Popular Bible Verses from Zlr 3

શેર કરો

Tahula snaŋta tsa marakw ya ta tsa gwaɗa ya, kəʼa kaʼa nghanavatá yakwa tsa fu ya ná, zəɗ ka zay, ta taɗaku iri tida, dzaʼa vlay ta ndanu ŋa guna ghunislak guli. Ka sliʼaftá tsi ka tsaʼatá yakwa tsa fu ya ka zuta, vlaŋha ta zəʼala taŋ ta nzaku ta vata ni ya, ka zutá tsaya guli.

Mataba inda nimtak tsatsaf Yawe, Lazglafta ná, mal nahaɗik hiɗata ni. Ka lagha tsi slanaghatá marakw. Kaʼa nda tsi mantsa: « Kahwathwata mnata Lazglafta kazlay na: “Yaha kuni da za yakwa dər wati ma fuha ma na gam na kəʼa ra?” » kaʼa.

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Kaʼa nda tsa marakw ya mantsa: « Dzaʼa sgaghagha sga yu ta ghuya ɗaŋwa ta ghəŋa zlghatá huɗa gha. Nda ɗaŋwa dzaʼa ya ka ta zwaŋ. Dzaʼa mamay ka ta nzuvusta nda zəʼala ghuni, ama tsatsi dzaʼa ga mgham ta ghəŋa kagha guli, » kaʼa

Slrək visa gha kada mutsafta ka ta skwi ŋa zay gha, ha ka vraghata gha da haɗik, kabga tsagap ma haɗik lu ta kagha, gəninika haɗik ka, da tsa gəninika haɗik ya dzaʼa vra ka guli, » kaʼa.

Kaʼa nda zgun guli mantsa: « Fitika tsuʼafta gha ta gwaɗa markwa ghuni ka zutá ka ta tsa yakwa fu si mna gha yu kazlay na yaha ka da zay kəʼa ya, ta ksiʼaf ksiʼa yu ta haɗik dabga kagha. Nda ɗaŋwa dzaʼa mutsagapta ka ta skwi ŋa zay gha ma inda nzakwa gha nda hafu.

« Wa ta mnaghata kazlay na ka fərdiʼu ka kəʼa na? Ari zu za a ka ta yakwa tsa fu mna gha yu kazlay na yaha ka da zay kəʼa ya kay na? » kaʼa nda tsi.

Tahula ghəzligiŋta ni ta mndu ma tsa Gama Aden ya, nda ga silwa tsa Gam ya, ka pghuŋtá tsi ta wa ni ta kerubaha ni, nda limay ta wuɗaku ghandand, ŋa pya təva dzaʼa da vla tsa fwa hafu ya.

Lagha Adamu ka tsanaftá hgu ta markwa taŋ ka Hawa, kabga tsatsi ma ni ma inda mnduha dzaʼa nzakway nda hafu mida.