Popular Bible Verses from PAIKHIATNA 2

શેર કરો

Pasian in amau’ thumna za hi. Pasian in Abraham, Isaac, le Jakob tawh a thuciamna a phawk hi. Pasian in Israel mite mu a, amaute’ omzia zong a thei hi.

Tua zawh kum tampi khit ciangin Egypt kumpipa si hi. Israel mite a salsuahna sung uhah amau’ kikona Pasian kiang tung hi.

Naupang khang a, amah in Faro tanu’ kiangah paipih a, amah pen tua nu’ tapa a suak hi. Amah in a min Moses a phuak hi. Bang hang hiam cih leh amah in, “Tui sung panin amah ka kai khia hi,” a ci hi.

Faro’ tanu in ama kiangah, “Hih naupang la inla, kei a dingin hong khoisak in; na thaman kong pia ding hi,” a ci hi. Tua ahih ciangin nupi in naupang la-in a khoi hi.

Tu-in Faro’ tanu a kisil dingin gun-ah hong pai a, a nasem numeite gun gei-ah a vak lai takun amah in phaikungte lakah a lawh mu a, tua lawh a la dingin a nasem numei khat a sawl hi.

Ni khat, Moses a khan khit ciangin, ama mipihte kiangah pai-in amau’ gimnate va mu hi. Egypt mi khat in ama mipih Hebru mi khat a sat zong a mu hi. Amah khuadak kawikawi a, kuamah mu lo ahih manin Egypt mipa thatin sehnel sungah a seel hi.