Popular Bible Verses from साल्न्हाका चात्या 11

શેર કરો

जेलाउ बार्नाबास साउलहेङ निङहि वासेहेङ एन्तिओक सहरता चुमाहि। साउल कालाउ बार्नाबास इन्ता पुरा ए बासार थेकापा हि, कालाउ इम्बालाइ इन्ता खान्धुराइगेलाइ दोफा भेतघात पातेङ हि, कालाउ हेन्जा द्‍याङगेलाइहेङ येसु ख्रिस्टको बारेता सिक्स्या पिहि। कालाउ चात्यागेलाइहेङ लाङ पोल्ति एन्टिओक सहरता दोङ ख्रिस्टियान दोअ्हि।

बार्नाबास इन्ता लोतेङ परमेस्वरको आनुग्रह तिङतेङ मेनाङ लेङचाहि, कालाउ इम्बालाइ झाराङहेङ गोताङ ह्रदयहोइ प्रभु दोफा खान्धुराइ जेङतेङ हिलि हाउसाइ पिहि। बार्नाबास चाहि आसल, पबित्तरो आत्माहोइ पोङघाहि कालाउ खाङधुरिता बल्लियाका द्‍याङ हिघाहि। कालाउ वा पातेङ हेन्जा द्‍याङगेलाइ प्रभुता खाङधुरि पाहि।

ओदोङ भाअ्सिङ प्रभु येसु ख्रिस्ट ह्रुता खाङधुरि पालाउ परमेस्वर केलाइहेङ जेदोङ बरदान पिहि, इम्बालाइहेङ माकुनु इङको गैर-यहुदिगेलाइ बुङ ओदोङ बरदान पितेङ न्हुसो परमेस्वरहेङ रोकिका का हासु रो?” जेलाउ यहुदि खान्धुराइगेलाइ इदोइ काथागेलाइ हिङहि, ओबालाइ सिकापा हि, कालाउ एसा दोअ्ताङ ओबालाइ परमेस्वरको बाखिन पाहि, “एलाते परमेस्वरहेङ गैर-यहुदिगेलाइहेङ बुङ आनान्ताको जिबनको भाअ्सिङ पाप पालि लाअ्लि कालाउ येसु ख्रिस्टता खाङधुरि पालि मौका पिका हि।”