Popular Bible Verses from 1. Korinta 2

શેર કરો

Oba jrod soo aus jeschräwen steit: “Waut kjeen Uag jeseenen haft un kjeen Ua jehieet haft un wuaraun kjeen Mensch jedocht haft, haft Gott reed jemoakt fa dee, dee am goot sent.”

Wäa sikj Gott sienen Jeist nich unjastalt haft un met sien ieejnet Vestaunt uadeelen well, kaun daut nich vestonen, waut von Gott sienen Jeist kjemt. Daut es fa am Onsenn un hee kaun daut nich vestonen. Daut mott eefach met de Help vom Heiljen Jeist beuadeelt woaren.

Ons haft Gott daut weeten loten derch sienen Jeist, dän hee ons jejäft haft. Wiels de Jeist forscht aules no, soogoa Gott siene deepste Jeheemnisen.

Wie haben nich dise Welt äaren Jeist jekjräajen, oba dän Jeist, dee von Gott es. Derch disen Jeist weet wie, waut Gott ons jejäft haft.

Miene Lia un miene Prädicht wirkjten nich doaderch, daut ekj groossoatje Wieed un menschelje Weisheit brukt, oba doaderch daut Gott sienen Jeist met väl Krauft wirkjen leet. Jun Gloowen sull sikj nich no menschelje Weisheit rechten, oba no Gott siene Krauft.