Popular Bible Verses from युहान्‍ना 6

શેર કરો

येसु इम्बालाइहेङ दोअ्हि, आनान्त जिबन पिका तोले का दोङ हिघा, काङकोता लोकालाइ हेलाउ बुङ माम्हितुताङ, कालाउ कासेहेङ खाङधुरि पाकालाइ हेलाउ बुङ चि आम्लि माकिताङ।

कालाउ जिबन पिका आत्मा हि, जिउसो हिदोइ बुङ फाइदा माजेङखे। जेदोङ काथा का नेलाइ दोफा धुइका हिघा, इङको आत्मा कालाउ जिबन दोङ।

नासाका जेङका चाका आनेमानेको भाअ्सिङ मेहेनत मापासु, भरु आनान्त जिबन थेकापा हिका चालि-आम्लिको भाअ्सिङ मेहेनत पासु, का द्‍याङको चान जाइ नेलाइहेङ इङको चाका आमेने प्याङका, हाइपालिपानु आबा परमेस्वर दोङ कासेहेङ इसिका पालि खाबारा पिका हि।”

हाइपालिपानु काङको आबा परमेस्वरको इच्छा इदोइ दोङ हि, कि का चानहेङ खाङका कालाउ का ह्रुता खाङधुरि पाका झाराङ आनान्त जिबन निनाको, कालाउ का वासेहेङ आन्त्यको दिनाता सिकासो सिन्हु पाङका।

येसु इम्बालाइहेङ उत्तारा पिहि, “परमेस्वरको काम इदोइ हि, कि नेलाइ का ह्रुता खाङधुरि पासु जाइहेङ वा दोङ दिङगिल्का हि।”

आबा परमेस्वर कासेहेङ पिकागेलाइ झाराङ काङकोता ल्वाङ, कालाउ काङकोता लोकालाइहेङ का हेलाउ बुङ इन्कार मापाङका।

कालाउ सिमोन पतरुस जोबाफ पिहि, हे प्रभु, केलाइ हासुकोता हानिलि? नाअ् दोफा आनान्त जिबनको बचन हि।

स्वर्गसो खुअ्तेङ लोका जिबन पिका तोले का दोङ हिघा। हासु बुङ इदोइ तोले चानु उङको जेलाउ बुङ बान्च्याङ। कालाउ जेदोङ तोले का सुमिङता जिबनको भाअ्सिङ प्याङका, उङको चाहि काङको जिउ।”

कासेहेङ दिङगिल्का आबा परमेस्वर का दोफा लोलि मन मापिनु हासु बुङ काङकोता लोलि माद्वाङ, कालाउ काङकोता लोका जतिहेङ का सुमिङको आन्त्यको दिनाता सिकासो सिन्हु पाङका।

हाइपालिपानु जेदोङ तोले परमेस्वर पिखे इङको वा दोङ हि, स्वर्गसो खुतेङ लोका कालाउ सुमिङको द्‍याङगेलाइहेङ जिबन पिखे।

जिबन पिका तोले का दोङ हिघा।

कालाउ येसु तोले चुम्तेङ, परमेस्वरहेङ धन्यबाद पितेङ योम्कालाइहेङ बाख्राइलि पिहि, कालाउ एन्साङ पातेङ हाया बुङ बाख्राइहि। कालाउ इम्बालाइ गोइका झोको चाहि। कालाउ जेलाउ इम्बालाइ हामु भेल्पाङ चाअ्हि, कालाउ वा ताइको चात्यागेलाइहेङ दोअ्हि, “दाइका दुइका तोलेको पोङन्हाका टुक्रागेलाइ जोम्पासु, कालाउ हाइ दोङ मानासाताको।”

ना तु किलो मिटर झोको नाउ ख्याइतेङ हानिलि दोका हिघाखे। न्हुसो इम्बालाइ येसुहेङ समुन्द्र ह्रुता-ह्रुता तेतेङ नाउ भारि लोका तिङतेङ इम्बालाइ थिहि। कालाउ येसु इम्बालाइहेङ दोअ्हि, “का दोङ हिघा, माअ्थिसु।”