Popular Bible Verses from Ruka 16

શેર કરો

»Te kope aŋa tī-tika i te aŋa ꞌiti-ꞌiti, pē ira ꞌā ka aŋa tī-tika era i te aŋa nui-nui; ꞌe te kope taꞌe aŋa tī-tika i te aŋa ꞌiti-ꞌiti, pē ira ꞌā ka taꞌe aŋa tī-tika era i te aŋa nui-nui.

»Te taŋata e tahi e ko riva mo tāvini ki te kope e rua; ki te kope e tahi ka haŋa era ꞌe ki te rua ka riri era. He haꞌatura ki te kope e tahi ꞌe ki te rua e ko haꞌatura. Te auraꞌa: e ko tano kōrua mo tāvini ki te ꞌAtua ꞌe ki te moni».

Mo taꞌe aŋa tī-tika o kōrua i te hauhaꞌa o te ao nei, ¿ko ai ia te meꞌe mo vaꞌai atu mo aŋa e kōrua i te hauhaꞌa parautiꞌa o te raŋi? ꞌE mo taꞌe hāpaꞌo riva-riva o kōrua i te meꞌe o te rua kope, ¿ko ai ia te meꞌe mo vaꞌai atu i te hauhaꞌa mo kōrua?

»He kī e ꞌAparahama: “Mo taꞌe haka roŋo ꞌe mo taꞌe haꞌatura i te meꞌe pāpaꞌi e Mōtē ꞌe e te perofeta, pē ira ꞌā ka taꞌe haka roŋo takoꞌa era ka ai atu he ora haka ꞌou te taŋata mai te mate”».

»He haꞌaauraꞌa nei e tahi: mo haꞌataꞌa o te taŋata mai tāꞌana viꞌe ⌊hāipo-ipo⌋ ꞌe he hāipo-ipo ki te rua, e taiꞌata ꞌana. E taiꞌata takoꞌa ꞌana te taŋata hāipo-ipo ki te viꞌe haꞌataꞌa.