Popular Bible Verses from Josué 1

શેર કરો

Jau Josue, wetaja̧danö yemidanö wetakwö, Kwujuluwachibanö yebabökönö kwö̧jo. Kwöpöjojodö tjöba a'o ja̧nö, yebabinö tjö̧bawöma kwö̧joko, ötjö kwösödökwe Isabenö Jo̧ Diosma okobe jwiinö kwekachi̧tenia ökwökwö chö̧jobetjö̧, —jö̧ba̧lö yöa̧linobe Isabenö Jo̧ma, Josuenö.

Ba̧kwelöjatebö kwiyalu'ye weti̧ wȩyukwa'ye yöba̧lö kwö̧jo, ja̧danö mölebi, yö̧tebi laebi̧ jawa omukwatö kwö̧jo, okobe jwiinö laebi̧danö ja̧bö kwö̧jakobetjö̧. Jau Josue, jejenö ja̧bö kwö̧jitjö̧ma, kwö̧ji̧ma isabenö jwiinö otiwanö waekwökönö kwö̧jakwo̧ja.

Jejenö pjatatakwo̧sa Josue, jo̧kwajabetjö̧ baikwö wetakwö: Kwujuluwachibanö, yebabökönö ja̧nö, teada̧lönö ja̧bö kwö̧jo, weti̧ jawa chömöayo̧ Moisesmine i̧wȩyudina jawama. Ja'yubebi ö'öbönö 'yö̧könö, jwaikwöda weti̧danö ja̧bö kwö̧jo, ba̧kwelöjatebö okobe jwiinö kwö̧ji̧ma otiwanö waekwökönö kwö̧jobö.

Isabenö kwujuluwachibanö pjatatakwo̧sa, baikwö yötawa: Ina 'yaba̧lo̧ kwö̧jayi, kwöpöjojodötjö bakwo̧bi ökwönö ujuluwobö jwiakobe, okobe deinö kwöba a'otjö dötjibajakwedö. Jau Josue, Moiseskwö ja̧nö pjatatinadanö, ökwökwöbi ja̧nö pjatatakwo̧sa, isabenö ba̧kwelöjatebö ökwökwö chö̧ja̧kwo̧sa, la'akatjöda ökwönö katatibökakwo̧sa.

Jo̧kwajabetjö̧, kwujuluwachibanö yebabökönö kwö̧jo Josue, isabenö bidö israel jojodönö öbibö, tja'dödönö yöbawö chujunina niji tjemobö pjakatakobetjö̧.

Ja̧danö, Moisesnö yötawinadanö yötawakwö: Okobe jwiinö niji kwömasapiyanö kwö̧ja̧takwemima, ökwödönö chiyakwo̧sa, kwiteboduwi baibanö.

—Josue, chömöayo̧bina Moisesma ida̧ökö ö'wö baibinobe, ja̧danö jo̧ba ö̧jinemi, ökwöma israel jojodönö öbibo̧ kwö̧jo. Babema israel jojodönö chiyakwemibe ökibobö badekwachajabe, jo̧kwajabetjö̧ ökwöbi, okobe deinö israel jojodöbi belö lakebaduwakwa̧ jawa kwotidobö jo̧be. Ja̧ kwotidobö jo̧be, juluwanö Jordan ojwe pebibö, chiyakwemi niji̧be israel jojodönö ökibakobetjö̧.

Ja̧danö, Isabenö Jo̧ Dios ömöayo̧bina Moises ö'wö baibaja̧ ikenama, Isabenö Jo̧ma ajayinö Moises ömöayo̧bina, Josuenö yöa̧linobe, baikwö

Ja̧ chiyakwemima, jojodö deobetjö, u'dakwö Libano niji baibanö chiyocha, ja̧danö jawo̧ laebobekwösödö inesö nöödö Eufrates mikwödötjö, jawo̧ meajobekwö jwaibalawa ichibanö chiyocha. Jau Josue, okobe jwiinö ja̧ babe hitita jojodö tjiteboma, ökwödöda kwiteboduwi jalobe baibanö ökwödönö chiyakwo̧sa.

Jo̧kwajabetjö̧ Josue, kwujuluwachibanö yebabökönö ja̧nö, ökwödönö weköbo jö̧ka̧li̧danö webi, ja̧danö a̧ja̧kwö dö̧ja̧kwakwedösa. Ja̧danö bakwo̧bi weköbi̧ öpöjödö, chuluwo̧bö̧kö̧ Josuema jö̧ba̧lö, weköbaja̧ a̧ja̧kwökönö ö̧jitjö̧ma, jo̧banö lȩbebö kwabö lodakwedösa, isabenö weköbi̧ da̧ja̧kwobö jo̧betjö̧, —jö̧balö tjatadinobe.

—Jojodö tju̧ju̧kwemi ba̧kwemeachibanö kwebachö jojodönö yökawaduwo baikwö: –Wapötakwa möle baledibajenama, Jordan ojwe pedibakwedösa, Duluwo̧ Isabenö Jo̧ Dios iyakwa̧ niji ditebo baibanö demobö. Jo̧kwajabetjö̧ kwu̧kwaduwa kwakwawa ko̧ko̧dö kwotidaduwo, —jö̧ba̧lö yötjawobö weinobe Josuema.