Popular Bible Verses from लुका 6

શેર કરો

आरुगेलाइहेङ पिसु कालाउ नेलाइहेङ बुङ परमेस्वर रेम्फा दोङतेङ प्यावा थिचाइकाताङ कालाउ ताम्पाकाताङ हेङगालाइकाताङ होपाङ निङस्वाना, जेथे हेन्जा मन पितेङ हिनाना, ओदोङ झोको हेन्जा नाअ् ग्यान बुझियाना।

एनोङ आसल द्‍याङ, ताइको मनता हिका आसल काथा भाकारसो आसल काथा दोङ ओल्लेपाखे। खाराब द्‍याङ खाराब दोङ काथा भाकारसो ओल्लेपाखे। हाइपालिपानु जेदोङ मनता हि ओदोङ काथा द्‍याङगेलाइ धुइखे।

कालाउ ताइको सतुरुगेलाइहेङ प्रेम पासु। इम्बालाइहेङ रेम्फा पासु, कालाउ रिन ह्रेकालाइहेङ धुरिपाङका दोअ्तेङ आस मापासिङ रिन पि। एन्सा पाहे पानु नेलाइ बार्का इनाम निङस्वाना कालाउ सर्बोच्च परमेस्वरको सान्तानगेलाइ जेङस्वाना, हाइपालिपानु परमेस्वर बैगुनि कालाउ दुस्ट द्‍याङगेलाइहेङ दाया पाखे।

जेसाङ आबा परमेस्वर दायाका हि, कालाउ नेलाइ बुङ एन्साङ दायाका जेङसु।

आरुको न्याय मापासु, कालाउ नेलाइको परमेस्वर बुङ न्याय मापाङ। आरुगेलाइहेङ मादुसिसु, कालाउ नेलाइ बुङ दुसिका माजेङस्वाना। स्यामा पासु, कालाउ नेलाइहेङ बुङ स्यामा पापियावा।

का नेलाइहेङ दोअ्खा, ताइको सतुरुगेलाइहेङ प्रेम पासु, जाइ नेलाइहेङ मन्दा माताखे इम्बालाइहेङ बुङ भलाइ पासु, नेलाइहेङ साराप पिकालाइहेङ बुङ आसिरबाद पिसु, नेलाइ दोफा दुर्यव्भार पाकालाइको भाअ्सिङ प्रार्थाना पापिसु।

जेसाङ नेलाइ दोफा द्‍याङगेलाइ हिसिका पाका मन्दा तासुखेना, कालाउ नेलाइ बुङ द्‍याङगेलाइ दोफा इन्सिकाङ पासु।

जेसापा हासु बुङ नेलाइको एनोङ गाल्भुङता चाउरिनु आरोङ भेनेङ गाल्भु बुङ धोअ्पि जेसापा हासु बुङ नाङको लोखन चुम्पुनु वासेहेङ कोट बुङ पि। नाङको दोफा ह्रेकालाइहेङ झाराङहेङ पि कालाउ नाङको आमेने चुम्पुका दोफा आरोङ मार्हे।

एनोङ रेम्का सिङ मारेम्का सेका हेलाउ बुङ मासेपाखे, एन्साङ दोङ एनोङ मारेम्का सिङ रेम्का सेका सेपालि मादावा।

गोताङ सिङ वाको सेका पिकासो नाल्लि दोअ्खे द्‍याङगेलाइ चुइको झुन्जिसो आन्जिर पेलि माद्वावा कालाउ इम्बालाइ चुइ झुन्जिसो आङगुर पेलि माद्वावा।