Popular Bible Verses from Romaĉantyidyes 11

શેર કરો

Muꞌ räj jedyeꞌ jämꞌtyety, räj tsạꞌchucsi, tas muꞌdyes buꞌyiꞌ. Jam raꞌ yirisĉan mạyedyeꞌ mọtsiꞌ timaꞌcacdyeꞌ muꞌ. ¡Paj meꞌ!

¡Anic jiyiꞌ där ñịbeꞌjeyacsity muꞌ Jenꞌ! Anic mujuꞌchaꞌ chimeꞌ dyijyedyeꞌtumtyiꞌ judyeyaꞌ chị́dyeꞌtumtyiꞌ, mijam ọ́yamꞌ junꞌdyemꞌ tupuj chaꞌshepja dyijyedyeꞌ muꞌsimꞌ, mijam tupuj chị́jaꞌ junꞌ chuc muꞌ bäꞌyi.

Mọꞌdye p̂eyeꞌ sánacdyeꞌ, yiꞌ: "¿Tyi buty tupuj chị́yepte dyijyedyeꞌ Jenꞌsimꞌ? ¿Tyi buty tupuj voroꞌte? Mijam yirity.

Meꞌdye chimeꞌ q̂uinꞌ in tacaꞌ damꞌ muꞌyaꞌ judío in ĉútity Jenꞌcheꞌ in, muꞌin tsimꞌtactyiꞌ Jenꞌtyiꞌ muꞌ, muꞌin ñịbeꞌ ĉọcsity Jenꞌ ñịbeꞌjitidyesyaꞌ muꞌ. Muꞌ Jenꞌ tsimꞌtacsi ñịbeꞌjitidyesyaꞌ muꞌ jam tsimꞌtacsi ĉụiꞌsiꞌyaꞌ rụijquedyeꞌ muꞌin, junꞌ chuc jämꞌ bäꞌyi in. Jenꞌ tsimꞌtacsi ĉụiꞌsiꞌyaꞌ rụijquedyeꞌ jụijyaꞌ muꞌin, a vuty jam mọꞌ ñịbeꞌjitidyes shupquiꞌ o.

Meꞌdye muꞌin chimeꞌ judío in, muꞌin jeñej buꞌyi dacaꞌ anicsis cätidyeꞌ orivos, meꞌ buꞌyi muꞌin in, pạrej tätstac dacaꞌ mọꞌ. Miꞌin na jam judío jeñej buꞌyi yiris dacaꞌ jeñej jam anicsis cätidyeꞌ orivos, meꞌ buꞌyi miꞌin jam judío miꞌin. Chat qui mọꞌ dacaꞌ peiꞌtac mọꞌyaꞌ täꞌtsacyaꞌ anicsischeꞌ orivo, mọꞌcheꞌ qui chịbiꞌ mọꞌ dacaꞌ, mọꞌmun chimeꞌ soꞌmac ferdyeꞌ mọꞌ tyumeꞌ chäsh ribinsimꞌ, meꞌ buꞌyi shupqui miꞌin jam judío miꞌin. Meꞌ tsanꞌ jam Jenꞌtyiꞌ jiquej tsimꞌtactyiꞌ miꞌin, miꞌinmun qui ñịbeꞌjeyac judíodyes miꞌin, Jenꞌ qui ñịbeꞌjinac. Mọꞌdyes miꞌin jam judío miꞌin, jam raꞌ äcäijjeyacsi miꞌin muꞌin judío in. Jenꞌ vaꞌcacsequi jiquej, muꞌin jeñej buꞌyi anicsis dacaꞌ tätstacsiꞌ. Miꞌin qui namꞌ jeñej buꞌyi yocsiꞌ dacaꞌ jam anicsis, peiꞌtacsiꞌ anicsischeꞌ cätidyeꞌ. Mọꞌdyes jam raꞌ vaꞌbunyi judíotum miꞌin. Jeshaꞌ mọꞌ dacaꞌ jam nash junꞌ jạtsaꞌchutiꞌ mọꞌ ribin, mọꞌ ribin tsạꞌchuiꞌ mọꞌ däräs dacaꞌ.