Popular Bible Verses from Rōmano 14

શેર કરો

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋. Te nuꞌu tāvini pē nei ki te ⌊Kiritō⌋ he koa te ꞌAtua, ꞌe ki te mata o te taŋata e tano rō ꞌā.

A tātou e ora nei ꞌo e mate ena mo te ꞌAtua. Te auraꞌa: ka mate ꞌo ka ora, ko te ai iŋa ꞌana a tātou ꞌāꞌana.

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

ꞌO ira, ꞌina ko kī haka ꞌou e hape rō ꞌā te rua. Te meꞌe nō, e uꞌi kōrua ꞌo haka ꞌaka-ꞌaka i te manaꞌu o te kōrua taina o ruŋa i a Ietū, ꞌo uŋa i a rāua ki roto i te hara hai meꞌe aŋa e kōrua.

E haka ꞌite rō ꞌana, paꞌi, ꞌi ruŋa i te ⌊Pāpaꞌi Moꞌa⌋ te kī iŋa o te ꞌAtua pē nei ē: «He hōrea atu au hai ꞌīŋoa ōꞌoku: te nuꞌu taꞌatoꞌa o te ao e tū-turi tahi rō ꞌi muꞌa i a au ꞌe e kī rō ko au mau ꞌā te ꞌAtua». Pē ira, e tahi e tahi o tātou ka kī ena i tāꞌana meꞌe i aŋa ki te ꞌAtua.

E toꞌo hai māhatu ki roto i a kōrua te nuꞌu ꞌina he pūai rahi te rāua haka moe iŋa i te manaꞌu ꞌi ruŋa i a Ietū. E uꞌi ꞌo haka tātake e kōrua.

¿Ko ai ia koe mo tuhi iŋa i te hape o te tāvini o te rua? Mā Ietū mau nō, he Pūꞌoko Haka Tere ōꞌona e kī hoki e tano rō ꞌana ꞌo ꞌina he tano tāꞌana meꞌe aŋa. ꞌE rā tāvini e aŋa rō i te meꞌe tano; i a Ietū, paꞌi, te pūai mo hāꞌūꞌū ki a ia mo aŋa pē ira.