Popular Bible Verses from Maliko 6

શેર કરો

Yesu akawalongela, “Chiteni hant'hu habule want'hu mkahumule chidogo.” Kalonga ivo kwa vila kukala na want'hu wengi nk'hani wakalile wakufika hant'hu hala na kusegela ivo Yesu na wanahina wake wakala hawakupata nyafasi ya kudya ndia kwa vila wakala wakuwatendela kazi.

Yesu akawalongela, “Mlotezi wa Mulungu akutogoligwa na want'hu wamwenga, mbali hakutogolwa na want'hu wa mui isi yake na want'hu wa kaya yake na walukolo lwake.”

Yesu ivo atelemke kulawa mdidalu, akawaona want'hu wengi nk'hani na akawaonela ubazi kwa vila wakala gesa ngoto wabule mdima. Na akandusa kuwafunza mbuli nyingi.

Yesu hatendile uzonza kumwao, mbali kawalombela watamu wadodo na kuwahonya. Yesu akakangawala nk'hani kwa vila hawamtogole. Kamala Yesu kakala akwita mvibululu vikalile haguhi na hala na kuwafunza want'hu.

Kamala Yesu akasola ila migate mitano na wala somba waidi, akalola kuchanya kuulanga, akamshukulu Mulungu kamala akaimegula akawenk'ha wanahina wake wawagawile want'hu. Na wala somba waidi akawenk'ha wakawagawile want'hu wose. Want'hu wose wakadya na kwiguta. Wanahina wake wakavidondola vibenza visigale va migate na somba na kumemeza visege kumi na vidi.