Popular Bible Verses from रोमि 10

શેર કરો

हाइपालिपानु जेसापा नाअ् येसुहेङ प्रभु दोअ्तेङ ताइको नुइहोइ द्‍याङगेलाइको आगाता सुइकार पान्हा, कालाउ परमेस्वर वासेहेङ सिकालाइसो सिन्चाल पाहि दोअ्तेङ ताइको हृदयता खाङधुरि पान्हा पानु परमेस्वर नाङको मुक्ति पावा।

हाइपालिपानु केलाइ ताइको हृदयहोइ खाङधुरि पान्हाखे पानु, परमेस्वर पाहासो केलाइ धर्मि जेनाङ। कालाउ केलाइ ताइको नुइहोइ खाङधुरि पाङका दोअ्तेङ सुइकार पानाखे कालाउ परमेस्वर केलाइहेङ बान्चिपाङ।

ओदोङ भाअ्सिङ खाङधुरि एन्सालाउ लोखे जेलाउ नाअ् बचन हिङखेना, कालाउ इङको बचन ख्रिस्टको बचन दोङ हि।

हाइपालिपानु धर्मसास्तरता परमेस्वरको बक्ता यासाइया येसु ख्रिस्टको बारेता एसापा लेखेका हि, “वाको ह्रुता भोरोसा ताअ्का हासु बुङ निरास माजेनाङ।” हाइपालिपानु यहुदि कालाउ गैर-यहुदिता हाइ दोङ फरक मान्थु। वा एनोङ दोङ प्रभु झाराङको प्रभु हि, कालाउ वासेहेङ साघाइलिको भाअ्सिङ काइका झाराङहेङ बान्चि पावा। हाइपालिपानु धर्मसास्तरता इसिका लेखेका हि, जाइ-जाइ प्रभुको मिङ ल्होकावा वा मुक्ति निनावा।

कालाउ हासु बुङ हानितेङ इम्बालाइहेङ दोअ्लि खान्तेङ लाम्फा, उङको द्‍याङहेङ दिङगिल्लि गोइखे। जेसाङ धर्मसास्तरता लेखेका हि, “सुसमाचार प्राचार पाका द्‍याङगेलाइको खोकोइ हेथे सोबाइका हि!”

कालाउ द्‍याङगेलाइ प्रभुहेङ साघाइलिको भाअ्सिङ काइलि खान्तेङ लाम्फा, इम्बालाइ प्रभुहेङ खाङधुरि पालि गोइखे, कालाउ इम्बालाइ वासेहेङ खाङधुरि पालि खान्तेङ लाम्फा, वाको बारेता हिङलि गोइखे, कालाउ द्‍याङगेलाइ प्रभुको बारेता हिङलिको भाअ्सिङ, हासु बुङ इम्बालाइहेङ येसु ख्रिस्टता हेसा खाङधुरि पालि दोअ्लि गोइखे।

हाइपालिपानु ख्रिस्ट लोतेङ एला व्यवस्थाको उदेस्य पुरा जेङलि दोका हि। ओदोङ भाअ्सिङ ख्रिस्टता खाङधुरि पाका झाराङहेङ परमेस्वर धर्मि बानाइयाङ।