ᤋᤥᤗᤡᤱᤛᤥᤔᤢ 28 માંથી લોકપ્રિય બાઇબલ વચનો

શેર કરો

ᤀᤥᤔᤧᤳᤋᤧ᤹. ᤀᤠᤱᤃᤠ᤹ ᤂᤧᤏᤧ᤹ᤏᤢ ᤘᤠ᤹ᤀᤠ ᤜᤧᤰᤁᤩᤠᤱ ᤂᤧᤏᤧ᤹ ᤀᤠᤳᤋᤡ ᤁᤧᤒᤣ᤺ᤰᤛᤠᤱ ᤀᤠᤱᤃᤠ᤹ ᤁᤶᤒᤪᤠᤱ ᤔᤧᤳᤏᤧ॥ ᤜᤧᤰᤁᤩᤠᤱ ᤀᤠᤱᤃᤠ᤹ ᤁᤴ ᤋᤧᤴᤏᤥ ᤂᤧᤏᤧ᤹ ᤏᤢ᤺ᤰᤏᤧ ᤋᤠ᤺ᤳᤏᤧ. ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤂᤧᤏᤧ᤹ ᤔᤧᤳᤏᤧᤒᤠ ᤐᤠ᤺ᤴᤏᤡᤴ ᤔᤧᤱᤃᤧᤳᤋᤣ ᤌᤠᤖᤡᤰ ᤔᤧᤗᤧᤳᤏᤧᤸᤗᤥ॥”

ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤴ ᤂᤧᤸᤗᤧ ᤁᤢᤛᤶᤎᤠᤱ ᤕᤧᤶᤛᤡᤱᤅᤠᤱ ᤕᤠᤁᤢᤒᤧᤴ ᤔᤧᤳᤋᤢ. “ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠ ᤁᤧᤴᤎᤧᤒᤠ ᤀᤒᤪᤠᤜᤠᤶᤔᤡᤸᤗᤧ ᤁᤢᤏᤡᤱᤘᤠ᤹ᤑᤢᤔᤠᤱ ᤜᤧᤰᤁᤩᤠᤱ ᤁᤧᤶᤒᤠ ᤀᤡᤛᤜᤠᤰᤁᤧᤸᤗᤧ ᤁᤢᤏᤡᤱᤘᤠ᤹ᤑᤢᤔᤠᤱᤀᤠ॥ ᤂᤧᤏᤧ᤹ ᤁᤧᤏᤧᤒᤠ ᤁᤴ ᤕᤥ᤹ᤒᤠᤴ ᤂᤧᤏᤧ᤹ ᤏᤢ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤐᤡᤏᤡᤱ॥

ᤂᤧᤒᤩᤠᤱ ᤕᤠᤁᤢᤒᤧᤴ ᤁᤢᤔᤡᤰ ᤕᤢᤔᤠᤗᤠᤶ ᤛᤥᤖᤧ ᤗ᤺ᤴᤍᤧᤀᤠᤱ ᤐᤠ᤺ᤳᤋᤢ. “ᤛᤧᤰᤂᤠᤛᤠᤱ ᤁᤴ ᤋᤧᤴᤏᤥ ᤕᤜᤘᤣ ᤍᤠᤱᤒᤠᤴ ᤘᤠ᤹ᤖᤇ. ᤀᤠᤱᤃᤠ᤹ ᤁᤴ ᤔᤧᤴᤏᤡᤒᤧᤴ॥”

ᤂᤧᤒᤩᤠᤱ ᤕᤠᤁᤢᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢᤖ ᤗᤳᤇᤠ ᤔᤠᤱᤜᤧᤰ ᤌᤡᤰ ᤆᤥᤃᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤱᤃᤠ᤹ᤏᤢ ᤘᤠ᤹ᤀᤠᤱ. ᤀᤠᤗᤠᤶᤍᤡ᤺ᤰᤁᤥ ᤁᤶᤒᤪᤠᤱ ᤔᤧᤳᤋᤠ. ᤀᤠᤈᤠᤔᤠ ᤀᤠᤎᤢᤱᤔᤠ ᤁᤢᤈᤠ ᤏᤢ ᤀᤠᤈᤠᤱᤔᤠ ᤆᤠᤱ ᤐᤡᤀᤠ. ᤜᤧᤰᤁᤩᤠᤱ ᤔᤧᤱᤃᤧᤱ ᤔᤧᤴᤇ᤺ᤴᤀᤣ ᤌᤣᤀᤠᤱ ᤔᤧᤸᤗ᤹ᤀᤣ ᤀᤠᤱᤃᤠ᤹ ᤀᤠᤶᤒᤠᤖᤧ ᤁᤢᤜᤡᤶᤔᤥ ᤏᤢ᤺ᤱᤀᤠ ᤋᤠᤀᤠᤏᤣ ᤑᤠᤃᤪ. ᤕᤜᤘᤣ ᤍᤠᤱᤒᤠᤴᤏᤣ ᤀᤠᤱᤃᤠ᤹ ᤀᤠᤏᤡᤱᤘᤠ᤹ᤑᤢᤔᤠᤱ ᤐᤥᤱᤗᤥ॥ ᤜᤧᤰᤁᤩᤠᤱ ᤀᤠᤱᤃᤠ᤹ ᤛᤡᤳᤗᤠᤱ ᤜᤧᤰᤁᤣ ᤏᤡᤱᤘᤠ᤹ᤛᤥᤰᤗᤧ ᤗᤠᤃᤡ ᤜᤠᤰᤋᤢᤱᤒᤠ ᤁᤴ ᤗᤢᤱᤅᤡᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶ ᤐᤥᤱᤗᤥ. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤏᤧ᤹ ᤁᤧᤒᤡᤀᤠᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ᤗᤠᤶ ᤌᤡᤒᤥᤱᤗᤰ ᤐᤡᤏᤧᤖᤥ॥”

ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤂᤠᤶᤒᤣ᤺ᤰᤔᤥᤒᤠ ᤂᤠᤶᤓᤢᤋᤪᤠ ᤕᤠᤖᤡᤰ ᤔᤧᤒᤥᤱ॥ ᤂᤧᤏᤧ᤹ ᤏᤠᤶᤃᤧᤳ. ᤏᤠᤶᤎᤠ. ᤌᤠᤱᤃᤧᤳ ᤏᤢ ᤗᤠᤱᤃᤧᤳ ᤐᤡᤛᤠᤱ ᤁᤧᤒᤥ᤺ᤴᤗ ᤁᤧᤒᤣ᤺ᤰ॥ ᤂᤧᤏᤧ᤹ ᤏᤢ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤗᤠᤶᤒᤠᤀᤣ ᤀᤡᤰᤛᤠ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤔᤧᤄᤥᤛᤢᤖᤥ॥

ᤂᤢᤏᤧ᤹ ᤂᤧᤴ ᤋᤧᤴᤏᤡᤸᤗᤧ ᤁᤢᤔᤡᤱ ᤒᤣᤌᤣᤗ (ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤜᤡᤶ) ᤕᤢᤰᤂᤢ॥ ᤋᤃᤡ ᤂᤧᤴ ᤋᤧᤴᤏᤡᤸᤗᤧ ᤁᤢᤔᤡᤱ ᤗᤢᤈ ᤘᤕᤧ॥