Popular Bible Verses from Romaĉantyidyes 8

શેર કરો

Chị́jaꞌ tsun, jedyeꞌ chuc räjĉan jịꞌĉojtyejaꞌ tsun, meꞌ tsanꞌ ñịbeꞌ cạvejaꞌ tsun, muꞌdye qui namꞌ Jenꞌ meꞌ yuꞌtyiyisinꞌ joꞌmes jịꞌĉojtacdyeꞌ paj qui jämꞌjojaꞌve p̂anjaꞌ Jenꞌdyes tsun, tsun mạꞌjejatydyes Jenꞌ, tsun fayactyiꞌ ĉụiꞌsiꞌyaꞌ dyijyedyeꞌ muꞌ, tsundyes räj yuꞌtyiyisinꞌ paj qui jämꞌjojaꞌve.

Chịj yụ, mijam yiris jedyeꞌ tupuj pạrejjisinꞌ tsun mạꞌjitidyesyaꞌ Cristos muꞌ. Meꞌ raꞌ tsanꞌ sänjaꞌ jụijyaꞌ tsun, meꞌ raꞌ tsanꞌ yejĉojaꞌ tacaꞌ tsạꞌ buꞌjaꞌ tsun, mọꞌ jịꞌĉojtyejaꞌsiꞌ q̂uinꞌ tsun, mọꞌ raꞌ jịꞌĉojtyejaꞌsiꞌ jábiyaꞌ, mọꞌ raꞌ jam junꞌ pạrejjisinꞌ mạꞌjitidyesyaꞌ Cristos muꞌ. Mijam anjer in, mijam cheꞌves ayoꞌ in fer buꞌyis in, mijam muꞌin mạyedyeꞌchety fer buꞌyity in, mijam úchety in, mijam raꞌ yiris jedyeꞌ tupuj pạrejjisinꞌ Jenꞌsiꞌyaꞌ mạꞌjitidyesyaꞌ muꞌ, mọꞌ jiꞌcaviyisinꞌsiꞌ muꞌ Cristo Jesús, Ayoꞌ tsun, mọꞌ raꞌ yejĉoiꞌ tsuncheꞌ buꞌyiꞌ mạꞌjitidyes muꞌ.

Meꞌ tsanꞌ itŝiꞌ ferdyeꞌ tsun, Jenꞌsiꞌ qui namꞌ Ạꞌedyeꞌ muꞌ, mọꞌ räjĉan ñútyisinꞌ, ĉaĉaij na jam chị́jaꞌ junꞌ chuc raꞌ cọdaĉaꞌ Jenꞌcheꞌ tsun. Mọꞌ qui Jenꞌsiꞌ Ạꞌedyeꞌ muꞌ, mọꞌ ñútyisinꞌ cọdacdyeꞌĉan tsun, ĉụiꞌsiꞌĉan dyijyedyeꞌ mọꞌ fercheꞌ cọdaquiꞌ, mijam muntyisĉan p̂eyacdyeꞌ jiꞌjäqueꞌ mọꞌ cọdacdyeꞌ mọꞌ.

Där jämꞌsiꞌ shupquiꞌ tsundyesiꞌ, mọꞌdyes ¿jätäjyejaꞌ bu raꞌ damꞌdye tsun? Cạvejaꞌ, jam tyi jiꞌpensinꞌ in ĉaĉaij na Jenꞌdye ñútyisinꞌ judyeyaꞌ ĉujcasinꞌ.

Q̂uinꞌ aty jam vaꞌtacdyety yụꞌtac in muꞌin Jesucristoty in

Tyi chuc meꞌ dyijtuquity aꞌc̣his dyijyedyeꞌ aꞌsiꞌ muꞌ, sänꞌdyeꞌ muꞌ jayuꞌtyiyiti. Muꞌ na dyijtuptety Jenꞌsiꞌ Ạꞌedyeꞌ muꞌ, muꞌ raꞌ soꞌmac maꞌjodyeꞌ ĉojtyiꞌĉandyes muꞌ, Jenꞌ raꞌ jạtsaꞌchuti.

Räj ọij jịꞌĉojtyejas tsun, meꞌ tsanꞌ meꞌ, jam qui namꞌ méquiꞌ penjaꞌ tsun, muꞌ qui namꞌ mạꞌjisinꞌtyiꞌ Jesucristo, dadamꞌ ferdyeꞌ soꞌmisinꞌ paj qui fer buꞌjaꞌ bäꞌjaꞌ.

Meꞌ tsanꞌ q̂uinꞌ ñịbedyes jịꞌĉojtyejaꞌ úcheꞌ jaccheꞌ tsun, jam qui namꞌ mọꞌ jiꞌtarisinꞌ, ịtsuꞌquis mọꞌ shupquiꞌ yụ́dyes mọꞌ ñịbedyes jịꞌĉojtyejaꞌsiꞌ q̂uinꞌ tsun, jadyiquisĉan raꞌ tupudyeꞌ dadamꞌ raꞌ mọjoꞌchas fer jämꞌyedyeꞌ soꞌmisinꞌ tsun ạvaꞌ muꞌ mạijquedyeꞌyamꞌ.

¿Jedyeꞌ buty raꞌ tupuj ñutsjityisinꞌ tsun mạꞌjitidyesyaꞌ muꞌ Cristos? ¿Areꞌ ñịbedyes? ¿Areꞌ carijsis jịꞌĉojtyejaꞌsiꞌ? ¿Areꞌ ñịbeꞌtacdyeꞌ, areꞌ dáquis, areꞌ cädädyeꞌ, areꞌ tsäquiꞌsis jedyeꞌ, areꞌ c̣hojvacdyeꞌ? ¿Mọꞌin buty tupuj ñutsjityisinꞌ mạꞌjitidyesyaꞌ muꞌ? Jam junꞌ, mijam yiris jedyeꞌ tupuj ñutsjityisinꞌ Cristoyaꞌ.

Muꞌ Jenꞌ, muꞌ chäyibusinꞌtyiꞌ dyijyedyeꞌ ĉojtyiꞌĉansiꞌ muntyis tsun, muꞌ nash chị́yebiꞌ dyijyedyeꞌ Ạꞌedyes muꞌ, cọdyeteyaꞌ Jenꞌ tsundyesiꞌ muꞌtyidyes muꞌ, yódyemꞌ mạꞌjeꞌ Jenꞌ u, meꞌ cọdyete Jenꞌ tsundyes.

Tyi chuc cäc̣häꞌchuptety in Jenꞌsiꞌ Ạꞌedyeꞌ muꞌ, muꞌin nash Jenꞌtyiꞌ ạvaꞌ in.

Tyi chuc dyijtuquity aꞌc̣his dyijyedyeꞌ aꞌsiꞌ muꞌ, mọꞌdye mọmoꞌ cäc̣häꞌchuqui, mọꞌdye jabächäti. Muꞌ na dyijtuptety Jenꞌsiꞌ Ạꞌedyeꞌ muꞌ, mọꞌdye muꞌ cạiꞌ Ạꞌedyeꞌsiꞌ dyijyedyeꞌ muꞌ.

Muꞌ jam damꞌ ĉụiꞌtyiꞌ Ạvaꞌ muꞌ ạ̈räjjityisinꞌ, muꞌ tacjiyisinꞌ mọmoꞌ paj qui muꞌ ijac tsundyes. Anicdye meꞌ, muꞌ ñịbeꞌjisinꞌ tsun yụꞌtaqui Ạvaꞌ muꞌ, chidyemꞌ mọꞌ yocsiꞌ umꞌ, maꞌyity jam junꞌ quijatutyisinꞌ u, räj raꞌ ñịbeꞌjisinꞌ tsun.

Jenꞌsiꞌ Ạꞌedyeꞌ muꞌ p̂eyaquiꞌ tsunsiꞌtum ạꞌedyeꞌ, mọꞌ qui jiꞌjäcsinꞌ tsun in junꞌ chuc aty Jenꞌtyiꞌ ạvaꞌ tsun. Tsun aty Jenꞌtyiꞌ ạvaꞌ muꞌ, mọꞌdyes qui raꞌ muꞌ soꞌmisinꞌ tsun ñịbeꞌyedyes mọꞌ jiꞌbisiyisinꞌsiꞌ tsun, mọꞌ raꞌ jasoꞌmiti muꞌ Cristo, tsundyesmun raꞌ chimeꞌ mọꞌ. Ñịbedyes jịꞌĉojtyejaꞌ jụijyaꞌ yojdyemꞌ muꞌ u, muꞌcheꞌdye raꞌ tsun penꞌdyetuja.

Muꞌin aꞌc̣his dyijyedyeꞌ aꞌsiꞌ cạquity in, muꞌin meꞌtyity in fáquitity Jenꞌtum in, meꞌ shupqui in. Muꞌindye jam mạꞌjeꞌ chiquepte yụꞌtacdyeꞌ in, mijam junꞌ buꞌyi tupuj chiquepte in ĉaĉaij na itŝiꞌ ferdyeꞌ meꞌchuiꞌ ĉojtyiꞌĉan in.

Q̂uinꞌ räj ọij jämꞌtacdyeꞌ Jenꞌsiꞌ muꞌ bisaquiꞌ fercheꞌ in, mọꞌin mạꞌjeꞌ in paj qui muꞌ Jenꞌ jorojĉanjeyacsi ạvaꞌ muꞌ, aty mọꞌ ayijyaꞌ tupudyeꞌ.

Chị́jaꞌ tsun tacaꞌdye q̂uinꞌ räj ọij jämꞌtacdyeꞌ Jenꞌsiꞌ muꞌ yejĉoiꞌ ñịbeꞌ cạveꞌ in, areꞌredyeꞌ jịꞌĉojtyeꞌ in jeñej yiris basdyis raꞌ p̂en, meꞌ buꞌyiꞌdyemꞌ jämꞌtacdyeꞌ muꞌ q̂uinꞌ in.