Popular Bible Verses from Mk 13

શેર કરો

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.”

Əne mbə̀ we əwən, chub ɨkyèʼe ɨmbə̀ʼ ɨghəm nɨ chəi mbə̀ kyerɨ nyùmə̀ we nɨ Wan Wə̀d bɨrɨ wɨrɨ yeʼe.

Ənɨ mbɨ gywɨ əwən wò ɨfě mə̀saʼ ɨbeŋ, tɨ mbə̀ nwìʼ ə ɨnyod ɨmbə̀ʼ ənû ze nɨ mbə̀ bɨrɨ ghà. Mbə ghà àmei ənû ze nɨ Ŋwìə̀ gha ɨ nən ənɨ ə nyùmə̀ we, ɨmbə̀ʼ ɨghəm nɨ à yɨ Əzwî ə Zeŋɨ ə ghàmə̀, kaʼi mbə̀nə.

Ɨkaŋ fɔrɨ si bɨrɨ chè, àyɨə chəi mɨ ɨŋgam bɨrɨ nɔ che ətu ə̀kǒ.

“Chəi wə̀d mɔʼɔ kyerɨ əni ze kɨ̀ nyùmə̀ we nɨ ɨnû mbɔ̂ bɨrɨ ghɨ̀, ka àbei mbɨ̀aŋgɨrə̀ mbe nɨ yeʼ ɨkaŋ kɨ̀ bè ə Wan. Àmei Mbǎʼ rə̀zìʼ wi kyerɨ.

Ənɨ mbə̀ zu ni ɨbeŋ mbɨə màʼə̀ bid, bə̀ zu mɨŋgam ɨmbə̀ʼ ɨchî nɨ bə̂d ə kəb maʼ bid, tɨ mbə̀ bɔ ə. Ɨnû mbɔ̂ berɨ ghɨ̀, àyɨə ka àyɨə kɨrɨ i ɨnwǐ ɨsɨg we.

Əne mbə̀ chub ɨkyèʼe ɨmbə̀ʼ ɨghəm nɨ chəi mbə̀ kyerɨ nyùmə̀ we nɨ wə̀d nəb bɨrɨ yeʼe. Ɨ we tɨ̀ wɨ̀ yeʼe ɨkwirɨ kwirɨ, kɨ̀ ɨzimɨ ka, kɨ̀ ənɨ ənoŋgub ə tɔŋə, kɨ̀ ɨsɔsɔ. Tɨ wɨ̀ saʼ yeʼe i pè zə əwən ənɨ mbə̀ə gwenə. Əne ənû ze nɨ mə ghà ɨ nən, yɨ mə fə bə̀ ghà əmbɨ ə bə̂d mɨ̀jìm. Ənû ze yɨ ni mbə̀ chub ɨkyèʼe!”

Ɨbeŋ bɨrɨ maʼ bid mbɨ ɨbeŋ cherə. Ɨbeŋ nɨ mɨfɔ̀n ə tùmbɨ̀ə̀ bə̀ maʼ bid mbɨ mbɨ cherə nɨ mɨfɔ̀n ə tùmbɨ̀ə̀. Si bɨrɨ wùd ɨsɨ ɨsɨ, njì kǎ kǎ bə̀ nyɨ. Ɨnû mbɔ̂ yɨ ɨghabɨ ɨchî nɨ əyi kɔ zu rɨbuʼ ənɨ wɨə nombɨə.

Mbə̀ kyerɨ ni mbɨ bɨrɨ be gha ɨkə̂n chɔ̀m ɨŋga ɨbeŋ jìm bɔŋ ɨnwǐ sɨə yeʼe.

Bə̂d mɨ̀nɔnɔʼ bɨrɨ yeʼe nɨŋ mɨ ɨkum yènə̀ ghàə̀ ni, 'Mɔ̌ yɨə wə̀d we nɨ Ŋwìə̀ zɔʼɔ!' Mbɨ bɨrɨ gha əne fèbrɨ̀ bə̂d mɨ̀nɔnɔʼ.

“Àyɨə mbə̀ we əwən. Mbɨ bɨrɨ gywɨ əwən nàʼ əmbɨ mə̀saʼ ɨbeŋ. Mbɨ bɨrɨ som əwən ɨŋga nəb rɨ ə̀kàtɨ̀. Mbə bɨrɨ təm ɨfě mɨ̀gɔmnà bə̀ təm ɨfě mɨfɔ̂n ənɨ mɨ ɨkum ɨmbə̀ʼ ghà ɨkə̂n chɔ̀m əmbɨ mɨ̀mə̌d.

Bə̂d mbe nɨ Ŋwìə̀ zɔʼɔ mɨghab, mbɨ ə bə̂d ɨ̀kə̀n Ŋwiə̀ mɨghab bɨrɨ jwɨ̀, əne ghɨ̀ ɨnweenɨ-ɨnû bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ chɔʼɔ.

Yeso yi ghà əmbɨ mbi mə̀mə̀ə̀nɨ̀-ɨnû ni, “Ɨŋga ɨni mbe, ənɨ ə ŋgəʼ ze fə che i, nyùmə̀ bɨrɨ fin, kaʼ ɨmɨg bɨrɨ bɨ te i, tɨtəmɨ bɨrɨ nɔʼ rɨ əton ɨkaŋ feŋgɨ ə si. Ŋwìə̀ bə̀ chɨ ɨzwî jìm mbe nɨ yeʼ ɨkaŋ.