If you would like a copy of this version please contact info@davaraudiobibles.org

Duruma Bible © 2020, Bible Translation and Literacy East Africa. (Text)
Duruma Audio Bible ℗ 2025, Davar Partners International. (Audio)

Lagana iphya Ra Chiduruma

Duruma - 1999 Edition (Drama NT)

<div class="version vid2199 iso6393dug" data-vid="2199" data-iso6393="dug">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Jeso unahenda daliliye ya kwanza ya kwangalaza</div><div class="p"> 1Ts&#700;iku ya hahu, kwakala na nyambura mudzi wa Kana kuko jimbo ra Galilaya. Ameye Jeso wakala u phapho, 2na Jeso naye wakala u phapho nyamburani phamwenga na anafunzie, mana, &#225;kala adzambirwa. 3Ndo phapho divai yasira, na Maryamu achimutuwa mwanawe Jeso achendamwamba, &#8220;Baba, divai yisira!&#8221; 4Jeso achimuudzidza achimwamba, &#8220;Mayo, gago ts&#700;igo gehu, mana, ukati wangu opangirwa ni Mulungu k&#700;audzangwe.&#8221; 5Ela phapho Maryamu achiaamba ao ahendikazi, &#8220;Rorosi rondaambwa ni Jeso, hendani.&#8221;</div><div class="p"> 6Phapho ph&#225;kala phana masimikiro mabomu mahandahu ga mawe, garigo chila simikiro rakala riudzala madaba mane, hebu matsano. Gago g&#225;kala gadziikwa phapho kwa kutuwiriza jadi za Chiyahudi za kudzitakasa. 7Ndo Jeso achiaamba ao ahendikazi, &#8220;Gaudzazeni madzi gago masimikiro,&#8221; na ao achigaudzaza tele-tele. 8Chisha achiaamba, &#8220;H&#700;aya hekani machache mukamuphirikire yiye mubomu wa nyambura.&#8221; 9Madzi gago g&#225;kala gagaluka divai. Ndo mubomu wa nyambura ariphotsumbula yiyo divai, k&#700;ayimanyire kokala yilaa. Ela ao ahendikazi oheka gago madzi &#225;kala anamanya. Phapho mubomu wa nyambura achimwiha muloli 10achimwamba, &#8220;Kawaida mut&#700;u ausaye shuhuli waanza kulavya divai mbidzo mwanzo hata at&#700;u achitosheka, ndo akalavya yiriyo ts&#700;iyo mbidzo. Ela uwe ninaona udziyiika yiyo divai mbidzo hata vivi!&#8221;</div><div class="p"> 11Yiyi ndiyo dalili ya kwanza ya dalili za Jeso za kwangalaza, na wayihenda kuko mudzi wa Kana, jimbo ra Galilaya, na phapho achionyesa ubomuwe, nao anafunzie achimukuluphira.</div><div class="p"> 12 # 
 Mat 4:13
 Gariphochira gago, Jeso wauka phamwenga na ameye, nduguze a chilume na anafunzie, achenda hata Kaparinaumu, ariko &#225;sagala ts&#700;iku ch&#700;ach&#700;e.</div><div class="s">Jeso unarema Hekalu rits&#700;ihendwe chete</div><div class="r">(Matayo 21:12-13; Mariko 11:15-17; Luka 19:45-46)</div><div class="p"> 13 # 
 Kul 12:1-27
 Ts&#700;ikuk&#700;uu ya Ayahudi ya P&#700;asaka phokala yi phephi, Jeso wakwenda Jerusalemu, achendaphenya boma ra Hekaluni. 14Mumo, waona at&#700;u okala anaguzirana ng&#700;ombe, magonzi na ngiya manga, na okala anavunzirana p&#700;esa asegere mwao mezani. 15Jeso achihwala ng&#700;ongo, achizisuka chikoto, na achialavya konze ya Hekalu phamwenga na magonzi na ng&#700;ombe zao. Achizimwaga zizo p&#700;esa za okala anavunzirana, na achizipetula-petula zizo meza zao. 16Chisha, arat&#700;u okala anaguza ngiya manga achiaamba vivi, &#8220;Aa auseni phapha. Muts&#700;iyihende chete nyumba ya Baba!&#8221; 17#Zab 69:9Ndo gariphochira gago, anafunzie achikumbikira g&#225;andikwa Maandikoni ga Mulungu kukala, &#8220;Mimi vivyo niyihenzavyo nyumbayo Mulungu, bee vindanirya.&#8221;</div><div class="p"> 18Vilongozi a Ayahudi anjine &#225;tsukirwa na achimuuza Jeso vivi, &#8220;Kwani undahenda dalili yani yondahwonyesa kukala, Mulungu wakuhuma jeri uhende maneno gano?&#8221; 19#Mat 26:61; 27:40; Mar 14:58; 15:29Jeso achiaudzidza achiaamba, &#8220;Ribit&#700;eni Hekalu riri, nami nindariunula kwa ts&#700;iku t&#700;ahu.&#8221; 20Phapho ao Ayahudi achimwamba, &#8220;Hekalu riri rojengwa myaka mirongo mine na mihandahu, wambadze uwe kukala, undarijenga kwa ts&#700;iku t&#700;ahu?&#8221;</div><div class="p"> 21Ela Jeso yiye wakala unagomba dzulu ya Hekalu ririro ni mwiriwe. 22Ndo ariphokudzafufulwa kulaa kuzimu, ahumwae achikumbikira kukala, wakala udzigagomba gago, na achigakuluphira Maandiko ga Mulungu, na garat&#700;u maneno gokala Jeso achigagomba.</div><div class="p"> 23Jeso ariphokala u ts&#700;ikuk&#700;uuni ya P&#700;asaka kuko Jerusalemu, at&#700;u anji &#225;mukuluphira ariphoona zizo dalilize za kwangalaza arizozihenda. 24Ela Jeso k&#700;aatuwire gao, mana, wakala unaamanya at&#700;u osi vivyo arivyo. 25Yiye wakala k&#700;atakiya kwambirwa ni mut&#700;u dzulu ya at&#700;u, mana, wakala unagamanya lwazu-lwazu maazo gao.</div>
 </div>
 </div>
</div>

Tsʼiku ya hahu, kwakala na nyambura mudzi wa Kana kuko jimbo ra Galilaya. Ameye Jeso wakala u phapho, na Jeso naye wakala u phapho nyamburani phamwenga na anafunzie, mana, ákala adzambirwa. Ndo phapho divai yasira, na Maryamu achimutuwa mwanawe Jeso achendamwamba, “Baba, divai yisira!” Jeso achimuudzidza achimwamba, “Mayo, gago tsʼigo gehu, mana, ukati wangu opangirwa ni Mulungu kʼaudzangwe.” Ela phapho Maryamu achiaamba ao ahendikazi, “Rorosi rondaambwa ni Jeso, hendani.”
Phapho phákala phana masimikiro mabomu mahandahu ga mawe, garigo chila simikiro rakala riudzala madaba mane, hebu matsano. Gago gákala gadziikwa phapho kwa kutuwiriza jadi za Chiyahudi za kudzitakasa. Ndo Jeso achiaamba ao ahendikazi, “Gaudzazeni madzi gago masimikiro,” na ao achigaudzaza tele-tele. Chisha achiaamba, “Hʼaya hekani machache mukamuphirikire yiye mubomu wa nyambura.” Madzi gago gákala gagaluka divai. Ndo mubomu wa nyambura ariphotsumbula yiyo divai, kʼayimanyire kokala yilaa. Ela ao ahendikazi oheka gago madzi ákala anamanya. Phapho mubomu wa nyambura achimwiha muloli achimwamba, “Kawaida mutʼu ausaye shuhuli waanza kulavya divai mbidzo mwanzo hata atʼu achitosheka, ndo akalavya yiriyo tsʼiyo mbidzo. Ela uwe ninaona udziyiika yiyo divai mbidzo hata vivi!”
Yiyi ndiyo dalili ya kwanza ya dalili za Jeso za kwangalaza, na wayihenda kuko mudzi wa Kana, jimbo ra Galilaya, na phapho achionyesa ubomuwe, nao anafunzie achimukuluphira.
Gariphochira gago, Jeso wauka phamwenga na ameye, nduguze a chilume na anafunzie, achenda hata Kaparinaumu, ariko ásagala tsʼiku chʼachʼe.


Tsʼikukʼuu ya Ayahudi ya Pʼasaka phokala yi phephi, Jeso wakwenda Jerusalemu, achendaphenya boma ra Hekaluni. Mumo, waona atʼu okala anaguzirana ngʼombe, magonzi na ngiya manga, na okala anavunzirana pʼesa asegere mwao mezani. Jeso achihwala ngʼongo, achizisuka chikoto, na achialavya konze ya Hekalu phamwenga na magonzi na ngʼombe zao. Achizimwaga zizo pʼesa za okala anavunzirana, na achizipetula-petula zizo meza zao. Chisha, aratʼu okala anaguza ngiya manga achiaamba vivi, “Aa auseni phapha. Mutsʼiyihende chete nyumba ya Baba!” Ndo gariphochira gago, anafunzie achikumbikira gáandikwa Maandikoni ga Mulungu kukala, “Mimi vivyo niyihenzavyo nyumbayo Mulungu, bee vindanirya.”
Vilongozi a Ayahudi anjine átsukirwa na achimuuza Jeso vivi, “Kwani undahenda dalili yani yondahwonyesa kukala, Mulungu wakuhuma jeri uhende maneno gano?” Jeso achiaudzidza achiaamba, “Ribitʼeni Hekalu riri, nami nindariunula kwa tsʼiku tʼahu.” Phapho ao Ayahudi achimwamba, “Hekalu riri rojengwa myaka mirongo mine na mihandahu, wambadze uwe kukala, undarijenga kwa tsʼiku tʼahu?”
Ela Jeso yiye wakala unagomba dzulu ya Hekalu ririro ni mwiriwe. Ndo ariphokudzafufulwa kulaa kuzimu, ahumwae achikumbikira kukala, wakala udzigagomba gago, na achigakuluphira Maandiko ga Mulungu, na garatʼu maneno gokala Jeso achigagomba.
Jeso ariphokala u tsʼikukʼuuni ya Pʼasaka kuko Jerusalemu, atʼu anji ámukuluphira ariphoona zizo dalilize za kwangalaza arizozihenda. Ela Jeso kʼaatuwire gao, mana, wakala unaamanya atʼu osi vivyo arivyo. Yiye wakala kʼatakiya kwambirwa ni mutʼu dzulu ya atʼu, mana, wakala unagamanya lwazu-lwazu maazo gao.

સાંભળો Johana 2