Popular Bible Verses from 1. Korinta 12

શેર કરો

Daut waut de Jeist en jiedrem wirkjt, es doatoo jejäft, daut daut aulen toom nutzen deenen saul.

Jie sent nu Christus sien Kjarpa, un een jiedra es een Jlett aun am.

Wan een Jlett litt, lieden aule Jläda met. Un wan een Jlett jeieet woat, freien de aundre sikj aula met.

Eenem woat daut derch dän Jeist jejäft, en Weisheit to räden. Eenem aundren woat daut derch dän selwjen Jeist jejäft, Erkjantnis verendach to brinjen. Eenem aundren es de Gloowen jejäft, derch dän selwjen Jeist. Eenem aundren es de Gow jejäft, to heelen derch dän selwjen Jeist. Eenem aundren es de Krauft jejäft, Wunda to doonen. Eenem aundren es jejäft, profeetisch to räden; eenem aundren, Jeista to unjascheeden; eenem aundren, veschiedne Sproaken to räden; un eenem aundren, de Sproaken uttolajen.

Oba aul dit wirkjt een un deeselwja Jeist, un deelt eenem jiedren doano too, aus hee daut well.

Doaräwa saul nich eene Spoolunk em Kjarpa sennen, de Jläda sellen aula jlikj eena fa dän aundren sorjen.

Doa sent veschiedne Gowen, oba doa es een Jeist. Doa sent veschiedne Deensten, oba doa es een Har. Doa sent veschiedne Sorten von Krauft, oba doa es een Gott, dee aules en aulen wirkjt.

En de Jemeent haft Gott ieeschtens Apostel enjesat, tweedens Profeeten, dreddens Lierasch, dan Wundawirkja, dan soone, dee de Gow haben, to heelen, Helpa, Vewaulta, un soone, dee en veschiedne Sproaken räden.

Een Kjarpa es nich met een Jlett jemoakt, oba met väle.

Daut es jrod aundasch: Dee Jläda aum Kjarpa, dee ons aum schwaksten väakomen, sent de needichste.

Wan de gaunze Kjarpa een Uag wia, wua wudd daut hieren bliewen? Wan de gaunze Kjarpa Ua wia, woo sull eena rikjen kjennen? Oba nu haft Gott daut met de Jläda aum Kjarpa soo toopjestalt aus hee daut fa goot befungen haft. Wan dee aula een Organ wieren, woo kunn daut dan een Kjarpa jäwen?