Popular Bible Verses from Ma̱te̱yo̱ 6

શેર કરો

Abarik zin orongtta arrak oowa ba̱a̱li̱ne̱t ci Ta̱mu̱ta̱dde̱no̱ ki bunnat cinne, kar bo̱do̱k atin Ta̱mu̱ta̱dde̱n ka̱a̱nyu̱ng kaal ne̱k orongnyu niga ke̱ do̱o̱k.

I̱yo̱ko̱ zin, ma anyikku zi̱nze̱tti̱ kibilet zo̱ze̱ ci lo̱ze̱ti̱nu̱, okko atin zoz ci lo̱ze̱ti̱nu̱ edeca ele manyi. Anyak i̱i̱te̱ni̱ do̱o̱k kaal cigge̱k.

“I̱yo̱ko̱ zin ka̱du̱wa̱kku̱ng, ma o̱ngo̱o̱li̱nnu̱ zoz ci obod ki ruget cunno̱ng, icima i̱no̱nnu̱ nya ci adakku icima ci auddu; icima zoz ci e̱le̱tti̱ cuggo̱k, aimnyu atin nya. Ma dim rugeti iróng riil kommog da̱i̱ne̱t, okko ele riil kommog ru̱u̱ma̱ni̱?

Abarik ming ala i̱nna̱ Ta̱mu̱ta̱dde̱n, bit ce̱e̱za̱ ca̱a̱to̱, unyuga tatug, kar laa Baatunne lo̱mu̱k ngati iróng ol acinnin. A̱gga̱ Ta̱mu̱ta̱dde̱n gi̱i̱ ci abunna ogoni i̱nna̱ lo̱mu̱k, amuci atin enne i̱nne̱ta̱.

“Gool zin ci kar niga alaye Ta̱mu̱ta̱dde̱n icu: “‘Be̱e̱ti̱nna̱ng wa aave ta̱mu̱-kenga, anyik zar cigunnek ki̱li̱le̱c, Anyik alaanzet cunne ki̱ki̱ya̱k lo̱o̱c, kar ol ki̱li̱ngli̱ngte̱ zoz cunne lo̱o̱co̱we̱ do̱o̱k ki i̱yo̱ko̱ ta̱mu̱-kenga ko̱.

Inyet da̱i̱ne̱t cik kadaka wazin necu.

Laleit ba̱ci̱no̱we̱ ki i̱yo̱ko̱ ming kalalneka naga ol u̱gge̱ ko̱.

Ma anyike ol kitimanteta, abarik eelawet lo̱rye̱nta̱.’

Ming alalnekku niga ol cik ogonekku̱ng gi̱i̱ ci gerze, okko atin Baatunne wa aave ta̱mu̱-kenga alalnekkung i̱ge̱t bu̱k ba̱ci̱no̱we̱.

Icinnet iballi cik a̱ku̱l ko̱, iróng nege e̱e̱vi̱ye̱ icima etteda labi icima arik kaal de̱he̱rwa̱, abarik ngen Baba wa aave ta̱mu̱-kenga adaiz nogo dee niko. Iróng niga ol cik diirik riile kommogit iballi?

“Ma adazekku e̱le̱tti̱ kaal lo̱o̱ta̱ ngatu, eci i̱to̱kze̱t ci lo̱o̱tu̱ ngatu ovvo adak todowa ki zizac, ovvo bo̱do̱k ogoryaha ogorozi. Abarik adazzek i̱to̱kze̱t cunno̱ng ta̱mu̱-keng ngati iróng ngazengaze ki zizac egerzan, ngati bo̱do̱k iróng wo̱ye̱ ogoryaha amuda gool ci ogorzine. Imma ngati aave i̱to̱kze̱t cunne, aave zinin cunne bu̱k nginati.

“Iróng zin e̱e̱ti̱ co̱de̱ a̱li̱ngli̱nge̱k ol rama lak co̱de̱. Ogon ki i̱yo̱ko̱, icima abure co̱de̱ kar kirez co̱de̱. Arike wo̱ye̱ enne co̱de̱ zinin, kar kebezbezan co̱de̱. Iróng wo̱ye̱ niga a̱li̱ngli̱ngnyu̱ kaal rama, Ta̱mu̱ta̱dde̱n ki zoz ci o̱ro̱bi̱ya̱u̱.

Ming een gool ci aimze Ta̱mu̱ta̱dde̱n arte cik zarak, wak alize wazin cu kar loza ku̱ju̱kto̱zi̱k gwo̱o̱, iróng wo̱ye̱ aimizzung i̱ge̱ta̱? Eeh ol wak anyakku tu̱we̱ne̱t cidici ko̱.

Abarik ming anyike e̱e̱t ci amati gi̱i̱ imma, ma anyike e̱e̱t imma ka̱gga̱, abunna zin gi̱i̱ ci anyike i̱nna̱ e̱e̱t ci amati ko̱ go̱o̱le̱ ci iróng ol a̱gga̱we̱ ming amuci i̱nna̱ e̱e̱t ci amati. A̱gga̱ Baatunne zoz ci ogoni i̱nna̱ lo̱mu̱k ko̱, okko atin enne a̱mu̱yu̱ki̱n.

“Zuute, ma ogoni kaal cik abunna kicinnet ebere do̱o̱k. Ming ogonnu niga kicinnet ebere do̱o̱k, iróng atin ngen amudannu bunnat ci Be̱e̱ti̱nno̱ng wa aave ta̱mu̱-kenga.

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga. Abarik ming i̱ya̱ye̱ i̱nna̱, diman ele cunne ki̱zi̱zi̱, u̱vu̱d ele maala ju̱rru̱m, kar tunya ngu̱m maame, kar abunna iróng ol a̱gga̱ ming i̱ya̱ye̱ i̱nna̱. Abarik Ta̱mu̱ta̱dde̱n acin gi̱i̱ ci ogone lo̱mu̱k, amucci atin enne i̱nne̱ta̱.