Popular Bible Verses from Maˍkuˆ 8

શેર કરો

Changˉ aˉ mangˉ na baˍ upˍ hkaˍ tawng a sak hingˉ na piˉ caeˉ taw naeˉ uiˉ saˍ laiˍ kuitˆ baoˉ vaˍ, a sak ya sumˍ naeˍ. Ga beu mawnˍ pyawˉ naeˉ uiˉ ang buingˉ tangˍ kanˉ saˍ laiˍ yang a sak hingˉ na piˉ sumˍ baoˉ vaˍ, yang a sak hingˉ na htaiˍ awkˍ naeˍ.

Changˉ nawˍ nuingˉ chaˍ lawˉ kaˆ ningˉ na ya yao muiˉ yang beu ang hkawˍ laˉ hingˉ sumˍ yaˍ laeˍ baoˉ vaˍ, ba ceuˇ ang buinˉ ca naeˇ.

Yeˍsuˆ changˉ ang muˉ uiˉ na nae yang nawngˍ veu hkeˍ naeˍ uiˉ na haoˉ chawnˉ yao ha biˍ jiˍ. Changˉ htiˍ hu hu ga nawngˍ veu hkeˍ naeˍ uiˉ changˉ hpeuˍ siˍ baoˉ vaˍ, yang beu a loˍ hingˍ na chiˉ saˍ yao hkaˍ tawng beu laˍ kang hingˉ na paˍ yao a sak hkamˉ siˉ beu tiˍ hkeu ga kawngˉ laˉ voˍ.

Changˉ nawˍ ba ceuˉ hingˉ piˍ yao yang ang hkawˍ laˉ mangˉ na cheˉ yuˉ laeˍ taw naeˇ. Ningˉ coe veu suˉ yaˍ linˉ yaˍ naeˍ uiˉ puing kawˉ jiˉ ningˉ hkaoˉ veu aˍ sangˍ na baˍ upˍ ga na nae ga ciˍ tangˍ ningˍ na saˍ caw baoˉ vaˍ, Changˉ hingˍ mangˉ buingˍ htaˍ naiˍ htangˍ ang seungˍ sangˉ uiˉ kawngˉ a vangˉ Hpaˍcaoˍ beu mun hpungˉ hingˉ hanˉ yao lui laeˍ beu, yaˇ ya saˍ caw naeˉ nae ha biˍ jiˍ.

Yeˍsuˆ mangˉ muiˉ, Nawng ngaˍ Ga na aˍ sangˍ mangˉ nae kuitˆ langˍ ngaeˇ nae naˉ yao, Peˍtruˆ maˇ Naˇ Hkrit mangˉ yaˇ nae ha biˍ jiˍ.