Popular Bible Verses from Éxodo 2

શેર કરો

Usula emawö jwötjeba̧li̧ma a̧ja̧kwijetö Diosma. Ja̧danö, omukwatijetö Diosma damötjö Abrahamnö Isaacnö Jacobnö iteda iwene yöbawö ujuninama, jobadötjö tupadanö jojodönö pjatatakwo̧sa, jö̧ba̧lö. Ja̧danö, Diosma edijetö Israel jojodö u̧sula tjemawobema. Jobadönö lȩlö̧jinö edijetö Diosma.

Ja̧danö, lekwe o̧biya baledajena Egipto inesö la'aka luwo̧ma ö'wö baibijetö. Israel jojodöma ina Egiptonö ji̧jadötö tjuluwedö tjotidobö wetji̧ma otidö. Ja̧danö, inia tjötjinö juluwanö tjotidobö ¡ayö! usula emawö jwöbeba̧lijadötö ¡ökwödönö pjabati! jö̧ba̧lö. Ja̧danö, Diosma jwötjeba̧li̧ma a̧ja̧kwijetö.

Ju'winö tjemuma tjo̧wi̧ pöe baibajenama ojo'doma faraón itjijunö iyö 'yi̧jotö jo̧banö, faraón itjiju jitji̧ baibanö. Faraón itjijuma midijotö tjemunö, Moisés, jö̧ba̧lö, ojwetjö tötebajökwe, jö̧ba̧lö.

Ichajajunö webijotö faraón itjijuma: —Bite tjemunö emibö da̧ji kwejube kwo̧do̧'bi̧ ojwö kwöbötjatonö. Chimidocha— webijotö. Jejenö wejoko tjemunö, isuda jitji̧nö emibö ȩwa̧jijotö jo̧do̧'bi̧ ojwö jöbötjatobö.

Ja̧danö, faraón itjijuma jödötjö ojwe ibö 'yi̧jotö jömöayedö ya̧dökwö. Jobujuma ojwe jibonö jömöayedöma ojwe ö'öbönö kwebachijadötö. Faraón itjijuma isa'banö wi̧lȩyu̧ lo̧be edijotö, tjemu ojo'do jödajayu lo̧bema. Edö webijotö jömöayedötjö bakwujunö wi̧lȩyu̧ jemajobö.

Ju'wi möle Moisés pöe babiböma iteda ömöledö hebreo jojodö tjotidobe edö 'yi̧jetö. 'Ya̧jo̧ ja̧nö eda̧lemi jwiinö usula emawö tjotidobe edijetö, webadö wetji̧ otidö. Ja̧danö, edijetö egipto jojo webo̧ma hebreo jojonö kwakwaobe, Moisés ömöledöso̧nö. Kwakwaiökwe jelobe jelobebi jalachabiabinö edemi, baima jojodö dea jö̧ba̧lö, egipto jojonö, ömöledöso̧nö kwakwabo̧nö kwabö lobijetö Moisésma. Ikenama kwabö loajökwenöma so̧bi̧ya̧pu̧nö o̧tjö lobijetö.