Matayo 2 માંથી લોકપ્રિય બાઇબલ વચનો

શેર કરો

Ndo nao achituwa yo nyenyezi hata achifika phokala phávyalwa yiye mwana. Achiphenya mumo nyumbani, achimona yiye mwana phamwenga na ameye Maryamu, achimitʼa mavindi mbereze, achimwabudu. Chisha, achivugula mabindo gao, achilavya dahabu, uvumba na udi wa gali kumunosa yiye mwana.

Jeso wavyalwa mudzi wa Betelehemu urio u jimbo ra Judea, ukati Herode ariphokala ndiye mufalume. Ariphovyalwa, atʼu osomera ilimu ya nyenyezi kulaa mulairo wa dzuwa, ákwenda mudzi wa Jerusalemu. Ao ákwendazunguluka na kuno anaamba, “Siswi hudzona nyenyezi kulaa mulairo wa dzuwa yodzihumanyisa kukala, kuvyalwa mwana yendakala mufalume wa Ayahudi. Ndo mukale asena, munamumanya kodzivyalwa? Kwani sino vivyo hudzikudza, huchimona humitʼe mavindi mbereze humwabudu.”

Ariphoyona yo nyenyezi, áhamirwa muno yenye.

Ela Mulungu waakanya ndosoni atsʼiuye na kwa Herode. Kwa vivyo, achiuya kwao na njira yinjine. Ariphouka ao ajeni, malaika wa Bwana wamulairira Jesefu ndosoni na achimwamba, “Jesefu, lamuka muuke na mucheo na mwana wenu muchimbirire itsʼi ya Misiri, na mukasagale kuko hata phondamwamba mimi mukulae, mana, Herode undalagiza aulagwe yuyu mwana.”