Popular Bible Verses from Sam 46

શેર કરો

X rpile kx, “Bzkq ota-zvzamu. A' metxpemamu bange murde ninge txpwz Gct. X ninge txpwz kx myatxlzbz mz neidu amrlx mz nrlc tulvzo.”

Gct kc tqmyatxlz, nide me rlakitrku x axplrle nigu, X mz nzkqle-krgu nide mz mzli kx nzkxpungr, okatrle nigu. Kxmule-esz' nengq aycngrlrle nrlc, x newz nzbrkaong prla, X kxmule-esz' dxvo votrp x nrc oda, X newz nzycngrlr-ngrdr kz nzyrpukr nrc kxetuting, A' trmwxlrkuu murde abrtrpzku drtwrgu mz Gct.

Gct kc tqmyatxlz mnc mz mztea kxtr nyzde, Jerusalem, Mrkc tqpulio-ngrmle nzabrtzngr bagu, Mz nzngini-krgu lr mrnyzde. Nzvzo-krmle bagu apule lue kx yrle-kato. X rblx nzodatingr Jerusalem murde Gct mncm bagu, X naokatrle nigu mz zbq kxmrna.

Aesakile vea amrlx mz nrlc tulvzo. Plameitile popz' x nipna x dalr vea amrlx x rtclz-ngrdeng mz nyr.