Popular Bible Verses from युहान्‍ना 15

શેર કરો

आङगुरको सिङ भाइका का दोङ हिघा कालाउ नेलाइ चाहि दालेङगेलाइ हिसुना। जेसापा हासु बुङ का दोफा हिखे पानु, कालाउ का वाकोता ह्याङका, वा हेन्जा आसाल काम पावा। हाइपालिपानु काङकोसो खेङतेङ हिनु नेलाइ हाइ दोङ पालि मादोस्वाना।

नेलाइ का दोफा हिसु कालाउ का नेलाइ दोफा ह्याङका। जेसापा डालेङ सिङता माहिनु इङको ताइमिङ फल सेपालि मादोअ्खे, एन्साङपा नेलाइ का दोफा माहिसुना पानु हाइ बुङ आसाल पालि मादोस्वाना।

नेलाइ का दोफा हिसुना पानु, कालाउ काङको सिक्स्यागेलाइ बुङ नेलाइ दोफा हिहे पानु, नेलाइ जेदोङ आनेमाने ह्रेसुना पानु नेलाइको भाअ्सिङ का इङको पाअ्प्याङका।

कासेहेङ नेलाइ मासाल्सुना, भुरु का दोङ नेलाइहेङ साल्घा, कालाउ नियुक्त पाघा, कालाउकि नेलाइ हानिसु कालाउ आसाल काम पासु, कालाउ नेलाइको आसाल काम हितेङ ह्यावा। एसापा नेलाइ आबा दोफा जेदोङ ह्रेस्वाना वा नेलाइहेङ इङको प्यावा। हाइपालिपानु नेलाइ काङको चात्या हिसुना।

हिदोइ बुङ द्‍याङ ताइको सानाइतिगेलाइहेङ मायारु पाखा दोअ्तेङ तिङपालिको भाअ्सिङ ताइमि सिपिलि खान्तेङ बारका प्रेम आरु हाइ दोङ मान्थु।

गोताङ डालेङ जाइ काङको दोफा तेअ्का हिखे कालाउ फल मासेपाखे पानु इङकोहेङ वा पाल्पिखे। कालाउ जाइ फल पिखे इङकोहेङ वा धाइखे कालाउकि आरोङ हेन्जा फल सेपाको दोअ्तेङ।

काङको आग्या इदोइ दोङ हि, का नेलाइहेङ जेसाङ प्रेम पाघा, नेलाइ बुङ एमिसो-भेनेङहेङ एन्साङ दोङ प्रेम पासु।

जेसापा नेलाइ हेन्जा आसल काम पासुना पानु इङको काथाहोइ काङको आबाहेङ महिमा पाखे कालाउ नेलाइ काङको चात्या जेङस्वाना।

जातिङ भारि का आङगुरको सिङ भाइका हिघा, कालाउ काङको आबा किसान दोङ हि।

हिदोइ बुङ द्‍याङ का दोफा माहिनु, इङको पालन्हाका डालेङ भाइपा बाहार थाइगिलाङ, जेलाउ इङको दालेङगेलाइ सेनावा इङकोहेङ जोम्पातेङ मेता दुकावा।

का इदोइ काथा नेलाइहेङ ओदोङ भाअ्सिङ दोअ्का हिघा, कालाउकि नेलाइकोता बुङ ओदोङ आनान्द ह्याको, जेदोङ काङको दोफा हि। कालाउ नेलाइको आनान्द परिपुर्न ह्याको।

जेसापा नेलाइ काङको आग्यागेलाइ केम्सुना पानु, नेलाइ का दोफा काङको प्रेमता हितेङ हिस्वाना, जेसाङ का काङको आबाको आग्यागेलाइ केम्का हिघा, कालाउ वाको दोफा प्रेमता ह्याङका।

का नेलाइहेङ इदोइ आग्या पिखा, कि नेलाइ एमिसो भेनेङहेङ प्रेम पासु।

जेसापा नेलाइ इदोइ सुमिङको द्‍याङगेलाइ भाइका नुते सुमिङको द्‍याङगेलाइ नासेहेङ ताइको दोअ्तेङ प्रेम पाधावा। कालाउ नेलाइ इदोइ सुमिङको माको। का नेलाइहेङ सुमिङसो साल्घा, ओदोङ भाअ्सिङ सुमिङ नेलाइहेङ मन्दा माताखे।