Popular Bible Verses from रोमि 6

શેર કરો

हाइपालिपानु पापको परिनाम चाहि सिका दोङ, कालाउ परमेस्वरको पिका बरदान चाहि ख्रिस्ट येसु केलाइको प्रभुता आनान्त जिबन दोङ।

हाइपालिपानु पापहोइ नेलाइहेङ आधिनता पालि माद्वाङ, हाइपालिपानु नेलाइ मोसाको व्यवस्थाको आधिनता मान्थु सुन्हा, कालाउ परमेस्वरको आनुग्रहको आधिनता हिसुना।

ओदोङ भाअ्सिङ जेलाउ केलाइ बप्तिस्ता ह्रुन्हाहि, कालाउ केलाइ ख्रिस्ट दोफाङ सिन्हाहि कालाउ वाको दोफाङ लिन्हाहि। कालाउकि जेसाङ आबा परमेस्वर ताइको महिमा पाहासो ख्रिस्टहेङ सिकालाइसो सिन्हु पाहि, एन्साङ दोङ केलाइ बुङ नावा जिबन निङतेङ बान्चियाङ।

नाङको जिउको आङगगेलाइहेङ दुस्ट कामगेलाइ पालि आर्पन मापासु। भरु सिकासो जिबनता चुमाका द्‍याङगेलाइ भाइपा ताइको जिबन परमेस्वरता सुम्पिसु। कालाउ नाङको आङगगेलाइहेङ ठिक काम पालिको भाअ्सिङ परमेस्वरहेङ सुम्पिसु।

केलाइ गिनाखे कि, केलाइको पापमय ब्यभार ख्रिस्ट दोफा क्रुस्टा तोइन्हाहि, कालाउकि केलाइको जिउको पापमय स्वाभाब नासाताको, कालाउ एलासो केलाइ ताइमिङ पापको बान्धाइति माजेनाइने।

एन्साङ पातेङ नेलाइ बुङ ता-ताइमिहेङ पापको आधिनसो सिका, कालाउ ख्रिस्ट येसुता परमेस्वरको सेवाको भाअ्सिङ सिन्हुका दोअ्का थानिलि गोइखे।

एला केलाइ हाइ दोअ्लि? परमेस्वर ताइको आनुग्रहसो केलाइको पाप स्यामा पापिखे। कालाउ केलाइ एसापा दोअ्लि माएल कि आनुग्रह हेन्जा ह्याको दोअ्तेङ केलाइ पाप पातेङ ह्याइने। एन्सा माज्याको! केलाइते पापको भाअ्सिङ सिलि दोनाहोइ, ओदोङ भाअ्सिङ केलाइ एला लागातार जिबनता पाप पालि माएल।

नेलाइ गिसुखेना कि, जेलाउ नाअ् ताइमिहेङ हासुको बुङ बान्धाइति जेङलि प्याना, कालाउ इङको द्‍याङ नाङको ग्रिहि जेङखे कालाउ वाको दोअ्का काथा नाअ् दोङ पालि गोयाना। कालाउ नाअ् पापको बुङ बान्धाइति जेङलि द्वाना जाइ नासेहेङ सिका भारि चुम्पुखे माकुनु नाअ् परमेस्वरको आग्या केम्लि बुङ दोसु, जाइ नासेहेङ धार्मिक जिबन भारि चुम्पुवावा।

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा। परमेस्वर नेलाइहेङ पापको सरबुङसो मुक्त पाहि, कालाउ नेलाइ ठिक काम पालिको भाअ्सिङ परमेस्वरको बान्धाइति जेङका हिसुना।