ယာ ပုပ်ကို "ကိုယ်တော်၊ ကိုယ်တော်အလိုငါနဲ့က(လ်) အနာရောဂါယင် ပျောက်စိမ်းလူကအတွက် ငါကရောဂါယင် ပျောက်စိမ်းယန်နက်နိမ့်"ငါ့ကို လျှောက်တင်လင်ကဟေ။ 13အိမ်မားအခါ ကိုယ်တော်နာ အိမ်မာလူးယင် တာဟူးအိမ်တိုးကို "ငါအလိုငါဟေ၊ ပျောက်လင်ပါစေ" ငှားနက်ကအိမ်ချက်ချင်းဒင့် အိမ်မာလူးက ရောဂါနာ ပျောက်လင်ကဟေ။ 14ကျီးကအိမ် ကိုယ်တော်နာ အမင် အတတ်ကဒေလေ ရောဂါပျောက်ကလင်ကား ဟူးဝါဇိစ်ယဲ့အငါကဇိစ် ငါ့ကျီးကရပ် "ပုရောဟိတ်ကမားလင်ဂို နင်ကနင် ဆနပ်အင်း။ ကျီးနဲ့က(လ်) နင်ကရောဂါပျောက်ကအတွက် မောရှေပညတ်ကျမ်းယာ ဆနပ်ပီဒက်ကအတိုင်း ပူဇော်ကအမူအင် လင်ကိုလုပ်အင်း"ငါ့ကို ငါ့လင်ကဟေ။ 15ဆိုးဆော် ကိုယ်တော်ယေရှုဂါးဂုဏ်သတင်းနာ နေရာဆန်စူရက်အာ ပြန်နှံ့ကလင်ဂို လူးအစုအဝေးရက်စာ ကိုယ်တော်ကဟောပြောဆနိန်အီဟေကရက်အင် အတေးကအိမ် ဟာပိုဆာအငါကမှဘင်း ပျောက်ဇိစ် ကလှုမနီး စုရုံးဗန်(ဖ်)ကဟေ။ 16ဆိုဆော် ကိုယ်တော်နာ လူးသူကင်းဝေးကအရပ်အာ တစ်ကိုယ်တည်း လင်ဂို ဆုစိန်လင်ကဟေ။ 17ယက်တကရပ် ကိုယ်တော်ယေရှုနာ ဟောကြားဆနပ်တုန်းကရပ် ဂါလိလဲပြည်၊ ယုဒပြည်အိမ် ဂျေရုဆလင်မြို့ဝါဘင်း ထိန်ငါဘင်း ဗန်ဟေကား ဗာရိရှဲရက်အိမ် မောရှေကျမ်းတတ်ဆရာရက်ယဲ့ အိမ်မှားနေရာနား တုန်းဂို့ငှားလင်ကဟေ။ ဘုရားရှင်ကတန်ခိုးတော်ယဲ့ လူးရက်က အနာရောဂါရက် ပျောက်ကဇိစ် ကိုယ်တော်ယေရှုထနဲ့ ငါလင်ဟေ။ 18အိမ်မာကရပ် လူအချိူ့စာ လေဖြတ်တုန်းက လူးဟူးဝါယင် ဟြရ်ပိဖုံးငါတင်ကို ကိန်းတာဟုန်းယာ လာကန်းကို ကိုယ်တော်ကရှေ့တော်ယာ အဟြန်ကဇိစ် ကြိုးစားလင်ကဟေ။ 19ဆိုဆော် လူထုပရိသတ်ရက် အစုဝေးတုန်းကကြောင့် ကိန်းတာဟုန်းငါဆင်ကဇိစ် လင်းဆုံးဂို့အလှုကို ဆာဟနူးဖုန်ငင်ရှေးဂို့ အမိုးဝါးကွာဂို့ လူရက်ကအလယ် ကိုယ်တော်ယေရှုကရှေ့မှောက်အာ ဟြက်ပိအိမ်မက်တာ အဟန်နက်ကဟေ။ 20အမှာရက်က ယုံကြည့်ချက်ခိုင်မားကား ကိုယ်တော်ပိုဟေကခါ လေဖြတ်တုန်းက လူးယင် "မိတ်ဆွေ၊ နင်ကအပြစ်ဒုစရိုက်ရက်အင် ခွင့်လွတ်အီနက်နန်း"ငါ့ကို ငါ့လင်ကဟေ။ 21အိမ်မားကအခါ ဖာရိရှဲအိမ်ကျမ်းတတ်ဆရာရက်စာ "မှလူးနာ အပါနာကအပါနာ ဘုရားရှင်ငါ့ကို ထင်တုန်းဟေလဲ။ ဘုရားရှင်ယင်လွဲကို ဟူးဝါယဲ့ အပြစ်ဒုစရိုက်ရက်အင် ခွင့်လွတ်အီကဒေလေ အလုပ်လှုပါ(လ်)"ငါ့ကို စဉ်းစားကိုတုန်းလင်ကဟေ။ 22ညီးင့ဒင့်ယဲ့ ကိုယ်တော်နာ အိမ်မားလူးရက် အတတ်ကဒေလေ ထင်တုန်းဟေကား ချေးတုန်ကို အိမ်မားလူးရက်အင်"နနိန်ရက် အဇာရိဂို့မဒေတွေးတုန်းဂါယာ။ 23နင်ဂါးအပြစ်ဒုစရိုက်ရက်အင် ခွင့်လွှတ်အီနက်နန်း ငါ့ကိုပြိစ်နက်ကအိမ် ရိပ်ကိုလင်းဟာ ငါဟေကအိမ် အဇာက(လ်)ပိုကိုလွယ်ဟေယား။ 24ဆိုဆော် "လူးဆားရက်နာ မှကမ္ဘာလောကယာငါးဟေကား ဒုစရိုက်အပြစ်ရက်အင် ခွင့်လွှတ်လှုဟေ အခွင့်အာဏာငါးဟေကကြောင်းငင် နနိန်ရက်ချေးမနီး ငါဆနပ်အန်ကား" ငှားဂို့ အတာတဟူးဆီးတုန်းဟေကလူးယင် "ငါပြိစ်ယန်ကား ၊ ရိပ်အင့်ဒက်၊ နင်ကားဟြရ်ပိအင်လာဂို ကိန်းငင်လင်ဒက်" ငါးဂို့ ငှားလင်ကဟေ။ 25ငှားနက်ကအိမ်ချက်ချင်း အမှာနာ လူရက်ကရှေးယာ စက်ဂို့ အမှာမျန်တုန်းဟေကဟြက်ပိအင် ကဒုံးဂို့ကျီးကရပ် ဘုရားရှင်ကဂုဏ်တော်ယင် ချီးမွမ်းဂို့ ကိန်းငါပြန်ကလင်ဂါဟေ။ 26လူထုပရိသတ်ရက်အ(လ်) အံ့ဩကလင်ဂို "ထူးဆန်းအံ့ဩဖွယ် အူဇာရက်အင် မှရယက်အာမယ် ငါရက်ပေါ်ဒက်နန်း"ငါ့ကို ဘုရားရှင်ကဂုဏ်တော်ယင် ချီးမွမ်းလင် ကဟေ။ 27အိမ်ဒေလေဖြစ်ပျက်ကျီးကရပ်၊ ကိုယ်တော်ယေရှုနာ အိမ်မာနေရာယာဘင်း ပြုကလင်ကို လေဝိအမိန်းငါးဟေက အခွန်ကုန်ဟေကလူဟူးဝါးနာ အခွန်ကုန်ဟေက တဲအတောင်ဟုန်းငါ တုန်းတုန်းဟေကပိုဂါရပ် "ငါကအလိုဝါယိုးဝန်"ငါးဂို့ ငှားလင်ကဟေ။ 28မှအကြောင့် လေဝိယဲ့ ငါဟေကားစုတ်ရက်အင် မလောက်ပီးဒက်ဂို့ ကိုယ်တော်ကအလိုဝါ ယိုးလင်ဂါဟေ။ 29ကျီးကအိမ် လေဝိစာ ကြီးကျယ်ခမ်းနားဟေကား စားသောက်ပွဲအိမ် အမာကကိန်းငါ ကိုယ်တော်အိမ် တပည့်တော် ရက်အင် ဧည့်ခံလင်ကဟေ။ အယောက်ကအခွန်ကောက်ကလူးရက်အိမ် အနင်းရက်အ(လ်) ညစာစားပွဲယာ စုဝေးကိုထုပ်ဗာ(ဖ်)လင်ကဟေ။ 30ဖာရိရှဲရက်အိမ် ကျမ်းတတ်ဆရားရက်နာ ကိုယ်တော်ကတပည့်တော်ရက်အင် "နနိန်ရက်နာ မှအခွန်ကောက်ဟေကလူးရက်၊ အပြစ်ဒုစရိုက်သမား ရက်အိမ် အဇာရိ(လ်)ကားမက်တာ ပုပ်ဆာတုန်းကယား"ငါ့ကို င့ါကက်တုန်းကဟေ။ 31ကိုယ်တော်နာ အမှာရာအင် ဖြေဟေကရပ်နာ "ကျန်းမာဂါးလူးရက်ကအတွက် ဆရာဝန် အစိုးပါ(လ်)။ ဟပိုဆာအရိကားလူရက်မေ ဆရာဝန် စိုးဟေ။ 32ဖြောင့်မတ်ဟေကလူရက်ကအတွက် ငါဗန်(ဖ်)ဟေကားအရိ(လ်)ပါ(လ်)။ ညီးငဲ့ဒင့်ယဲ့ အပြစ်ဒုစရိုက်သမားရက်အင် နောင်တလှုဂါဇီးအတွက် ငါဗာန်(ဖ်)ဂါးဖြစ်ဟေ"ငါ့ကို ငှားလင်ကဟေ။ 33ဖာရိရှဲရက်အိမ် ကျမ်းတတ်ဆရာရက်အ(လ်) ကိုယ်တော်ယေရူယင် "ယောဟန်အိမ် အမာကတပည့်ရက်နာ အစာရှောင်ကိုဆုစိန်ဟေကား ခကြာခဏ လုပ်တတ်ကဟေ။ ဖါရိရှဲရက်က တပည့်တော်ရက်အ(လ်) အတတ်ကဒေလေ လုပ်လင်ကဟေ။ ညီးင့ဒင့်ယဲ့ နင်ကတပည့်တော်ရက် က(လ်) ဆာတုန်းကို အယောက်ကလူးရက်ဒေလေ အဇာရိ(လ်)ကို အစာအရှောင်ကယား"ငါ့ကို ကတာလင်ကဟေ။ 34ကိုယ်တော်ယေရှုနာ " မင်္ဂလာပွဲဗန်(ဖ်)ကလူးရက်နာ သတို့ဆားအိမ်မက်တာ ငါဟေကရပ် အစာရှောင်လှုဂါလဲ။ အတတ်ကဒေလေ အယူက(လ်)လုပ်လှုကယား။ 35ညီးင့ဒင့်ယေ့ သတို့ဆားရာအင် အမာရက်ထနဲ့က အော်လင်ကလင်အချိန်ငါ အမှာရက်နာ အဆာအအူထမ်း အစာရှောင်တုန်းလင်ဂါ"ငါ့ကို င့ါလင်ကဟေ။ 36မှနောက်အာ ကိုယ်တော်ယေရှုနာ အမာရက်အင် ပုံဥပမာဆူဝါ ငှားဆနပ်လင်ကနာ "ဟူးဝါယဲ့ အဝတ်အဟိုးဝင် ဖာဂို့တူဂါးထုံးစံအငါပါ(လ်)။ ဖာဂါးယေ့ အဝတ်အဟိုးနာ အဆိုက်လင်ကား။ 37စပျစ်ဝိုင်အနန်းငင် သားရေဘူးအဟိုးထဲယာ ဟူးဝါးယေ့ အထဲပါ(လ်)။ အတတ်ကဒေလေ လုပ်နဲ့က(လ်) စပျစ်ဝိုင်အနန်းနာ သားရေဘူးငင် အဆိုက်ကန်လှုကား အတွက် စပျစ်ဝိုင်ကအိန်းယေ့ ယိုဖိတ်ဂို့ သားရေဘူးယေ့ အစီးလင်ကား။ 38မှအကြောင့် စပျစ်ဝိုင် အနန်းငင် သားရေဘူးအနန်းငါမယ် ထဲပိုဂါး။ 39စပျစ်ဝိုင် အဟိုးယင်အူးကျီးကလူနာ စပျစ်ဝိုင် အဟိုးပိုဂို့ မှီးဟေငါးဂို့ ငှားဟေကရပ် စပျစ်ဝိုင်အနန်းငင်အူးဂါအစိုးနန်း" ငါးဂို့ ငှားလင်ကဟေ။
Sélection en cours:
Luke 5: ttpv-rv
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.