Mata 5 માંથી લોકપ્રિય બાઇબલ વચનો

શેર કરો

Ama wura a tike a akwa aà lalampa ka, dite a kèhe a dər aà huɗ maàslə̀làh tsa asa mbaŋa. A tike a ka, a təv ana dzəgəɗaf ŋa ya ivaɗ, dite na a ge a dzaydzay a gà mburma ana i ga ata tserdze ya. Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Kurum kà nwim ka, dzaydzay gər ahəɗ. Ar ka, kamala ŋgwal kə̀sà ana ika təv dzàzl ŋa, makàhà ŋa tsa, mburma a ŋgeter a ɗazlzlà lele ya.

Maŋgayaba i təv gà na gəzləŋ tar tsəɗaŋŋa, bakal tar a riŋ tsiye, aɗaba tar ka, ti ta ŋget a a Mbulum nda are tar.

Maŋgayaba i təv gà na ti dzele a ka, megemir Mbulum nda gəzləŋ ilik kamala ana Mbulum a waya ɗekɗek a, aɗaba Mbulum a ta vile a ter a zayya a gəzləŋ tar.

Ama iye ka, iye ihər i gweɗe a kurum ŋa: Wayum gà ɓəzla mene are kurum ivaɗ. Hamum a Mbulum aɗaba gà na ti ne a kurum a are, ta ge a kurum a swalwa ya

A gwaɗa a tar: «Maŋgayaba i təv gà mburma ana kinehe, tə sər, mər ka, gà ɓəzla matawak ika miɗ Mbulum taluw taluw a, aɗaba tar ka, ti ti ndze a nda gà Mbulum i mekwere ŋgar.

Maŋgayaba i təv gà na lìfèɗìɗe ti sir a ba à mburma ya, aɗaba tar ka, ti ti ne a gà ɓəza Mbulum.

Maŋgayaba i təv gà na ti tiwe a, agəra dukw bakal ana mburma ta ge a ika gər ahəɗ a, aɗaba Mbulum à ta me a terehe a à arəv.

Maŋgayaba i təv gà na ti ne a ter a are agəra ana ta ge a ka, dukw ana Mbulum a waya ya, aɗaba tar ka, ti ti ndze a nda gà Mbulum i mekwere ŋgar.»

Maŋgayaba i təv gà na ta gewa gər a gà ɓəzla mesewere are ya, aɗaba ti ti ndze a are tsehe a Mbulum mbaŋa.

A gwaɗa a tar asa: «Maŋgayaba i təv kurum, na bəla gà mburma tàa ndavaya a kurum, ti ne a kurum a are, ti tsik aà kurum a dukw ana ŋgwal ŋa tsiye, hə̀rə̀ts hə̀rə̀ts nda pàrsa, aɗaba ana kurum gà mburma gà ya ka, mà tsəɓ a kurum tsidze. Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Maŋgayaba i təv gà na tiɓìzl ta həna à gər tar a bəɗ, ti ne aba kamala gà ɓəza ndirkiz a, aɗaba Mbulum a ta vile a ter a mekwere gər ahəɗ tserdze.*fa*

I dəba ŋa ya ka, Yesuw a gwaɗa a tar asa: «Kurum kà nwim ika gər ahəɗ ka, kamala liwir ana ika ala ya. Ama na liwir aka və̀ɗ ika ala ya tsəna, ki ge a dər ana, meme, na dite à vìɗ a ya? Ama na bəla a ge a ŋgulum asa tsa dukw ŋgar ka, say dùf mende dər iɗəm a dala ya, mburma ta ɓala aaka pəra.

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

Say ki gweɗwim a ka, <haya>, kige tsa <awaŋ> pəra, tsəka, aɗaba dukw ana aka za i gər a taŋa ya ka, taŋa a dara ka, i təv Əbay sitene ya.»

I dəba ŋa ya, a gwaɗa a tar asa: «Aɗaba kà sərum, ta gwa piŋŋe ka, na wura aka hwìywasla à are a mìsle ŋgiɗ ka, tsùslum ta hwìywesler a à biy ŋgar mbaŋa. Na wura aka haɓara à zlir i bazlam a mìsle ŋgiɗ a ka, ɓal ta hìɓer a iɗəm à biy ŋgar a ilik asa mbaŋa. Kamala megweɗe ya: Kàa ge duwa aà wura ya ka, ta gik aɗəm a mbaŋa te.*ff* Ama iye ihər i gweɗe a kurum ŋa: Na wura aka ge aà kurum bakal a ka, ka ta mumar dər aɗəm tsa. Ama ku weke na aka lakək aka mahwalum aka tsèke ahər mezime ka, mbə̀ɗaraha à biy ŋgiɗ aaha, ma lakək aaka asa.

Kamala taŋa ya, na bəla are yak a bene a kər a bakal ka, ə̀ndzuɗ ndzàhara aba ya, kà yà a dala diriŋ. Ŋgulum dzerisl ba yak ma dzeye ilik, ndəna ki de a akwa ana a mbete a tsa aà biybiy nda gà ba yak fit a. Kige tsa asa, na ahər mezime yak à gis a kər a bakal ka, ə̀ndats sàs aba ya, kà yà a dala diriŋ. Ŋgulum dzerisl ba yak ma dzeye ilik asa, ndəna ba yak fit a wene a a akwa ana a mbete a tsa aà biybiy a mbaŋa.»