Popular Bible Verses from Mateos 10

શેર કરો

Jeñej oveca buꞌyi miꞌin yụ raꞌ juteyac yóĉandyemꞌ bäꞌyiꞌ vajedyedyeꞌ o. Jemoñeꞌ ĉụiꞌ dyijyedyeꞌtum miꞌin jeñej nas, judyeyaꞌ jämꞌjitac chimeꞌ miꞌin jeñej ọꞌtoꞌ, meꞌ raꞌ miꞌin.

Tyi chuc otejjiti ĉụiꞌ paj qui jam yụ́dyes säñi, muꞌ raꞌ fibidyes bäꞌyi. Tyi chuc jam otejjiti säñi yụ́dyes, muꞌ raꞌ jam fibidyes bäꞌyi, bijodyeꞌ raꞌ soꞌmac muꞌ.

Jam raꞌ quijnacsi muntyiꞌ miꞌin. Paj raꞌ tsanꞌ aꞌ ijabunac jụijyaꞌ in, ạꞌedyeꞌ qui na raꞌ miꞌin jam junꞌjibunac in. Muꞌdye ramꞌ quijñetinte Jenꞌ, ĉaĉaij na mumꞌ tupuj ijanac miꞌin judyeyaꞌ tŝijĉan vaꞌquicbunac ạꞌedyeꞌ miꞌin.

Tyi chuc jam vemetety crosh paj qui meꞌ buꞌyi jịjcabun ñịbedyes yụ, jam meꞌ jụijyaꞌ in, muꞌ raꞌ jam tupuj cäc̣häꞌchun yụ.

Tyi chuc jịꞌchicaqui yụ́dyes in muntyisyaꞌ vej muꞌin, yi in, "Yụ nash Jesucristoty", meꞌdye raꞌ yụ chimeꞌ jịꞌchicaqui muꞌindyes in Jenꞌsiꞌyaꞌ vej yụ mạyedyeꞌchetyyaꞌ. Tyi chuc jam jịꞌchicaqui yụ́dyes muntyisyaꞌ vej muꞌin, yity in, "Yụ jam Jesucristoty", meꞌdye raꞌ yụ chimeꞌ jam jịꞌchicaqui muꞌindyes in yụ́tyiꞌyaꞌ Jenꞌ mạyedyeꞌchetyyaꞌ.

Jiꞌchäcacsebajshamꞌ japacjoijtyiꞌ in, vañinjeyacsebajshamꞌ muꞌin säñity in, judyeyaꞌ jiꞌchäcacsebajshamꞌ muꞌin bayiꞌyitaquity aꞌ in, judyeyaꞌ chimeꞌ meijjetyetacsebajshamꞌ sọyoꞌ muꞌin sọyoꞌtumtyiꞌ in. Miꞌin fibiꞌyaꞌ soꞌmac ọij ferdyeꞌ, mọꞌdyes jam raꞌ cọdaqui miꞌin jiꞌchäcacsebanyaꞌ miꞌin ọijyaꞌ ferdyeꞌ.

Mọꞌdyes jam raꞌ noiꞌyi miꞌin, dadamꞌ mujuꞌchaꞌ otejjinac Jenꞌ, ọyaꞌyaꞌ jaijtyiꞌ in, meꞌ muꞌ anic ĉujcanac miꞌin.

Meꞌ buty ĉútiĉaꞌ yụ miꞌin yụ atsij paj qui jämꞌjitive jacchety muntyiꞌ in, meꞌ buty ĉútiĉaꞌ yụ miꞌin. Jam meꞌdyes atsij yụ. Yụ nash atsij paj qui jam jämꞌjiti muntyiꞌ in.