Popular Bible Verses from Acakki 28

શેર કરો

Nen, an atye kwedi, abigwoki ka ma ibiwoto iye ducu, dok abidwoki cen wa i lobo man; pe abiweki ata nio waŋ ma acobo gin ma atyeko i okone boti-ni.”

Oneno Rwot ocuŋ tuŋ ka wiye malo, kun waco ni, “An a Rwot, Lubaŋa pa kwaru Abraim, ki Lubaŋa pa Icaka; abimiyi lobo ma ibuto iye-ni, abimiyo boti ki bot likwayi

Ka Yakobo oco woko ki i waŋ nino, ci owacci, “Rwot tye i kabedo-ni ada; onoŋo an kara pe aŋeyo.”

Yakobo ocako kwoŋo kwoŋ kun waco ni, “Ka Lubaŋa bibedo kweda, kun gwoka i yo man ma awoto iye-ni, ka dok bimiya kwon me acama, ki boŋŋi me aruka, ka ce abidwogo wa i ot pa wora ki kuc, ci Rwot doŋ bibedo Lubaŋana, ki got man bene, ma acibo me bedo wir, bidoko ot pa Lubaŋa: ki gin ducu ma ibimina, an bene abimini dul acel me aparre.”

dok likwayi gibibedo ma rom ki apwa ‘me lobo, dok wubimedde wuromo yo tuŋ potoceŋ ki tuŋ wokceŋ, ki yo tuŋ acam ki tuŋ acuc bene; dok i kom in ki i kom likwayi en aye kaka ducu ma wi lobo bilimo iye gumgi.

Ocako nyiŋ kabedo meno ni Betel; ento nia wa con onoŋo nyiŋ kabedo meno gilwoŋo ni Luj.