Popular Bible Verses from Ma:tiu 21

શેર કરો

Alake kiyawa Kotema matana semetei matanepela: sita:la:, nano ketea nowamopela: matanepela: Kotema kulukulupita: Koteyewi aluse timinipesakeye.” Aluse Yesuyewi seyakeye.

Au selapita: Yesuyewi selese, “Neyawa kima solo we heneye selakeye. Kiyawa matana elipei matanepela: eta: telamake Kotewalapulu matana semetei matanepela: sita:latipa:. Aluse sitalapita:, Neyawa i kaluma seya amunuse kiyawa i kalumawana, tokomomawana, aluse selapita: aupesakeye. Kiyawa tokomo potapola: selese, ‘Tokomo kewa kikili tiye hano tawala mutula hamone.’ Au selapitekiwa aupesakeye.

Felawemi Yesuwa inise sena kesale noka puwano, noka sikapetapo aluse minakeye. Iyewi holose inise, “Tepiti sena i maye mina sena Kewa sosokeye. Piseiki Koteyewi Kewa hamonapita: minawa, Koteyewi napola:takeye. Kewa hele heneye puwano elakeye.” Aluse, iyewi Yesuwa wapiyakeye.

Notoloyetiye ima Yesuyewi selese, “Kote pukawemi Koteyewi seyawa sepatosene senayewi momateyawa wekeye. Ne koawa sena kesaleyewi selese, ‘Kote koawa Kotema holosene kulukulusene koakeye,’ au selesekeye. Au selesene kamona Kote koane weyamo kiyawa atu tisene senayewi apana amuna apolatakeye.” Aluse Yesuyewi seyakeye.

“Sena kesale Saione sitiwemi sita:nema selese, ‘Pota:pa:. Kili Piseiki sosowa inatakeye. Kili Piseiki hopola enewa kopolo toki wapa:kemi helepela: inatakeye. Kopolo toki wapa:kemi heyawa kopolo tokiwa e sa:keye’ au selaposakeye.” Au seyawa hetetiya epalakeye.

Aputa: ima Yesuyewi selese, “Solo we Kote pukawemi momateyawa kiyawa eta: akeyamana? Kote pukawemi momateyawa wekeye. ‘Koane tisene senala:yawa i isu olokeyatela esa: matanese sotukepiyakeye. Alawamona, sena nowamoke tiye inapola: ola:pe isu honosane kelalakeye. Kela epa Koteyewi Ene aluse timiyanakeye. Aluse timiyanapita: niyewi potose, “Amowa napolapo,” au selesekeye.’ Aluse, Kote pukawemi momateyalakeye.

Alake Neyawa kima heneye selakeye. Kote Piseikipela: pote enewa kiwa Yu senayewi mapoyanase Koteyawa kiwa iya:taposakeye. Iya:tapita: sena kesale sopoyewi Kotema matana semetei matanepela: E tima:na: tisewa sita:pesita: ima miya:na:keye.